୧ ଯୋହନ 3:9 - New Testament in Pengo Parja Language

⁹ ଇମ୍‌ଣି ମାନାୟାର୍ ଈଶ୍ୱର ମେହିର୍, ହେୱାର୍‌ ପାପ୍ କିଉର୍, ଇନେସ୍‌କି ଈଶ୍ୱର ତା ଜିବୁନ୍ ହେୱାରିଙ୍ଗ୍ ହିତାନ୍‌ନା। ଲାଗିଙ୍ଗ୍ ହେୱାର୍ ପାପ୍ କିଜି ମାନୁର୍, ଇନେସ୍‌କି ହେୱାର୍ ଈଶ୍ୱରତାଙ୍ଗ୍ ୱାତାର୍‌ନା।

ସତ୍‌ ବଚନ୍‌ ପୁନି ନିୟମ୍‌

⁹ ଇନେର୍‍କି ଇସ୍ୱର୍‌ତି ତାଂ ଉବ୍‌ଜାଣ୍, ହେୱେନ୍ ପାପ୍‌ କିଉନ୍‌, ଇନେକିଦେଂକି ଇସ୍ୱର୍‌ତି ମାଜ଼ି ତା ତାକେ ମାନ୍‌ଙ୍ଗାନାନ୍‌, ଆରେ ହେୱେନ୍ ଇସ୍ୱର୍‌ତାଂ ଉବ୍‍ଜାଣ୍‍ ଆତିଲେ ପାପ୍‌ କିଦେଙ୍ଗ୍‌ ଆଡୁନ୍‌ ।

୧ ଯୋହନ 3:9 Iomraidhean Croise

ମାତିଉ 7:18

ହାର୍ଦି ମାନାୟ୍ ବାନ୍ୟା କାମାୟ୍ କିଉନ୍ କି ବାନ୍ଯା ମାନାୟ୍ ହାର୍ଦି କାମାୟ୍ କିଉନ୍। ହେଲେକେନେ ବାନ୍ଯା ମାର୍ ବାନ୍ୟା ପାଡ଼୍‌ ଆହ୍‌ନାତ୍।

ଜହନ୍‌ 1:13

ହେୱାର୍ ଜେକନି ହିମ୍‌ଣାଙ୍ଗ୍ ଲେକେ ଜନମ୍ ଆୱାତାର୍। ହେୱାର୍ ଆବା ଆୟାର୍ ଇଚାତାଙ୍ଗ୍ ଜନମ୍ ଆୱାଦାଙ୍ଗ୍, ଈଶ୍ୱର ଇଚାତାଙ୍ଗ୍ ଜନମ୍ ଆଜି ମାଚାର୍।

ଜହନ୍‌ 3:3

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଆରେରଗ ଜନମ୍ ଆୱିତିସ୍ ଇନେର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ପକ୍ୟାତାକା 4:20

ଇନେସ୍‌କି ଆପେଙ୍ଗ୍ ଇନା-ଇନାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା, ହେ ୱିଜୁ ୱେଚ୍‌ୱାଦାଙ୍ଗ୍ ଆପେଙ୍ଗ୍ ମାଞ୍ଜେଙ୍ଗ୍ ଆଡୁପ୍।”

ରୋମିୟ 6:2

ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ଆରେ କିଜି ମାନୁସ୍। ଇନେସ୍‌କି ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ମାନାୟ୍ ଲେକେ ଆତାସ୍‌ନା।

ଗାଲାତିୟ 5:17

ଇନେସ୍‌କି ଗାଗାଡ଼୍‌ନି ଇଚା କରାପ୍ ବିଷୟ କିଦେଙ୍ଗ୍ ଇଚା କିନାତ୍, ଇନାକାକି ପବିତ୍ର ଆତ୍ମା ଇଚାନି ବିରଦ୍ ଲେକେ। ପବିତ୍ର ଆତ୍ମା ମାଙ୍ଗେଙ୍ଗ୍ ହାର୍ଦି ବିଷୟ କିନି ଇଚା ହିଦ୍‌ନାତ୍, ହେଦାଙ୍ଗ୍ ଗାଗାଡ଼୍‌ନି ଇଚାନି ବିରଦ୍ ଲେକେ। ଇନେସ୍‌କି ଇ ରିଣ୍ଡାଙ୍ଗ୍ ଶାକ୍ତି ବିତ୍ରେତାଙ୍ଗ୍ ୱିଜୁଦିନ୍ ଜଗ୍‌ଡ଼ା ଲାଗିସ୍ ମାଚିସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହାର୍ଦି ବିଷୟ ୱିଜୁଦିନ୍ କିଦେଙ୍ଗ୍ ଇଚା କିତିସ୍ ପା, ଆସେଙ୍ଗ୍ କିଦେଙ୍ଗ୍ ଆଡୁସ୍।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

୧ ପିତର 1:23

ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନି ଦର୍‌କାର୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍‌ନା। ଇ ପୁନି ଜିବୁନ୍ ଏପେଙ୍ଗ୍ ନଷ୍ଟ ଆନି ମାଞ୍ଜିତାଙ୍ଗ୍ ପାୟା ଆୱାତାଦେର୍‌ନା ମାତର୍ ୱିଜୁଦିନ୍ ମାନି ମାଞ୍ଜିତାଙ୍ଗ୍ ପାୟା ଆତାଦେର୍‌ନା, ଇନେସ୍‌କି ହେଦାଙ୍ଗ୍ ୱିଜୁଦିନ୍ ଜିବୁନ୍ ମାନି ଈଶ୍ୱର କାତାତାଙ୍ଗ୍ ୱାନାତା।

୧ ଯୋହନ 2:29

ଆପେଙ୍ଗ୍ ପୁଚାପ୍‌ନା ଈଶ୍ୱର ୱିଜୁଦିନ୍ ଟିକ୍, ଆରେ ଆପେଙ୍ଗ୍ ଇଦାଙ୍ଗ୍ ପା ପୁଚାପ୍‌ନା ଯେ, ଇମ୍‌ଣି ମାନାୟ୍ ଟିକ୍ କାମାୟ୍ କିନାନ୍, ହେୱାନ୍ ଈଶ୍ୱର ମେହି।

୧ ଯୋହନ 3:6

ଇମ୍‌ଣି ମାନାୟ୍ ଖ୍ରୀଷ୍ଟତାକେ ମାନାନ୍, ହେୱାନ୍ ପାପ୍ କିଉନ୍। ମାତର୍ ଇମ୍‌ଣି ମାନାୟ୍ ପାପ୍ କିଜି ମାନାନ୍, ହେୱାନ୍ ତାଙ୍ଗେଙ୍ଗ୍ ପୁନୁନେ କି ବୁଜାଆୱାତାନ୍‌ନା।

୧ ଯୋହନ 4:7

ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୧ ଯୋହନ 5:18

ଇମ୍‌ଣାକାନ୍ ଈଶ୍ୱର ମେହି ଆତାନ୍‌ନା ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିଜି ମାନୁନ୍। ଇନେସ୍‌କି ହେୱାନ୍ ଈଶ୍ୱର ମେହି ଆତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ରକ୍ଷା କିନାନ୍। ଆରେ ଶୟତାନ୍ ହେୱାନିଙ୍ଗ୍ ଡୁବେଦେଙ୍ଗ୍ ଆଡୁତ୍ ହେଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ଯୋହନ 5:4

ଏଚେଜାଣ୍ ଈଶ୍ୱର ମେହିର୍ ଆତାର୍‌ନା। ହେୱାର୍ ଇ ପୁର୍ତିନି କରାପ୍ କାମାୟ୍‌ତାଙ୍ଗ୍ ଜିତାଆନାର୍‌, ଇନେସ୍‌କି ହେୱାରିଙ୍ଗ୍ ଖ୍ରୀଷ୍ଟ ଜିତାୟ୍ କିନାକାନ୍ ଇଞ୍ଜି ପାର୍ତିକିନାରା।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।