୧ ଯୋହନ 3:19 - New Testament in Pengo Parja Language

¹⁹ ଇଲେକେ ଆସେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାସ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ମେହିକାସ୍ ଇଞ୍ଜି ପୁନାସ୍,

ସତ୍‌ ବଚନ୍‌ ପୁନି ନିୟମ୍‌

¹⁹ ତା ଆତିସ୍‌, ଆସେଙ୍ଗ୍‌ ପୁନାସ୍‌ ଜେ, “ହାତ୍‌ପା” ନେ ମା ମାନାକା ଆରି ଏନେତେନେ ଆୱାଦାଂ ମାନ୍ତ ଇସ୍ୱର୍‌ ଲାଗାଂ ହାଞ୍ଜେଙ୍ଗ୍‌ ଆଡ୍‌ନାସ୍‌ ।

୧ ଯୋହନ 3:19 Iomraidhean Croise

ଜହନ୍‌ 13:35

ଏପେଙ୍ଗ୍ ଯଦି ଜାର୍-ଜାର୍‌ତିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ୱିଜାକାର୍ ପୁଞ୍ଜ୍‌ନାର୍ ଯେ, ଏପେଙ୍ଗ୍ ନା ଚେଲା କାଦେର୍।”

ଜହନ୍‌ 18:37

ପିଲାତ ୱେଚ୍‌ଚାନ୍, “ଲାଗିଙ୍ଗ୍ ଏନେଙ୍ଗ୍ ରକାଇ ରାଜା।” ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ରାଜା ଇଞ୍ଜି ୱେଚ୍‌ଚାନାୟା। ଇଦାଙ୍ଗ୍ ସତ୍। ଆନେଙ୍ଗ୍ ଇଦାଙ୍ଗ୍ କାଜିଙ୍ଗ୍ ଜନମ୍ ଆତାଙ୍ଗ୍‌ନା। ମାନାୟାରିଙ୍ଗ୍ ସତ୍ ବିଷୟରେ ପୁନିକିଦେଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଜଗତ୍‌ତାକେ ୱାତାଙ୍ଗ୍‌ନା। ସତ୍‌ତିଙ୍ଗ୍ ଲାଡ୍ କିନାକାର୍ ୱିଜୁ ମାନାୟ୍ ନା କାତା ୱେନାର୍।”

ରୋମିୟ 4:21

ଈଶ୍ୱର ତାଙ୍ଗେଙ୍ଗ୍ ଇମ୍‌ଣି ପାର୍ମାଣ୍ ହିଜିମାଚାତ୍‌, ହେ ପାର୍ମାଣ୍‌ତିଙ୍ଗ୍ ହେୱାନ୍ ପୁରାୟ୍ କିଦେଙ୍ଗ୍ ଆଡ୍‌ନାନ୍ ଇଞ୍ଜି ହାର୍ କିଜି ପୁନ୍‌ଞ୍ଜି ମାଚାନ୍। ଆରେ ହେୱାନ୍ ଆଦିକ୍ ପାର୍ତି କିଜି ମାଚାନ୍।

ରୋମିୟ 8:38

ଆରେ ଆନେଙ୍ଗ୍ ପୁଚାଙ୍ଗ୍‌ନା ଯେ, ଇନାକା ପା ଈଶ୍ୱର ଲାଡ୍‌ତାଙ୍ଗ୍ ମାଙ୍ଗେଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ଼୍‌ଦୁତ୍। ମାରାଣ୍ କି ଜିବୁନ୍, ଦୁତ୍ କି ବୁତ୍ଆତ୍ମା ନେଞ୍ଜେଙ୍ଗ୍ କି ୱିଗା ଆରେ ନରକ୍‌ନି ଶାକ୍ତି ପା ଈଶ୍ୱର ଲାଡ୍‌ତାଙ୍ଗ୍ ମାଙ୍ଗେଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ଼୍‌ଦୁତ୍। ବାଦାଡ଼୍‌ଜପି କି ପୁର୍ତିନି ତାରେନ୍ ଇଲେକେ ଇନା ସାକ୍ତି ହିଲୁତ୍, ଆରେ ଇ ପୁର୍ତିତାକେ ଈଶ୍ୱର ଉବ୍‌ଜାଇ କିତି ଜିନିଷ୍ ପା ହିଲୁତ୍। ଇମ୍‌ଣାକା ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ୍‌ନାତ୍, ଇମ୍‌ଣାକା ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ପୁନି କିତ୍‌ତାନ୍‌ନା।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

ଏବ୍ରି 10:22

ଖ୍ରୀଷ୍ଟ ତା ନେତେର୍ ତିର୍‌ପିସ୍, ମା ଗରବ୍‌ନି ଦସ୍‌ତିଙ୍ଗ୍ ଦେହା କିତାନ୍‌ନା, ହାର୍ଦି ଏଜୁଙ୍ଗ୍‌ତାଙ୍ଗ୍ ମା ଗାଗାଡ଼୍‌ତିଙ୍ଗ୍ ସପା କିଜି ମାଙ୍ଗେଙ୍ଗ୍ ରେଡି କିତାନ୍‌ନା। ଲାଗିଙ୍ଗ୍ ୱାଡ ଆସେଙ୍ଗ୍ ନଙ୍ଗୟ୍ ହାର୍ଦି ମାନ୍‌ତାଙ୍ଗ୍ ଆରେ ଷ୍ଟ୍ରଙ୍ଗ୍ ପାର୍ତିତାଙ୍ଗ୍ ଈଶ୍ୱର ଲାଗାୟ୍ ହାନାସ୍।

ଏବ୍ରି 11:13

ଈଶ୍ୱର ଇନାକା ପାର୍ମାଣ୍ କିଜି ମାଚାନ୍, ହେଦାଙ୍ଗ୍ ପାୟାଆୱାଦାଙ୍ଗ୍ ଇ ୱିଜୁ ପାର୍ତିକିନି ମାନାୟ୍ ହାଃତାର୍, ମାତର୍ ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ଦେହାତାଙ୍ଗ୍ ହୁଡ଼୍‌ଜି ଆସ୍ତାର୍। ଲାଗିଙ୍ଗ୍ ହେୱାର୍ ଇ ପୁର୍ତିତାକେ ବିନେନି ଦେସ୍ତି ମାନାୟ୍ ଆରେ ଚିନ୍ କିୱିତି ମାନାୟ୍ ଲେକେ ଆଜି ମାଚାର୍।

୧ ଯୋହନ 1:8

ଆସେଙ୍ଗ୍ ଯଦି ଇନାସ୍ ଆସେଙ୍ଗ୍ ଇନା ପାପ୍ କିୱାତାପ୍‌ନା, ଲାଗିଙ୍ଗ୍ ଆସେଙ୍ଗ୍ ନିଜେ ଟକାୟ୍ କିନାସା, ଆରେ ଆସେଙ୍ଗ୍ ସତ୍ ଯିବୁନ୍‌ତାଙ୍ଗ୍ କାଟି କିଉସା।

୧ ଯୋହନ 2:21

ଲାଗିଙ୍ଗ୍ ଏପେଙ୍ଗ୍ ସତ୍ ପୁନୁରେ ଇଞ୍ଜି ଆନେଙ୍ଗ୍ ଲେକିକିଉଙ୍ଗା। ମାତର୍ ସତ୍ ଆରେ ମିଚ୍ ପୁନାଟ୍ ଇଞ୍ଜି ଲେକିକିନାଙ୍ଗା।

୧ ଯୋହନ 3:14

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ହାଃତି ମାନାୟ୍ ଲେକେ ଆକାୟ୍, ମାତର୍ ଆପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆତାକାପ୍, ଇନେସ୍‌କି ଆପେଙ୍ଗ୍ ମା ଟଣ୍ଡାରିଙ୍ଗ୍ ଲାଡ୍ କିନାପା। ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିଉନ୍ ହେୱାନ୍ ହାଃତି ମାନାୟ୍ ଲେକେ।

୧ ଯୋହନ 3:20

ଆରେ ମା ମାନ୍ ଏଚେପାଦ୍ନା ପାପ୍ କିତାୟ୍‍ନା ଇଞ୍ଜି ଦସ୍ କିଦ୍‌ନାତ୍। ହେପାଦ୍ନା ଆସେଙ୍ଗ୍ ଈଶ୍ୱରତାକେ ପାର୍ତାନା କିନି ଦର୍‌କାର୍। ଲାଗିଙ୍ଗ୍ ହେୱାନ୍ ମା ମାନ୍‌ତିଙ୍ଗ୍ ତିର୍ କିଦ୍‌ନାନ୍‌। ଇନେସ୍‌କି ଈଶ୍ୱର ମା ଗରବ୍‌ତାଙ୍ଗ୍ ଗାଜାକାନ୍, ଆରେ ହେୱାନ୍ ୱିଜୁ ପୁନାନା।

୧ ଯୋହନ 3:21

ଏ ନା ଲାଡ୍‌ନି ସାଙ୍ଗ କାଦେର୍, ଏଚେକାଡ଼୍‌ଦ ମା ମାନ୍ ପାପ୍ କିତାୟ୍‍ନା ଇଞ୍ଜି ଦସ୍ ହିଦୁତ୍। ଲାଗିଙ୍ଗ୍ ଆସେଙ୍ଗ୍ ସାସ୍ ଆଜି ଈଶ୍ୱରତାକେ ୱାଦେଙ୍ଗ୍ ଆଡ୍‌ନାସ୍।