୧ ଯୋହନ 3:15 - New Testament in Pengo Parja Language

¹⁵ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଗିଣ୍ କିନାନ୍, ହେୱାନ୍ ମାନାୟ୍ ମାରୁ। ଏପେଙ୍ଗ୍ ପୁଚାଦେର୍‌ନା ଯେ, ମାନାୟ୍ ଅସ୍ତାକାର୍‌ ୱିଜ୍‌ୱି ଜିବୁନ୍ ପାୟା ଆଉର୍।

ସତ୍‌ ବଚନ୍‌ ପୁନି ନିୟମ୍‌

¹⁵ ଇନେର୍‍କି ଜାର୍‌ତିଂ କ୍ରିସ୍ଟଙ୍ଗ୍‌ ପାର୍ତି କିନାକାନ୍‌ ଟଣ୍ଡେନ୍‌ ଆରି ତଣ୍‌ଦେକ୍‌କାଂ ଗିଣ୍‌ କିନାନ୍‌, ହେୱେନ୍ ନାର୍‌ ଅହ୍‌ନାକାନ୍‌ ଆରେ ନାର୍‌ ଅହ୍‌ନାକାନ୍‌ ତାକେ ଇନେସ୍‌ ୱିଜ଼୍‌ୱି ଜିବୁନ୍‌ ମାନ୍‍ଗୁତ୍, ଇଦାଂ ଏପେଙ୍ଗ୍‌ ପୁନାଟ୍ ।

୧ ଯୋହନ 3:15 Iomraidhean Croise

ମାତିଉ 5:28

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ପା ଇମ୍‌ଣି କଗ୍‌ଲେଙ୍ଗ୍ ପା ଦାରି କାମାୟ୍ କିଦେଙ୍ଗ୍ ହୁଡ଼୍‌ତିସ୍, ହେୱାନ୍ ତା ଲାହାଙ୍ଗ୍ ମାନ୍ତ-ମାନ୍ତ ଦାରି କିତାନେ।

ମାର୍କ 6:19

ହେଦାଙ୍ଗ୍ କାଜିଙ୍ଗ୍ ରାଣି ହେରଦିୟା ଯୋହନତିଙ୍ଗ୍ ରିସା ଇଡ଼୍‌ଜି ଅସ୍‍ତେଙ୍ଗ୍ ଉପାଇକିଜି ମାଚାତ୍, ମାତର୍ ଯୋହନତିଙ୍ଗ୍ ଅସ୍‍ତେଙ୍ଗ୍ ଆଡ୍‌ୱାଦାଙ୍ଗ୍ ମାଚାତ୍। ରାଣିଙ୍ଗ୍ ୱାରି କିଦେଙ୍ଗ୍ ହେରୋଦ ରାଜା ଯୋହନ୍‌ତିଙ୍ଗ୍ ଜଇଲ୍ ଇଞ୍ଜ ଗେସ୍‌ପାତାନ୍‌।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

ପକ୍ୟାତାକା 23:12

ନାଡ଼ିସ୍ ଆତିଲେ ଯିହୁଦି କେତେକ୍ ମାନାୟାର୍ ଦଳ୍ ଆତାର୍। ପାଉଲତିଙ୍ଗ୍ ମାର୍ନେ ଅହ୍‌ୱି ପାତେକ୍ ଆପେଙ୍ଗ୍ ଆରାଣ୍ ଆସ୍‌ପୁପ୍ ଇଞ୍ଜି ଜାର୍-ଜାର୍ ପାର୍ମାଣ୍ କିତାର୍।

ପକ୍ୟାତାକା 23:14

ହେ ମାନାୟାର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍ ଆରେ ପ୍ରାଚିନାର୍ ଲାଗାୟ୍ ୱାଜି ୱେଚ୍‌ଚାର୍, “ପାଉଲତିଙ୍ଗ୍ ମାର୍ନେ ଅହ୍‌ୱି ପାତେକ୍ ଆପେଙ୍ଗ୍ ଆରାଣ୍ ଆସ୍‌ପୁପ୍ ଇଞ୍ଜି ଆଦିକ୍ ବାଡ଼୍‌କାସ୍ କିଜି ପାର୍ମାଣ୍ କିତାପ୍‌ନା।

ଜାକ୍‌ବ 1:15

ଇନେସ୍‌କି ହେୱାନ୍ କରାପ୍ କାମାୟ୍ କିଦେଙ୍ଗ୍ ଚିନ୍ତା କିତି ପାଚେ, ହେୱାନ୍ ପାପ୍ କାମାୟ୍ କିନାନ୍। ଆରେ ଏଚେପାଦ୍ନା ପାପ୍ କାମାୟ୍ କିନାକା ଅବ୍ୟାସ୍ ଆତି ପାଚେ ହେୱାନ୍ ୱିଜୁଦିନ୍ ନି ହାଃନି ଦଣ୍ଡ୍ ପାୟା ଆନାନ୍।

୧ ପିତର 1:23

ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନି ଦର୍‌କାର୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍‌ନା। ଇ ପୁନି ଜିବୁନ୍ ଏପେଙ୍ଗ୍ ନଷ୍ଟ ଆନି ମାଞ୍ଜିତାଙ୍ଗ୍ ପାୟା ଆୱାତାଦେର୍‌ନା ମାତର୍ ୱିଜୁଦିନ୍ ମାନି ମାଞ୍ଜିତାଙ୍ଗ୍ ପାୟା ଆତାଦେର୍‌ନା, ଇନେସ୍‌କି ହେଦାଙ୍ଗ୍ ୱିଜୁଦିନ୍ ଜିବୁନ୍ ମାନି ଈଶ୍ୱର କାତାତାଙ୍ଗ୍ ୱାନାତା।

୧ ଯୋହନ 2:11

ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଗିଣ୍ କିନାନ୍। ହେୱାନ୍ ମାଜ୍‌ଗାତାକେ ମାନିଲେକେ ପାପ୍ କାମାୟ୍ କିନାନା, ଆରେ ପାପ୍ କାମାୟ୍‌ନି ମାଜ୍‌ଗାତାକେ ମାନ୍‌ଞ୍ଜି ଜାଙ୍ଗ୍‌ତାନ୍‌ନା, ମାଜ୍‌ଗା ମାଚିଲେଙ୍ଗ୍ ହେୱାନ୍ ଇନାକାପା ହୁଡ଼୍‌ଦେଙ୍ଗ୍ ଆଡୁନା।

୧ ଯୋହନ 2:9

ଯଦି ଇମ୍‌ଣି ମାନାୟ୍ ୱେଚ୍‌ନାନ୍, “ଆନେଙ୍ଗ୍ ଅଜଡ଼୍‌ତାକେ ମାନାଙ୍ଗ୍,” ମାତର୍ ଯଦି ହେୱାନ୍ ପାର୍ତିକିନି ଟଣ୍ଡେନିଙ୍ଗ୍ ଗିଣ୍ କିନାନ୍। ହେୱାନ୍ ନଙ୍ଗୟ୍ ପାତେକ୍ ମାଜ୍‌ଗାତାକେ ମାନାନ୍।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”