୧ ଯୋହନ 3:12 - New Testament in Pengo Parja Language

¹² ଆସେଙ୍ଗ୍ ଆଦମ ମେହି କୟିନ ଲେକେ ଆଉସ୍, ହେୱାନ୍ ଶୟତାନନି ଲକ୍ ମାଚାନ୍, ଆରେ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌। ଇନେସ୍‌କି ତା ଟଣ୍ଡାହି ଦରମ୍ କାମାୟ୍ କିଜି ମାଚାନ୍। ମାତର୍ କୟିନ କରାପ୍ କାମାୟ୍ କିଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌।

ସତ୍‌ ବଚନ୍‌ ପୁନି ନିୟମ୍‌

¹² ସୟ୍‌ତାନ୍‌ ଜିବୁନ୍‌ନି ହିମ୍‍ଣା ଜେ କୟିନ, ତା ଲାକେ ଆମାଟ୍‌ ହେୱେନ୍ ଜାର୍‌ ଟଣ୍ଡେନିଙ୍ଗ୍ ଅସ୍ତାନ୍; ଆରେ ହେୱେନ୍ ହେୱାନିଂ ଇନେକିଦେଂ ଅସ୍ତାନ୍ ? ଇନେକିଦେଂକି ଇଦାଂ ଇନେସ୍‌ ତା କାମାୟ୍‌ତ ପାପ୍‌ ମାଚାତ୍‌, ଆରେ ତା ଟଣ୍ଡେନ୍ନି କାମାୟ୍‌ ଦାର୍ମି ମାଚାତ୍ ।

୧ ଯୋହନ 3:12 Iomraidhean Croise

ମାତିଉ 13:19

“ମାନାୟାର୍ ଈଶ୍ୱର କାତାତିଙ୍ଗ୍ ୱେନାର୍ ମାତର୍ ଶୟତାନ୍ ୱାଜି ହେୱାର୍ ୱେଚି କାତାତିଙ୍ଗ୍ ବାଣାଇ କିନାତ୍। ଏଲେଙ୍ଗ୍ ଲେଗ୍‌ଦି ମାନାୟ୍ ହାଜ୍‌ଦ ଆର୍ତି ବିୟାନ୍ ଲେକେ।

ମାତିଉ 13:38

ଏ ଜମି ଆନାତା ପୁର୍ତି, ଈଶ୍ୱର ସାସନ୍ କିନି ରାଜିନି ମାନାୟାର୍ ହାର୍ଦି ବିୟାନ୍ ଲେକେ, ଆରେ ଇମ୍‌ଣାକାର୍ ଶୟତାନନି ମାନାୟାର୍ ହେୱାର୍ ବାରବିନି କାଚ୍ରା ଲେକେ।

ମାତିଉ 23:35

ଲାଗିଙ୍ଗ୍ ଦରମ୍ ମାନାୟ୍ ହେବଲତାଙ୍ଗ୍ ଆରମ୍ କିଜି ବେରିକିୟ ମେହି ଯିକରିୟ ପାତେକ୍ ଇ ପୁର୍ତିତାକେ ହାର୍ଦି ମାନାୟ୍‌ତିଙ୍ଗ୍ ମାର୍ନେ ଅସ୍ତାର୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦସି ଇନିୟା ଆନାଦେର୍। ବେରିକିୟ ମେହି ଜିକରିୟତିଙ୍ଗ୍ ଈଶ୍ୱର ମାନି ମନ୍ଦିର୍‌ ଆରେ ବେଦିତାକେ ଏପେଙ୍ଗ୍ ଅସ୍ତି ମାଚାଦେର୍।

ମାତିଉ 27:23

ହେବେତାଙ୍ଗ୍ ଗବର୍‌ନର୍ ପିଲାତ ମାନାୟାରିଙ୍ଗ୍ ଆରେରଗ ୱେନ୍‌ବାତାନ୍, “ଇୱାନ୍ ଇନା ଦସ୍ କିତାନ୍‌ନା?” ମାତର୍ ହେୱାର୍ ଆଦିକ୍‍ହେ ଚେରାଆଜି ୱେଚ୍‌ଚାର୍, “ତାଙ୍ଗେଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହାଟ୍।”

ମାତିଉ 5:37

ମାତର୍ ମି ଆଁ ବେଣ୍ ଆଁ ଆଏତ୍, ଆକାୟ୍ ବେଣ୍ ଆକାୟ୍ ଆଏତ୍। ଇବେତାଙ୍ଗ୍ ଇମ୍‌ଣାକା ବେସି ହେଦାଙ୍ଗ୍ ଶୟତାନତାଙ୍ଗ୍ ଉବ୍‌ଜା ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:51

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ହେବଲତାଙ୍ଗ୍ ଜିକରିୟଙ୍ଗ୍ ବେଦି ଆରେ ଈଶ୍ୱର ମାନି ମନ୍ଦିର୍‌ତାକେ ୱିଜୁ ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତାର୍। ହେଦାଙ୍ଗ୍ କାଜିଙ୍ଗ୍ ଇ ଯୁଗ୍‌ନି ମାନାୟାର୍ ଇ ଦଣ୍ଡ୍ ପାୟା ଆଦେଙ୍ଗ୍ ଆନାତ୍।

ଜହନ୍‌ 10:32

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ବେସି ଚାନିଆଆନି କାମାୟ୍ କିତାଙ୍ଗ୍‌ନା। ଏପେଙ୍ଗ୍ ହେ ୱିଜୁ ହୁଡ଼୍‌ତାଦେର୍‌ନା। ଲାଗିଙ୍ଗ୍ ହେ ହାର୍ଦି କାମାୟ୍ କାଜିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା କି?”

ଜହନ୍‌ 8:40

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାଙ୍ଗ୍ ୱେଚି ସତ୍ କାତା ୱେଚ୍‌ଚାନାଙ୍ଗା। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା। ମାତର୍ ଅବ୍ରାହାମ୍‌ ହେଲେକେ କିୱାଦାଙ୍ଗ୍ ମାଚାନ୍।

ଜହନ୍‌ 8:41

ଏପେଙ୍ଗ୍ ମିଞ୍ଜ୍‌ବା କିତି କାମାୟ୍ ୱିଜୁ କିନାଦେରା।” ମାତର୍ ଯିହୁଦି ନେତାର୍ ହେୱାନିଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ଦାରି କାମାୟ୍ କିତିତାଙ୍ଗ୍ ଜନମ୍ ଆୱାତାପ୍‌ନା। ମାତର୍ ଈଶ୍ୱର ନେ ମା ରକାନ୍ ଇଞ୍ଜି ଆବା।”

ପକ୍ୟାତାକା 7:52

ମି ଆକଦାଦିର୍ ଭବିଷ୍ଯତବକ୍ତାରିଙ୍ଗ୍ ଦୁକ୍‌କଷ୍ଟ ହିଜି ମାଚାର୍। ଦରମ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଇଞ୍ଜି ଇମ୍‌ଣାକାର୍ ଆଗେ ୱେଚ୍‌ଚି ମାଚାର୍ ହେୱାରିଙ୍ଗ୍ ପା ମି ଆକଦାଦିର୍ ମାର୍ନେ ଅସ୍ତାର୍। ନଙ୍ଗୟ୍ ଏପେଙ୍ଗ୍ ହେ ଦରମ୍ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିଜି ମାର୍ନେ ଅସ୍ତାଦେର୍।

୧ ଥେସଲନୀକିୟ 2:14

ହେ ଟଣ୍ଡାର୍‌କାଦେର୍, ଯିହୁଦା ଜିଲ୍ଲାତାକେ ମାନି ଈଶ୍ୱର ମଣ୍ଡ୍‌ଲିନି ପାର୍ତିକିନି ମାନୟାର୍ ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍। ଇନେସ୍ ହେୱାର୍ ତା ଜାର୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାର୍, ହେଲେକେ ଏପେଙ୍ଗ୍ ପା ଜାର୍ ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟା ଆତାଦେର୍‌ନା।

ଏବ୍ରି 11:4

ପାର୍ତି କାଜିଙ୍ଗ୍ ଆଦମ ମେହି ହେବଲ ତା ଗାଜା ଟଣ୍ଡାହି କୟିନ ବାଦୁଲ୍ ହାର୍ଦି ବଲିପୁଜା ଈଶ୍ୱର ଲାଗାୟ୍ ତାହିୱାଜି ମାଚାନ୍। ହେ ବଲିପୁଜା କାଜିଙ୍ଗ୍ ଈଶ୍ୱର ହେବଲତିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍, ଇନେସ୍‌କି ଈଶ୍ୱର ତା ବଲିପୁଜାତାଙ୍ଗ୍ ୱାରିଆଜି ମାଚାନ୍। ହେବଲ ହାଃତି ପାଚେ ପା ହେୱାନ୍‌ତାଙ୍ଗ୍ ଆସେଙ୍ଗ୍ ହିକା ଆନାସା ଯେ ଈଶ୍ୱରତାକେ ଇନେସ୍ ପାର୍ତି କିଦେଙ୍ଗ୍ ଆନାତ୍।

ଏବ୍ରି 12:24

ଏପେଙ୍ଗ୍ ଯୀଶୁ ଲାଗାୟ୍ ୱାତାଦେର୍‌ନା, ହେୱାନ୍ ଈଶ୍ୱର ଆରେ ମାନାୟ୍‌ବିତ୍ରେ ମାନି ପୁନି ପାର୍ମାଣ୍‌ନି ମାଦିଆଜି କାମାୟ୍ କିନାକାନ୍। ବାଦ୍‌ଲା ଅନି କାଜିଙ୍ଗ୍ କୁକ୍‌ନି ହେବଲନି ନେତେର୍ ବାଦୁଲ୍ କେମା ହିନି କାତା ୱେଚ୍‌ନି ଖ୍ରୀଷ୍ଟତି ତିର୍‌ତି ନେତେର୍ ଲାଗାୟ୍ ଏପେଙ୍ଗ୍ ୱାତାଦେର୍‌ନା।

୧ ପିତର 4:4

ହେଦାଙ୍ଗ୍ କାଜିଙ୍ଗ୍ ମି ଆଗେନି ସାଙ୍ଗର୍ ମିଙ୍ଗେଙ୍ଗ୍ ହୁଡ଼୍‌ଜି କାବା ଆନାରା। ଆରେ ମି ବିଷୟରେ କରାପ୍ କାତା ଇନାରା ଇନେସ୍‌କି ଏପେଙ୍ଗ୍ ତା ହୁଦାଙ୍ଗ୍ ମାହାଆଜି କରାପ୍ କାମାୟ୍ କିଉଦେରା।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।

ଜିହୁଦା 1:11

ସତ୍‌ରେ ହେୱାର୍ ଆଦମ ହିମ୍‌ଣା କୟିନ ଲେକେ କରାପ୍ ବ୍ୟବହାର୍ କିନାର୍। ଡାବୁଙ୍ଗ୍ କମାୟ୍ କିଦେଙ୍ଗ୍ ଭବିଷ୍ୟତବକ୍ତା ବିଲିୟମ ଇନେସ୍ ମାନାୟାରିଙ୍ଗ୍ ପାପ୍ କାମାୟ୍ କିନି ହାଜ୍‌ଦିଙ୍ଗ୍ ଅସାହାଲ୍‌ଜି ମାଚାନ୍, ହେୱାର୍ ପା ହେଲେକେ ବୁଲ୍ ବେଗି କିନାର୍। ମୋଶାଙ୍ଗ୍ ବିରଦ୍ କିଜି ଇନେସ୍ କୋରହ ନଷ୍ଟ ଆଜି ମାଚାନ୍, ହେଲେକେ ଇ ମାନାୟାର୍ ପା ନଷ୍ଟ ଆନାର୍, ଇନେସ୍‌କି ହେୱାର୍ ମାପୃଙ୍ଗ୍ ବିରଦ୍ କିନାରା।

ହତ୍‌ତି 17:6

ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।