୧ ଯୋହନ 3:11 - New Testament in Pengo Parja Language

¹¹ ଆସେଙ୍ଗ୍ ଆଗେତାଙ୍ଗ୍ ଇ କାତା ୱେଚାସ୍‌ନା। ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ରୱାନ୍‌ ଆରେ ରୱାନିଂ ଜିଉନନାକା, ଇ କାତା ଏପେଙ୍ଗ୍‌ ଆଗେତାଂ ୱେଚାଦେର୍ଣ୍ଣା;

୧ ଯୋହନ 3:11 Iomraidhean Croise

ଜହନ୍‌ 13:4

ହେୱାର୍ କୁଚ୍‌ଚି ତିନିହିଙ୍ଗ୍ ଯୀଶୁ ନିଙ୍ଗ୍‌ଞ୍ଜି ଉସ୍‌ପିତି ଡେଙ୍ଗା ଆଙ୍ଗି ରିକ୍‌ତାନ୍‌। ଆରେ ମେଙ୍ଗାକାଙ୍ଗ୍ ର କାଦିଆ ଗାଚିଆ ଆତାନ୍।

ଜହନ୍‌ 15:12

ଆନେଙ୍ଗ୍ ମିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା! ଇନେସ୍ ଲେକେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିତ୍‌ତାଙ୍ଗ୍‌ନା, ହେଲେକେ ଏପେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍ କିୟାଟ୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

୧ ଥେସଲନୀକିୟ 4:9

ଆନେଙ୍ଗ୍, ପାର୍ତିକିନି ଟଣ୍ଡାରିଙ୍ଗ୍ ଲାଡ୍‌କିନି ବିଷୟରେ ଲେକିକିନି ଦର୍‌କାର୍ ଆକାୟ୍, ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍, ଆରେ ଈଶ୍ୱର ମିଙ୍ଗେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ହିକାୟ୍ କିତ୍‌ତାନ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 4:8

ଆନେଙ୍ଗ୍ ମି କାଜିଙ୍ଗ୍ ର ମୁକ୍ୟ ବିଷୟ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍-ଜାର୍‌ବିତ୍ରେ ସତ୍ ଲାଡ୍ କିବା ଆଡ। ଇନେସ୍‌କି ଯଦି ମାନାୟାରିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ କିତି ୱିଜୁ ପାପ୍‌ତିଙ୍ଗ୍ ଏପେଙ୍ଗ୍ କେମା କିଦେଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ଆଜି ମାନାଦେର୍।

୧ ଯୋହନ 1:5

ଆପେଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ଇମ୍‌ଣି କାତା ୱେଚାପ୍‌ନା। ହେଦାଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ଅଜଡ଼୍‌ଲେକେ ଆବା ଈଶ୍ୱର ହାର୍ ଆରେ କିଲେର୍। ଲାଗିଙ୍ଗ୍ ତାବେ ମାଜ୍‌ଗାଲେକେ ଇନା କରାପ୍ ଜିନିଷ୍ ହିଲେତ୍।

୧ ଯୋହନ 4:11

ଏ ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍। ଲାଗିଙ୍ଗ୍ ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

୧ ଯୋହନ 4:21

ଆରେ ଈଶ୍ୱର ନିଜେ ଇ ଆଦେସ୍ ହିତ୍‌ତାନ୍‌ନା, ଇନେର୍ ଈଶ୍ୱରତିଙ୍ଗ୍ ଲାଡ୍ କିନାନା ହେୱାନ୍ ତା ଟଣ୍ଡାହିଙ୍ଗ୍ ପା ଲାଡ୍ କିନାନ୍।

୧ ଯୋହନ 4:7

ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।

୨ ଯୋହନ 1:5

ଏ ନା ଲାଡ୍‌ନି ତଣ୍‌ଦେଲେ, ଆନେଙ୍ଗ୍ ନି କାଜିଙ୍ଗ୍ ଇନା ପୁନି ନିୟମ୍ ଲେକିକିଉଙ୍ଗା। ମାତର୍ ଆଗେ ଇମ୍‌ଣି ନିୟମ୍ ଆସେଙ୍ଗ୍ ଗାଟା ଆଜି ମାଚାସ୍, ହେଦାଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।