୧ ଯୋହନ 2:7 - New Testament in Pengo Parja Language

⁷ ଏ ଲାଡ୍‌ନି ସାଙ୍ଗ କାଦେର୍, ଆନେଙ୍ଗ୍ ମି କାଜିଙ୍ଗ୍ ପୁନି ଆଦେସ୍ ଲେକିକିୱାତାଙ୍ଗ୍‌ନା, ମାତର୍ ପାନି ଆଦେସ୍ ଇମ୍‌ଣାକା କି ଆଗେତାଙ୍ଗ୍ ଏପେଙ୍ଗ୍ ପାୟା ଆତାଦେର୍‌ନା। ଏଚେପାଦ୍ନା ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାଦେର୍, ହେପାଦ୍ନା ଏପେଙ୍ଗ୍ ଇଲେକେ ଆଦେସ୍ ପାୟାଆଜି ମାଚାଦେର୍, “ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିୟାଟ୍।”

ସତ୍‌ ବଚନ୍‌ ପୁନି ନିୟମ୍‌

⁷ ଏ ୱାରିନିକାଦେର୍‍, ଆନେଙ୍ଗ୍‌ ମି ଲାଗାଂ ଇମ୍‌ଣାକାପା ପୁନି ବଲ୍‌ ଲେକିକିଉଙ୍ଗା, ମତର୍ ଆଗେତାଂ ଇମ୍‌ଣି ପ୍ଡାନି ବଲ୍‌ ଏପେଙ୍ଗ୍‌ ପାୟା ଆତାଦେର୍ଣ୍ଣା, ହେଦାଂ ଲେକିକିନାଙ୍ଗା; ଇମ୍‌ଣି ବଚନ୍‌ ଏପେଙ୍ଗ୍‌ ୱେଚାଦେର୍ଣ୍ଣା, ହେଦାଂ ନେ ହେ ପ୍ଡାନି ବଲ୍‌ ।

୧ ଯୋହନ 2:7 Iomraidhean Croise

ମାତିଉ 5:43

ଏପେଙ୍ଗ୍ ୱେଚାଦେର୍‌ନା, ମୋଶା ସାସ୍ତର୍‌ତାକେ ଲେକା ମାନାତ୍, ମି ପାଡ଼୍‌ହା ନି ଇଞ୍ଜାକାରିଙ୍ଗ୍ ଲାଡ୍ କିୟାଟ୍ ଆରେ ମି ଶତ୍ରୁଙ୍ଗ୍ ଗିଣ୍ କିୟାଟ୍।

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

ପକ୍ୟାତାକା 17:19

ପାଚେ ହେ ମାଷ୍ଟେରାର୍ ହେୱାନିଙ୍ଗ୍ ର ବିଚାର୍‌କିନି ବାହାତାକେ ଅସାହାଚାର୍, ହେ ବାହାତିଙ୍ଗ୍ ଆରୟପାଗ ଇନାର୍। ଆରେ ହେୱାର୍ ହେୱାନିଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ଇମ୍‌ଣି ପୁନି ହିକ୍ଷା ବିଷୟରେ ୱେଚ୍‌ନାୟା ହେ ବିଷୟରେ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପ୍ କି?

ଏବ୍ରି 6:9

ମାତର୍ ଏ ଲାଡ୍‌ନି ଟଣ୍ଡାର୍‌କାଦେର୍, ଆସେଙ୍ଗ୍ ଇଲେକେ ୱେଚ୍‌ଚିସ୍‌ପା, ଇଦାଙ୍ଗ୍ ମି କାଜିଙ୍ଗ୍ ଦର୍‌କାର୍ ଆକାୟ୍ ଇଞ୍ଜି ଷ୍ଟ୍ରଙ୍ଗ୍‌କିଜି ପାର୍ତି କିନାସା। ଉଦାର୍ ପାୟାଆନି ହାର୍ଦି ବିଷୟ ୱିଜୁ ଏପେଙ୍ଗ୍ ପୁଚାଦେର୍‌ନା ଇଞ୍ଜି ଆପେଙ୍ଗ୍ ପାର୍ତି କିନାପା।

୧ ଯୋହନ 2:24

ଏପେଙ୍ଗ୍ ଏଚେପାଦ୍ନା ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍, ହେପାଦ୍ନା ଏପେଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ମାଚାଦେର୍। ଆରେ ଯଦି ଏପେଙ୍ଗ୍ ନଙ୍ଗୟ୍ ପାତେକ୍ ପାର୍ତି କିନାଦେରା, ଲାଗିଙ୍ଗ୍ ଏପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ହୁଦାଙ୍ଗ୍ ମାହାଆଜି ମାନାଦେରା।

୧ ଯୋହନ 3:11

ଆସେଙ୍ଗ୍ ଆଗେତାଙ୍ଗ୍ ଇ କାତା ୱେଚାସ୍‌ନା। ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

୧ ଯୋହନ 3:2

ଏ ନା ଲାଡ୍‌ନି ସାଙ୍ଗ କାଦେର୍, ନଙ୍ଗୟ୍ ଆସେଙ୍ଗ୍ ଈଶ୍ୱର ମେହିକାସ୍ ଆତାସ୍‌ନା। ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଆସେଙ୍ଗ୍ ଇନେସ୍ ଚଞ୍ଜିଆ ଆନାତ୍ ହେଦାଙ୍ଗ୍ ପୁନ୍‌ୱାତାସ୍‌ନା। ମାତର୍ ଇଦାଙ୍ଗ୍ ଆସେଙ୍ଗ୍ ପୁଚାସ୍‌ନା, ହେୱାନ୍ ଏଚେପାଦ୍ନା ଆରେରଗ ୱାନାନ୍ ଆସେଙ୍ଗ୍ ତା ଲେକେ ଆନାସ୍, ଇନେସ୍‌କି ହେୱାନ୍ ଇନେସ୍‌ଲେକେ ସତ୍ ହେଲେକେ ତାଙ୍ଗେଙ୍ଗ୍ ହୁଡ଼୍‌ୟା ଆନାତ୍‌।

୧ ଯୋହନ 3:21

ଏ ନା ଲାଡ୍‌ନି ସାଙ୍ଗ କାଦେର୍, ଏଚେକାଡ଼୍‌ଦ ମା ମାନ୍ ପାପ୍ କିତାୟ୍‍ନା ଇଞ୍ଜି ଦସ୍ ହିଦୁତ୍। ଲାଗିଙ୍ଗ୍ ଆସେଙ୍ଗ୍ ସାସ୍ ଆଜି ଈଶ୍ୱରତାକେ ୱାଦେଙ୍ଗ୍ ଆଡ୍‌ନାସ୍।

୧ ଯୋହନ 3:23

ଈଶ୍ୱର ମାଙ୍ଗେଙ୍ଗ୍ ଇ ଆଦେସ୍ ହିତ୍‌ତାନ୍‌ନା ଯେ, ତା ମେହି ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ଦର୍‌କାର୍, ଆରେ ହେୱାନ୍ ହିତ୍‌ତି ଆଦେସ୍ ଅନୁସାରେ ଜାର୍-ଜାର୍‌ବିତ୍ରେ ଲାଡ୍ କିୟାଆନାତ୍।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

୧ ଯୋହନ 4:11

ଏ ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍। ଲାଗିଙ୍ଗ୍ ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

୧ ଯୋହନ 4:21

ଆରେ ଈଶ୍ୱର ନିଜେ ଇ ଆଦେସ୍ ହିତ୍‌ତାନ୍‌ନା, ଇନେର୍ ଈଶ୍ୱରତିଙ୍ଗ୍ ଲାଡ୍ କିନାନା ହେୱାନ୍ ତା ଟଣ୍ଡାହିଙ୍ଗ୍ ପା ଲାଡ୍ କିନାନ୍।

୧ ଯୋହନ 4:7

ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।