୧ ଯୋହନ 2:22 - New Testament in Pengo Parja Language

²² ଇମ୍‌ଣି ମାନାୟ୍ ଯୀଶୁ ନେ ଖ୍ରୀଷ୍ଟ ଇଞ୍ଜି ୱେଚୁନ୍, ହେୱାନ୍ ନେ ବେସି ମିଚ୍‌ୱା। ହେଲେଗ୍‌ଦି ମାନାୟ୍ ନେ ଖ୍ରୀଷ୍ଟଙ୍ଗ୍ ବିରଦ୍ କିନାର୍, ଇନେସ୍‌କି ହେୱାର୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ଆହୁର୍।

ସତ୍‌ ବଚନ୍‌ ପୁନି ନିୟମ୍‌

²² ଜିସୁ ଜେ କ୍ରିସ୍ଟ ଆନାନ୍‌, ଇଦାଂ ଇନେର୍‌ ମୁନାକିନାନ୍‌, ତା ଲାକେ ଆରେ ମିଚ୍‌ୱା ଇନେର୍‌ ? ଇନେର୍‌ ଆବା ଆରି ମାଜ଼ିଙ୍ଗ୍‌ ମୁନାକିନାନ୍‌, ହେୱେନ୍ ତ ହେ ଚାକ୍ରାୟ୍‌କ୍ରିସ୍ଟ ।

୧ ଯୋହନ 2:22 Iomraidhean Croise

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 24:5

ମାତର୍ ନା ତର୍‍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟ’ ଇଞ୍ଜି ୱେଚ୍‌ଚି ବେସି ହେନିତିଙ୍ଗ୍‌ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜ୍‍ନାର୍।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

୧ ଯୋହନ 1:6

ଯଦି ଆସେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାନାସ୍ ଇଞ୍ଜି ୱେଚ୍‌ନାସ୍, ଆରେ ମାଜ୍‌ଗାତାକେ ମାନିଲେକେ କରାପ୍ କାମାୟ୍ କିଜି ମାନାସ୍। ଲାଗିଙ୍ଗ୍ ଆସେଙ୍ଗ୍ ମିଚ୍‌ୱାକାସ୍‌, ଆରେ ଆସେଙ୍ଗ୍ ସତ୍ ହିକ୍ଷା ଅନୁସାରେ ଜିବୁନ୍ କାଟି କିଉସା।

୧ ଯୋହନ 2:18

ଏ କାଡ଼୍‌ଦେର୍, ପୁର୍ତିନି ସେସ୍ ଜୁଗ୍ ଲାଗେ ୱାତାତେ। ଆପେଙ୍ଗ୍ ମିଙ୍ଗେଙ୍ଗ୍ ଆଗେ ୱେଚ୍‌ଚି ମାଞ୍ଚାପ୍, ପୁର୍ତି ସେସ୍ ଆନିହିଙ୍ଗ୍ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ୱାନାରା, ଆରେ ନଙ୍ଗୟ୍ ଖ୍ରୀଷ୍ଟଙ୍ଗ୍ ବିରଦ୍ କିଦେଙ୍ଗ୍ ବେସିହେନି ମାନାୟାର୍ ହତ୍‌ତାରେ। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଚାପେ ଯେ, ପୁର୍ତି ସେସ୍‌ ଆନିଦିନ୍ ୱାତାତେ।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

୧ ଯୋହନ 2:4

ଇମ୍‌ଣି ମାନାୟ୍ ତା ଆଜ୍ଞା ମାନିକିୱାଦାଙ୍ଗ୍ ତାଙ୍ଗେଙ୍ଗ୍ ପୁଚାଙ୍ଗ୍‌ନା ଇଞ୍ଜି ୱେଚ୍‌ନାନ୍, ହେୱାନ୍ ମିଚ୍‌ୱା, ଆରେ ହେୱାନ୍ ସତ୍ ଯିବୁନ୍ କାଟି କିଉନା।

୧ ଯୋହନ 4:20

ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାଙ୍ଗା ଇଞ୍ଜି ୱେଚ୍‌ନାନ୍, ଆରେ ତା ଟଣ୍ଡାହିଙ୍ଗ୍ ଗିଣ୍ କିନାନ୍, ହେୱାନ୍ ମିଚ୍‌ୱା। ଯଦି ହେୱାନ୍ ତା ଟଣ୍ଡାହିଙ୍ଗ୍ ହୁଡ଼୍‌ଜି ପା ଲାଡ୍ କିଉନା। ଲାଗିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱି ଈଶ୍ୱରତିଙ୍ଗ୍ ଇନେସ୍ କିଜି ଲାଡ୍ କିନାନ୍।

୧ ଯୋହନ 4:3

ଆରେ ଇମ୍‌ଣି ଭବିଷ୍ଯତବକ୍ତା ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆସ୍ତି ପୁର୍ତିତାକେ ୱାତାନ୍‌ନା ଇଞ୍ଜି ୱେଚୁନ୍। ହେୱାନ୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆୱାତାନ୍‌ନା, ମାତର୍ ତାବେ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ଆତ୍ମାଲେକେ ମାନାତ୍। ହେୱାନ୍ ପୁର୍ତିତାକେ ୱାତାନେ ଇଞ୍ଜି ଏପେଙ୍ଗ୍ ୱେଚାଦେର୍‌ନା, ଆରେ ହେୱାନ୍ ନଙ୍ଗୟ୍ ପୁର୍ତିତାକେ ମାନାନ୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

୨ ଯୋହନ 1:7

ଇନେସ୍‌କି କେତେକ୍ ମିଚ୍ ହିକ୍ଷା ହିକାୟ୍ କିଜି ଟକାୟ୍ କିନାକାର୍ ପୁର୍ତିତାକେ ହତ୍‌ତାର୍‌ନା, ହେୱାର୍ ୱେଚ୍‌ନାର୍ ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ପୁର୍ତିତାକେ ୱାୱାତାନ୍‌ନା। ଇ ଲେଗ୍‌ଦି ମାନାୟ୍ ଖ୍ରୀଷ୍ଟଙ୍ଗ୍ ବିରଦ୍ କିଜି ମାନାୟାରିଙ୍ଗ୍ ଟକାୟ୍ କିନାକାର୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।

ହତ୍‌ତି 3:9

ଲାଗିଙ୍ଗ୍ ହୁଡ଼ାଟ୍, ଇମ୍‌ଣି ମାନାୟାର୍ ଶୟତାନ ଦଳ୍‌ନି ମାନାୟାର୍ ହେୱାର୍ ଈଶ୍ୱର ବାଚି କିତ୍‌ତି ସତ୍ ଯିହୁଦି ମାନାୟାର୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ସତ୍ ଯିହୁଦି ମାନାୟାର୍ ଆକାୟ୍। ହେୱାର୍ ୱାଜି ମି କାଲ୍‌ପାନାତାକେ ମୁଣ୍ଡିଆ ଇଡ଼୍‌ଦାନାର୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିନାଙ୍ଗା ଇଞ୍ଜି ହେୱାର୍ ପୁଞ୍ଜ୍‌ନାର୍।”