୧ ଯୋହନ 2:20 - New Testament in Pengo Parja Language

²⁰ ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍। ଇନେସ୍‌କି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ଏପେଙ୍ଗ୍ ସତ୍‌ତିଙ୍ଗ୍ ପୁଚାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁰ ଆରେ ଏପେଙ୍ଗ୍‌ ହେ ପୁଇପୁୟା ମାନାୟ୍‌ତାଂ ସିରି ପାୟାଆତିଲେ ଏପେଙ୍ଗ୍‌ ୱିଜ଼ୁ ଗିଆନ୍‌ ପାୟା ଆତାଦେର୍ଣ୍ଣା ।

୧ ଯୋହନ 2:20 Iomraidhean Croise

ମାତିଉ 13:11

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ତା ରାଜିନି ପୁନ୍‌ୱିତି କାତାତିଙ୍ଗ୍ ପୁଞ୍ଜେଙ୍ଗ୍ ଏପେଙ୍ଗ୍ ସୁଯଗ୍ ଗାଟାଆତାଦେର୍‌ନା। ମାତର୍ ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନୁୱାତାର୍‌ନା ହେୱାରିଙ୍ଗ୍ ସୁଯଗ୍ ଗଟାଆୱାତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ କାତା ୱେଚ୍‌ନିଲେକେ କିଜି ୱେଚ୍‌ଚାନାଙ୍ଗା।

ମାର୍କ 1:24

“ଏ ନାଜରିତ ସହର୍‌ନି ଯୀଶୁ, ନି ଲାହାଙ୍ଗ୍ ମାବେ ଇନାକା ମାନାତ୍? ଏନେଙ୍ଗ୍ ଇନାକା ମାଙ୍ଗେଙ୍ଗ୍ ବୁଡାୟ୍ କିଦେଙ୍ଗ୍ ୱାତାୟନା? ଆନେଙ୍ଗ୍ ପୁଞ୍ଚାଙ୍ଗ୍‍ନା ଏନେଙ୍ଗ୍ ଇନାକାୟ୍, ‘ଏନେଙ୍ଗ୍ ଈଶ୍ୱରତାଙ୍ଗ୍ ୱାତି ପବିତ୍ର ମାନାୟ୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18

“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:34

“ଏ ନାଜରିତ ସହର୍‌ନି ଯୀଶୁ, ନି ଲାହାଙ୍ଗ୍ ମାବେ ଇନାକା ମାନାତ୍? ଏନେଙ୍ଗ୍ ଇନାକା ମାଙ୍ଗେଙ୍ଗ୍ ବୁଡାୟ୍ କିଦେଙ୍ଗ୍ ୱାତାୟନା? ଆନେଙ୍ଗ୍ ପୁଞ୍ଚାଙ୍ଗ୍‍ନା ଏନେଙ୍ଗ୍ ଇନାକାୟ୍, ‘ଏନେଙ୍ଗ୍ ଈଶ୍ୱରତାଙ୍ଗ୍ ୱାତି ପବିତ୍ର ମାନାୟ୍।’ ”

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 16:13

ମାତର୍ ଏଚେପାଦ୍ନା ଈଶ୍ୱରଆତ୍ମା ୱାନାତ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ୱିଜୁ ସତ୍ ହାଜ୍‌ଦିଙ୍ଗ୍ ଅସାହାଞ୍ଜ୍‌ନାନ୍। ହେୱାନ୍ ତା ଜାର୍ କାତା ୱେଚ୍‌ଚୁନ୍। ଈଶ୍ୱର ହେୱାନିଙ୍ଗ୍ ଇନାକା ୱେଚ୍‌ନାନ୍, ହେଦାଙ୍ଗ୍ ହେୱାନ୍ ୱେଚ୍‌ଚାନାନ୍। ହେୱାନ୍ ନଙ୍ଗୟ୍‌ୱାନି ଗଟ୍‌ନା ବିଷୟରେ ୱେଚ୍‌ଚାନାନ୍।

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 3:14

ଏପେଙ୍ଗ୍ ପବିତ୍ର ଆରେ ଦରମ୍ ମାନାୟ୍ ଯୀଶୁଙ୍ଗ୍ ପୁନୁପ୍ ଇଞ୍ଜି ମୁନା କିତାଦେର୍। ଆରେ ଏପେଙ୍ଗ୍ ରକାନ୍ ମାନାୟ୍ ମାରୁଙ୍ଗ୍ ମୁକ୍ତିକିନି କାଜିଙ୍ଗ୍ ପିଲାତ ରାଜାତାକେ ଗୁୱାରି କିତାଦେର୍।

୧ କରନ୍ତିୟ 2:15

ଇମ୍‌ଣି ମାନାୟାର୍ ପବିତ୍ର ଆତ୍ମା ପାୟାଆତାର୍‌ନା। ହେୱାର୍ ନେ ପବିତ୍ର ଆତ୍ମାନି ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାର୍। ମାତର୍ ଇମ୍‌ଣି ମାନାୟାର୍ ପବିତ୍ର ଆତ୍ମା ପାୟାଆୱାତାର୍‌ନା ହେୱାର୍ ପବିତ୍ର ଆତ୍ମା ପାୟା ଆତାକାର୍ କାତାତିଙ୍ଗ୍ ପା ବୁଜା ଆଦେଙ୍ଗ୍ ଆଡୁର୍।

ଏବ୍ରି 1:9

“ଇନାକା ଟିକ୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ଲାଡ୍‌କିଜି ମାନାଟ୍ ଆରେ ଇନାକା ଅଦରମ୍‌ ହେଦାଙ୍ଗ୍‌ତିଙ୍ଗ୍ ଗିଣ୍‌କିଜି ମାନାଟ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର, ମି ଈଶ୍ୱର, ମି ହାଙ୍ଗ୍‌ଦାକାର୍‌ତାଙ୍ଗ୍, ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା ଆରେ ମିଙ୍ଗେଙ୍ଗ୍ ବେସି ସନ୍‌ମାନ୍ ଆରେ ୱାରି ହିତ୍‌ତାଙ୍ଗ୍‌ନା।”

ଏବ୍ରି 8:11

ଆରେ, ‘ମାପୃଙ୍ଗ୍ ପୁନାଟ୍ ଇଞ୍ଜି ୱେଚ୍‌ଚି,’ ହେୱାର୍ ତା ସହର୍‌ତାକେ ମାନି ମାନାୟାରିଙ୍ଗ୍, କି ହେୱାର୍ ତା ହାଙ୍ଗ୍‌ଦାକାରିଙ୍ଗ୍ ହିକ୍ଷା ହିଉର୍। ଇନେସ୍‌କି ହିରୁତାଙ୍ଗ୍ ଗାଜା ପାତେକ୍ ହେୱାର୍ ୱିଜାକାର୍ ନାଙ୍ଗେଙ୍ଗ୍ ଈଶ୍ୱର ଇଞ୍ଜି ପୁଞ୍ଜ୍‌ନାର୍।

୧ ଯୋହନ 2:27

ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।

୧ ଯୋହନ 4:13

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ଆସେଙ୍ଗ୍ ତା ଲାହାଙ୍ଗ୍ ମାନାସ୍, ଇନେସ୍‌କି ହେୱାନ୍ ମା ତାକେ ମାଞ୍ଜେଙ୍ଗ୍ ତା ପବିତ୍ର ଆତ୍ମା ହିତ୍‌ତାନ୍‌ନା।

ଜିହୁଦା 1:5

ଏପେଙ୍ଗ୍ ୱିଜୁ ବିଷୟ ପୁରାପୁରି ପୁନ୍‌ଞ୍ଜି ମାଚିସ୍ ପା, ଆନେଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ, ମାପୃ ଇସ୍ରାଏଲନି ମାନାୟାରିଙ୍ଗ୍ ମିସର୍ ଦେସ୍‌ନି ଦାସ୍ କାମାୟ୍‌ତାଙ୍ଗ୍ ଉଦାର୍ କିତାନ୍। ମାତର୍ ଇମ୍‌ଣାକାର୍ ଟାଙ୍ଗ୍ରାବାହାତାକେ ହେୱାନିଙ୍ଗ୍ ପାର୍ତି କିୱାତାର୍, ପାଚେ ହେୱାରିଙ୍ଗ୍ ହେୱାନ୍ ନଷ୍ଟ କିତାନ୍।

ହତ୍‌ତି 3:7

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଫିଲାଦେଲ୍‌ଫିଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌, ଇନେର୍ ପବିତ୍ର ଆରେ ସତ୍ ଆରେ ଇନେର୍‌ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍‌ଦ ହେ କୁଚିକାଡିଙ୍ଗ୍‌ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍‌ନାଙ୍ଗ୍‌ ଇନେର୍ ପା ଜେତେଙ୍ଗ୍ ଆଡୁର୍।

ହତ୍‌ତି 4:8

ହେ ଚାରିଗଟା ଜିବୁନ୍ ମାନି ପଶୁକାଙ୍ଗ୍ ଚଅଗଟା ଲାକା ମାରାଙ୍ଗ୍ ମାଚିକ୍, ଆରେ ହେୱାର୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍ ଆରେ ହେୱାର୍ ମାରାକାଙ୍ଗ୍ ପା କାଣ୍‌କୁ ମାଚିକ୍। ହେୱାର୍ ୱିଜୁଦିନ୍ ୱେଡ଼ା ନାଣା ଇଲେକେ ୱେଚ୍‌ଚି ମାଚାର୍, “ୱିଜୁ ଶାକ୍ତିମାନି ଈଶ୍ୱର ନେ ପବିତ୍ର, ପବିତ୍ର, ମାପୃ ନେ ପବିତ୍ର ଇନେର୍ ୱିଜୁଦିନ୍ ମାଚାନ୍ ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ମାନାନ୍।”