୧ ଯୋହନ 2:16 - New Testament in Pengo Parja Language

¹⁶ ଇନେସ୍‌କି ମାନାୟାର୍ ଜାର୍ ଇଚାତାଙ୍ଗ୍ କିନି ପାପ୍ କାମାୟ୍, ଆରେ ଲକାର୍ ଜିନିସ୍‌ତିଙ୍ଗ୍ ଲବ୍ ଆନି ବୁଦି ଆରେ ବାଟ୍‌ପାଣ୍ ଆନି ବୁଦି ଇ ୱିଜୁ ଜଗତ୍‌ନି ବିଷୟ। ଇ ୱିଜୁ ବିଷୟ ଆବା ଈଶ୍ୱରତାଙ୍ଗ୍ ୱାୱାତାତ୍‌ନା ମାତର୍ ଇ କରାପ୍ ଜଗତ୍‌ତାଙ୍ଗ୍ ୱାତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁶ ଇନେକିଦେଂକି ଗାଗାଡ଼୍‌ନି ଆହା କାଣ୍‍ଗାନି ଆହା ଦାନ୍‌ ଗରବ୍‌ ଜଗତ୍‌ତ ମାନି ଇ ୱିଜ଼ୁ ବିସ୍ରେ ଆବାତାଂ ଆକାୟ୍‌, ମାତର୍‌ ପୁର୍ତିତାଂ ଉବ୍‌ଜାଣ୍ ଆଜ଼ି ମାନ୍‌ଙ୍ଗାନାତ୍‌ ।

୧ ଯୋହନ 2:16 Iomraidhean Croise

ମାତିଉ 4:8

ତାପାଚେ, ଶୟତାନ ଯୀଶୁଙ୍ଗ୍ ର ପାନ୍ତି ମାଡ଼ିଜପି ଅସାହାଲ୍‌ଜି ପୁର୍ତିନି ୱିଜୁ ରାଜି ଆରେ ଦନ୍‌ସମ୍ଫତିନି ହଲ୍‌ନାକା ଚଚ୍‌ଚାତ୍।

ମାତିଉ 5:28

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ପା ଇମ୍‌ଣି କଗ୍‌ଲେଙ୍ଗ୍ ପା ଦାରି କାମାୟ୍ କିଦେଙ୍ଗ୍ ହୁଡ଼୍‌ତିସ୍, ହେୱାନ୍ ତା ଲାହାଙ୍ଗ୍ ମାନ୍ତ-ମାନ୍ତ ଦାରି କିତାନେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:5

ତାପାଚେ ଶୟତାନ ଯୀଶୁଙ୍ଗ୍ ର ପାନ୍ତି ମାଡ଼ିଜପି ଅସାହାଲ୍‌ଜି ରଞ୍ଜେମାଡ୍ ପୁର୍ତିନି ୱିଜୁ ରାଜି ଚଚ୍‌ଚି ହିତାତ୍।

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

୧ କରନ୍ତିୟ 10:6

ଇ ୱିଜୁଗଟ୍‌ନା ମାଙ୍ଗେଙ୍ଗ୍ ସାବ୍‌ଦାନ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଲାଗିଙ୍ଗ୍ ଆସେଙ୍ଗ୍ ହେୱାର୍ କିତିଲେକେ କରାପ୍ ଚିନ୍ତା କିଉସ୍।

ଗାଲାତିୟ 5:17

ଇନେସ୍‌କି ଗାଗାଡ଼୍‌ନି ଇଚା କରାପ୍ ବିଷୟ କିଦେଙ୍ଗ୍ ଇଚା କିନାତ୍, ଇନାକାକି ପବିତ୍ର ଆତ୍ମା ଇଚାନି ବିରଦ୍ ଲେକେ। ପବିତ୍ର ଆତ୍ମା ମାଙ୍ଗେଙ୍ଗ୍ ହାର୍ଦି ବିଷୟ କିନି ଇଚା ହିଦ୍‌ନାତ୍, ହେଦାଙ୍ଗ୍ ଗାଗାଡ଼୍‌ନି ଇଚାନି ବିରଦ୍ ଲେକେ। ଇନେସ୍‌କି ଇ ରିଣ୍ଡାଙ୍ଗ୍ ଶାକ୍ତି ବିତ୍ରେତାଙ୍ଗ୍ ୱିଜୁଦିନ୍ ଜଗ୍‌ଡ଼ା ଲାଗିସ୍ ମାଚିସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହାର୍ଦି ବିଷୟ ୱିଜୁଦିନ୍ କିଦେଙ୍ଗ୍ ଇଚା କିତିସ୍ ପା, ଆସେଙ୍ଗ୍ କିଦେଙ୍ଗ୍ ଆଡୁସ୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଏପିସିୟ 2:3

ଆସେଙ୍ଗ୍ ପା ହେୱାର୍ ଲେକେ ଆଗେ ଜିବୁନ୍ କାଟିକିଜି ମାଚାପ୍। ଆପେଙ୍ଗ୍ ପାପ୍ ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ମାନ୍‌ନି ୱିଜୁ ଇଚାତାଙ୍ଗ୍ ପୁରା କିଜି ମାଚାପ୍। ଆରେ ହେ ଆଦେସ୍ ମାନିକିୱି ହିମ୍‌ଣାର୍ ହୁଦାଙ୍ଗ୍ ଆପେଙ୍ଗ୍ ୱିଜାକାପ୍ ପା ରଞ୍ଜେମାଡ୍ ମା ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ଗାଗାଡ଼୍‌ନି ଆରେ ମାନ୍‌ନି ଇଚା ପୁରା କିଜି ମାଚାପ୍। ଲାଗିଙ୍ଗ୍ ଜେକନିକାର୍ ଲେକେ ଆପେଙ୍ଗ୍ ପା ଈଶ୍ୱର ଦଣ୍ଡ୍ ପାୟାଆନି ଯଗ୍ଯ ଆଜି ମାଚାପ୍।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

ଜାକ୍‌ବ 3:15

ଈଶ୍ୱର ଇ ଲେକେ ଜ୍ଞାନ୍ ହିଦୁନ୍। ମାତର୍ ଇ ଲେକେ ଜ୍ଞାନ୍ ଇ ପୁର୍ତିନି ମାନାୟ୍, ଲବ୍ରା ମାନାୟ୍ ଆରେ ଶୟତାନ୍‌ତାଙ୍ଗ୍ ୱାନାତ୍।

ଜାକ୍‌ବ 4:16

ମାତର୍ ଏପେଙ୍ଗ୍ ବାଟ୍‌ପାଣ୍ ଆଜି ମୁର୍କ ଲେକେ ୱେଚ୍‌ନାଦେରା। ଇଲେକେ ବାଟ୍‌ପାଣ୍ ଆଜି ୱେଚ୍‌ନାକା କରାପ୍ ବିଷୟ।

୧ ପିତର 1:14

ହାର୍ଦି ହିମ୍‌ଣାଙ୍ଗ୍ ଜାର୍ ଆବା କାତା ମାନି କିତିଲେକେ ଏପେଙ୍ଗ୍ ଈଶ୍ୱର କାତାତିଙ୍ଗ୍ ମାନି କିୟାଟ୍, ଇନେସ୍‌କି ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍। ଏପେଙ୍ଗ୍ ଈଶ୍ୱର ସତ୍‌ତିଙ୍ଗ୍ ପୁନ୍‌ୱି ଆଗେ ଇମ୍‌ଣି କରାପ୍ କାମାୟ୍ କିଦେଙ୍ଗ୍ ଇଚା କିଜି ମାଚାଦେର୍ ହେଦାଙ୍ଗ୍ ଆରେରଗ କିମାଟ୍।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।

୨ ପିତର 2:10

ଇ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ହାତ୍‌ପା ଈଶ୍ୱର ଦଣ୍ଡ୍ ହିନାନ୍। ଇନେସ୍‌କି ଇ ବୁଲ୍ ହିକ୍ଷାହିନି ମାଷ୍ଟେରାର୍ ଦାରି ଲେକେ ବେସି କରାପ୍ କାମାୟ୍ କିଜି ଜାର୍ ଇଚାରେ କିନାର୍, ଆରେ ହେୱାର୍ ଇନେର୍ ତାରେନ୍ ମାଞ୍ଜେଙ୍ଗ୍ ଇଚା କିଉର୍। ହେୱାର୍ ମୁର୍କିୟା ଆରେ ବାଟ୍‌ପାଣିଆ ଇଞ୍ଜି ୱେଚ୍‌ନି ମାନାୟାର୍। ହେୱାର୍ ଗୌରବନି ଦୁତ୍‌କୁ ବିଷୟରେ ନିନ୍ଦା କିଦେଙ୍ଗ୍ ପାଣ୍ଡ୍ରାଆଉର୍।

୨ ପିତର 2:18

ଇ ମାଷ୍ଟେରାର୍ ଏଚେପାଦ୍ନା ହିକ୍ଷା ହିନାର୍, ହେୱାର୍ ମୁଲ୍ୟ ହିଲାକା ଆରେ ନିଜେ ଗାଜାକାଙ୍ଗ୍ ଇଞ୍ଜି ଚଚିୟାଆନି କାତା ୱେଚ୍‌ନାର୍। ଅପ୍‌ମାନ୍ ପାୟାଆନି କାମାୟ୍ ହେୱାର୍ ଗାଗାଡ଼୍ ଇଚା କିତିସ୍ ହେଦାଙ୍ଗ୍ କିଦେଙ୍ଗ୍ ଆଡ୍‌ନାର୍ ଇଞ୍ଜି ହେୱାର୍ ମାନାୟାରିଙ୍ଗ୍ ୱେଚ୍‌ନାର୍। ଇମ୍‌ଣାକାର୍ ଇଲେକେ କରାପ୍ ଜିବୁନ୍‌ତାଙ୍ଗ୍ ହସି ନୁଆଁରେ ଖ୍ରୀଷ୍ଟାନ୍ ଆତାର୍‌ନା, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିଜି ପାପ୍ କାମାୟ୍ କିୟିକିନାର୍।