୧ ଯୋହନ 2:13 - New Testament in Pengo Parja Language

¹³ ଏ ଆବାର୍‌କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଖ୍ରୀଷ୍ଟ ଆଗେତାଙ୍ଗ୍ ମାନାନ୍, ଆରେ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ଏ ଦାଙ୍ଗ୍‌ଣା ହିମ୍‌ଣା କାଦେର୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଆବା ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹³ ଏ ଆବାକାଦେର୍, ଆନେଙ୍ଗ୍‌ ମି ଲାଗାଂ ଲେକିକିନାଙ୍ଗା, ଇନେକିଦେଂକି ଇନେନ୍‌ ଆଗେତାଂ ମାନାନ୍‌, ହେୱେନିଙ୍ଗ୍ ଏପେଙ୍ଗ୍‌ ପୁନାଦେରା । ଏ ବେଣ୍ଡ୍‌ୟାକାଦେର୍‍, ଆନେଙ୍ଗ୍‌ ମି ଲାଗାଂ ଲେକିକିନାଙ୍ଗା, ଇନେକିଦେଂକି ଏପେଙ୍ଗ୍‌ ସୟ୍‌ତାନ୍‌ତାଂ ଜିତା ଆତାଦେର୍ଣ୍ଣା ।

୧ ଯୋହନ 2:13 Iomraidhean Croise

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 13:19

“ମାନାୟାର୍ ଈଶ୍ୱର କାତାତିଙ୍ଗ୍ ୱେନାର୍ ମାତର୍ ଶୟତାନ୍ ୱାଜି ହେୱାର୍ ୱେଚି କାତାତିଙ୍ଗ୍ ବାଣାଇ କିନାତ୍। ଏଲେଙ୍ଗ୍ ଲେଗ୍‌ଦି ମାନାୟ୍ ହାଜ୍‌ଦ ଆର୍ତି ବିୟାନ୍ ଲେକେ।

ମାତିଉ 13:38

ଏ ଜମି ଆନାତା ପୁର୍ତି, ଈଶ୍ୱର ସାସନ୍ କିନି ରାଜିନି ମାନାୟାର୍ ହାର୍ଦି ବିୟାନ୍ ଲେକେ, ଆରେ ଇମ୍‌ଣାକାର୍ ଶୟତାନନି ମାନାୟାର୍ ହେୱାର୍ ବାରବିନି କାଚ୍ରା ଲେକେ।

ମାତିଉ 5:37

ମାତର୍ ମି ଆଁ ବେଣ୍ ଆଁ ଆଏତ୍, ଆକାୟ୍ ବେଣ୍ ଆକାୟ୍ ଆଏତ୍। ଇବେତାଙ୍ଗ୍ ଇମ୍‌ଣାକା ବେସି ହେଦାଙ୍ଗ୍ ଶୟତାନତାଙ୍ଗ୍ ଉବ୍‌ଜା ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:22

ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍‌ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍‌ନେ ଆବା ବିଷୟରେ ପୁନିକିନାଙ୍ଗ୍‌।”

ଜହନ୍‌ 14:7

ଏପେଙ୍ଗ୍ ଯଦି ହାତ୍‌ପା ନାଙ୍ଗେଙ୍ଗ୍ ପୁନ୍‌ଞ୍ଜି ମାଚିସ୍, ଲାଗିଙ୍ଗ୍ ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା। ନଙ୍ଗୟ୍ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା ଆରେ ହେୱାନିଙ୍ଗ୍ ହୁଡ଼୍‌ତାଦେର୍‌ନା।”

ଜହନ୍‌ 14:9

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ପିଲିପ, ମିହୁଦାଙ୍ଗ୍ ବେସି ଦିନ୍‌ତାଙ୍ଗ୍ ମାନାଙ୍ଗା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ନି କାତା। ନାଙ୍ଗେଙ୍ଗ୍ ଇନେର୍ ହୁଡ଼୍‌ଦାତାର୍‌ନା, ହେୱାନ୍ ଆବା ଈଶ୍ୱରତିଙ୍ଗ୍ ପା ହୁଡ଼୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଇଞ୍ଜ୍‌ନାଦେରା, ‘ମାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଚଚ୍‌ଚା ଇଞ୍ଜି?’

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 8:19

ହେୱାର୍ ୱେନ୍‌ବାତାର୍, “ମିଞ୍ଜ୍‌ବା ଇମେନ୍?” ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ୱାତାଦେର୍‌ନା ଆରେ ନା ଆବା ଈଶ୍ୱରତିଙ୍ଗ୍ ପା ପୁନ୍‌ୱାତାଦେର୍‌ନା। ଯଦି ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ମା ଲାଗିଙ୍ଗ୍ ନା ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା।”

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

୧ ତିମତି 5:1

ନିତାଙ୍ଗ୍ ଗାଜା ମାନାୟାରିଙ୍ଗ୍ ଅପ୍‌ମାନ୍ ହିତିଲେକେ ରିସା ଆମା, ମାତର୍ ହେୱାନିଙ୍ଗ୍ ମିଞ୍ଜ୍‌ବା ଲେକେ ବାବିକିଜି ସନ୍‌ମାନ୍ କିଜି ଆଦେସ୍ ହିୟା। ଆରେ ନିତାଙ୍ଗ୍ ହିରୁକାରିଙ୍ଗ୍ ଟଣ୍ଡେନ୍ ଲେକେ ବାବିକିଜି ଆଦେସ୍ ହିୟା।

ତୀତସ 2:6

ହେଲେକେ ବେଣ୍ଡିଆ ହିମ୍‌ଣାକାଙ୍ଗ୍ ୱିଜୁ ବିଷୟରେ ବୁଦିତାଙ୍ଗ୍ ବ୍ଯବହାର୍ କିନି କାଜିଙ୍ଗ୍ ସାହାସ୍ ହିୟାଟ୍।

୧ ଯୋହନ 1:1

ଆଗେତାଙ୍ଗ୍ ଇନେର୍ ମାଚାନ୍, ତା ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ହେୱାନିଙ୍ଗ୍ ଆପେଙ୍ଗ୍ ହୁଡ଼୍‌ତାପ୍‌ନା, ଆରେ ତା କାତା ୱେଚାପ୍‌ନା। ଆପେଙ୍ଗ୍ ତାଙ୍ଗେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼୍‌ତାପ୍‌ନା ଆରେ ଜାର୍ କେଇଦାଙ୍ଗ୍ ଆସ୍‌ପାତାପ୍‌ନା, ହେୱାନ୍ ଯୀଶୁ ଖ୍ରୀଷ୍ଟ ଆରେ ଜିବୁନ୍ ହିଦ୍‌ନି କାତା।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।

୧ ଯୋହନ 2:12

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଯୀଶୁ ଖ୍ରୀଷ୍ଟ କାଜିଙ୍ଗ୍ ମି ପାପ୍ କେମା ଆତାତ୍‌ନା।

୧ ଯୋହନ 2:14

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ଆବା ଈଶ୍ୱରତିଙ୍ଗ୍ ପୁଚାଦେର୍‌ନା। ଏ ନା ଆବା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ଏପେଙ୍ଗ୍ ପୁଚାଦେର୍‌ନା ଯେ, ହେୱାନ୍ ଆଗେତାଙ୍ଗ୍ ମାନାନ୍। ଏ ଦାଙ୍ଗ୍‌ଣା ହିମ୍‌ଣା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ବାଡ଼୍‌କାସ୍, ଆରେ ଈଶ୍ୱର କାତା ମି ଗରବ୍‌ତାକେ ମାନାତ୍, ଆରେ ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

୧ ଯୋହନ 3:12

ଆସେଙ୍ଗ୍ ଆଦମ ମେହି କୟିନ ଲେକେ ଆଉସ୍, ହେୱାନ୍ ଶୟତାନନି ଲକ୍ ମାଚାନ୍, ଆରେ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌। ଇନେସ୍‌କି ତା ଟଣ୍ଡାହି ଦରମ୍ କାମାୟ୍ କିଜି ମାଚାନ୍। ମାତର୍ କୟିନ କରାପ୍ କାମାୟ୍ କିଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ଟଣ୍ଡାହିଙ୍ଗ୍ ମାର୍ନେ ଅସ୍ତାନ୍‌।

୧ ଯୋହନ 4:4

ଏ କାଡ଼୍‌ଦେର୍, ଏପେଙ୍ଗ୍ ଈଶ୍ୱର ମାନାୟ୍ କାଦେର୍, ଆରେ ଏପେଙ୍ଗ୍ ହେୱାର୍ ଈଶ୍ୱରତାଙ୍ଗ୍ ୱେନ୍‌ୱାଦାଙ୍ଗ୍ ମିଚ୍ ୱେଚ୍‌ନି ମାନାୟାର୍ କାତାତିଙ୍ଗ୍ ପାର୍ତି କିୱାତାଦେର୍‍ନା। ଇନେସ୍‌କି ମି ବିତ୍ରେ ପବିତ୍ର ଆତ୍ମା ମାନାତ୍, ଆରେ ହେ ପବିତ୍ର ଆତ୍ମା ନେ ପୁର୍ତିନି ଶୟତାନନି ଆତ୍ମାତାଙ୍ଗ୍ ପା ଗାଜା।

୧ ଯୋହନ 5:18

ଇମ୍‌ଣାକାନ୍ ଈଶ୍ୱର ମେହି ଆତାନ୍‌ନା ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିଜି ମାନୁନ୍। ଇନେସ୍‌କି ହେୱାନ୍ ଈଶ୍ୱର ମେହି ଆତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ରକ୍ଷା କିନାନ୍। ଆରେ ଶୟତାନ୍ ହେୱାନିଙ୍ଗ୍ ଡୁବେଦେଙ୍ଗ୍ ଆଡୁତ୍ ହେଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 2:7

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍‌ହିନି ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍‌ତାକେ ଗାଜା ଆନାତା।”