୧ ଯୋହନ 1:9 - New Testament in Pengo Parja Language

⁹ ମାତର୍ ଯଦି ଆସେଙ୍ଗ୍ ଜାର୍-ଜାର୍ ପାପ୍‌ତିଙ୍ଗ୍ ଈଶ୍ୱରତିଙ୍ଗ୍ ୱେଚ୍‌ନାସ୍। ଲାଗିଙ୍ଗ୍ ହେୱାନ୍ ମା ପାପ୍ କେମା କିଦ୍‌ନାନ୍ ଆରେ ୱିଜୁ ଅଦରମ୍‌ ନୁସ୍ତାନ୍‌ନା। ଇନେସ୍‌କି ହେୱାନ୍ ସତ୍ ନ୍ୟାୟ୍ ବିଚାର୍ କିନାକାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ଜଦି ଆସେଙ୍ଗ୍‌ ଜାର୍‌ ଜାର୍‍ତିଙ୍ଗ୍ ପାପ୍‌ ମାନି କିନାସ୍‌, ଲାଗିଂ ହେୱାନ୍ ମା ପାପ୍ କେମା କିଦେଙ୍ଗ୍‌ ଆରି ୱିଜ଼ୁ ଅଦାର୍ମିତାଂ ମାଙ୍ଗେଙ୍ଗ୍ ସକଟ୍‌ କିଦେଙ୍ଗ୍‌ ପାର୍ତି ଆରି ନ୍ୟାୟ୍‌କାରିୟାର୍‌ ଆତାନ୍ନା ।

୧ ଯୋହନ 1:9 Iomraidhean Croise

ମାର୍କ 1:5

ହେବେତାଙ୍ଗ୍ ଯିହୁଦା ଜିଲ୍ଲା ଆରେ ଯିରୁଶାଲାମ ସହର୍‌ତାଙ୍ଗ୍ କେତେକ୍ ମାନାୟ୍ ତା ଲାଗେ ୱାତାର୍, ଆରେ ହେୱାର୍ ଜାର୍-ଜାର୍ ପାପ୍‌ତିଙ୍ଗ୍ ୱେଚ୍‌ଚାର୍, ହେବେ ଡୁବନ୍‌ହିନି ଯୋହନ ହେୱାରିଙ୍ଗ୍ ଯର୍ଦ୍ଦନ ନାଗୁଡ଼୍‌ତ ଡୁବନ୍ ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:57

ମାତର୍ ପିତର ଇ ବେଣ୍‌ତିଙ୍ଗ୍ ମାନିକିୱାଦାଙ୍ଗ୍ ୱେଚ୍‌ଚାନ୍, “ଆକାୟ୍ ତଣ୍‌ଦେଲ୍, ଆନେଙ୍ଗ୍ ହେୱାନିଙ୍ଗ୍ ମୁଳ୍‌କେ ପୁନୁଙ୍ଗ୍।”

ଜହନ୍‌ 17:25

ଏ ଦରମ୍ ଆବା ଈଶ୍ୱର ନିଙ୍ଗେଙ୍ଗ୍ ପୁର୍ତି ପୁଞ୍ଜୁତେ, ମାତର୍ ଆନେଙ୍ଗ୍ ନିଙ୍ଗେଙ୍ଗ୍ ପୁନ୍‌ଞ୍ଚାଙ୍ଗ୍‌ନା। ଏନେଙ୍ଗ୍ ଯେ ନାଙ୍ଗେଙ୍ଗ୍ ପକ୍ତାତାଇନା ହେଦାଙ୍ଗ୍ ପୁଚାର୍‌ନା।

ପକ୍ୟାତାକା 19:18

ହେପାଦ୍ନା ଇମ୍‌ଣାକାର୍ ପାର୍ତି କିଜି ମାଚାର୍ ହେୱାର୍ ବିତ୍ରେତାଙ୍ଗ୍ ବେସିହେନି ୱାଜି, ଜାର୍-ଜାର୍ କିତି ପାପ୍ କାମାୟ୍‌ତିଙ୍ଗ୍ ୱିଜାକାର୍ ଆଗେ ୱେଚ୍‌ଚାର୍।

ରୋମିୟ 3:26

ହେଲେକେ ନଙ୍ଗୟ୍ ପା ଈଶ୍ୱର, ସତ୍ ଆରେ ନ୍ୟାୟ୍ ବିଚାର୍ କିନାନ୍, ଏଚେପାଦ୍ନା ଆସେଙ୍ଗ୍ ଯୀଶୁ ମାପୃଙ୍ଗ୍ ପାର୍ତି କିନାସ୍, ହେୱାନ୍ ମାଙ୍ଗେଙ୍ଗ୍ ତା ହୁଦାଙ୍ଗ୍ ଟିକ୍ ମାନାୟ୍ କିଦ୍‌ନାନ୍।

୧ କରନ୍ତିୟ 1:9

ଈଶ୍ୱର ମିଙ୍ଗେଙ୍ଗ୍ ତା ମେହି ମା ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆଦେଙ୍ଗ୍ ବାଚି କିତାନ୍‌ନା, ଆରେ ଈଶ୍ୱର ଇମ୍‌ଣାକା କିନାଙ୍ଗ୍ ଇଞ୍ଜି ୱେଚ୍‌ନାନ୍ ହେଦାଙ୍ଗ୍ ପୁରା କିନାନ୍। ଲାଗିଙ୍ଗ୍ ଏପେଙ୍ଗ୍ ହାର୍ କିଜି ପୁନ୍‌ଞ୍ଜି ମାନାଟ୍ ଯେ, ଈଶ୍ୱର ହେ କାମାୟ୍ କିନାନ୍।

୧ କରନ୍ତିୟ 6:11

ମି ବିତ୍ରେ କେତ୍‌ଜାଣ୍ ମାଚାର୍ ଯେ, ହେୱାର୍ ଇଲେକେ କାମାୟ୍ କିଜି ମାଚାର୍। ମାତର୍ ଈଶ୍ୱର ନଙ୍ଗୟ୍ ମି ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଆରେ ଏପେଙ୍ଗ୍ ହେବେତାଙ୍ଗ୍ ବିନେ ଆତାଦେର୍‌ନା। ଏପେଙ୍ଗ୍ ଈଶ୍ୱର ଆଗେ ଟିକ୍ ଲକ୍ ଆତାଦେର୍‌ନା, ଇନେସ୍‌କି ମା ଈଶ୍ୱର ମେହି ମାପୃ ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ଇନାକା ମି କାଜିଙ୍ଗ୍ କିତିକ୍‌ନା।

ଏପିସିୟ 5:26

ଇନେସ୍ ହେୱାନ୍ ମଣ୍ଡ୍‌ଲିତିଙ୍ଗ୍ ପବିତ୍ର କିଦେଙ୍ଗ୍ ଆଡ୍‌ନାନ୍। ହେୱାନ୍ ଈଶ୍ୱର କାତା ଆରେ ଏଜୁଙ୍ଗ୍‌ତାଙ୍ଗ୍ ଇଦାଙ୍ଗ୍ ସପା କିତାନ୍‌ନା।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 10:23

ଆସେଙ୍ଗ୍ ଇମ୍‌ଣି ଆହା ବିଷୟରେ ୱେଚ୍‌ନାସା, ହେଦାଙ୍ଗ୍ ବେସି ଷ୍ଟ୍ରଙ୍ଗ୍ ବାବ୍‌ରେ ଆସ୍ତି ମାନାଟ୍, ଇନେସ୍‌କି ଈଶ୍ୱର ଇନାକା ପାର୍ମାଣ୍ କିନାନ୍ ହେଦାଙ୍ଗ୍ କିନାନ୍ ଇଞ୍ଜି ଆସେଙ୍ଗ୍ ପାର୍ତି କିନାସା।

ଏବ୍ରି 11:11

ସାରା ଆରେ ଅବ୍ରାହାମ ବୁଡ଼୍‌ହି ଆଜି ମାଚାର୍ ଆରେ ହେୱାର୍ ବାଞ୍ଜ୍‌ଣି ଆଜି ମାଚିସ୍ ପା, ପାର୍ତି କାଜିଙ୍ଗ୍ ସାରା ଅବ୍ରାହାମ ହୁଦାଙ୍ଗ୍ ରଞ୍ଜାଙ୍ଗ୍ ମାଜି ଗାଟାଆନି କାଜିଙ୍ଗ୍ ଶାକ୍ତି ପାୟାଆତାନ୍‌। ଈଶ୍ୱର ତା ପାର୍ମାଣ୍‌ତିଙ୍ଗ୍ ପୁରା କିନାନ୍ ଇଞ୍ଜି ଅବ୍ରାହାମ ପାର୍ତି କିଜି ମାଚାନ୍।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

ହତ୍‌ତି 15:3

ଆରେ ହେୱାର୍ ଈଶ୍ୱର ଦାସ୍ ମୋଶା ହିକାୟ୍ କିତି କେର୍‌କଣ୍ ଆରେ ମେଣ୍ଢା ଇନେର୍‌କି ଯୀଶୁ ଲେକେ, ତା କେର୍‌କଣ୍ କେର୍‌ଜି ମାଚାର୍। “ହେ ମାପୃ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ କିନି ୱିଜୁ କାମାୟ୍ ଗାଜା ଆରେ ମାଙ୍ଗେଙ୍ଗ୍ ଚାନିଆ କିଦ୍‌ନାୟା, ଏନେଙ୍ଗ୍‍ନେ ୱିଜୁ ଦେସ୍ତି ରାଜା, ଏନେଙ୍ଗ୍ କିନି ୱିଜୁ କାମାୟ୍ ଟିକ୍ ଆରେ ଦରମ୍।