୧ ଯୋହନ 1:5 - New Testament in Pengo Parja Language

⁵ ଆପେଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ଇମ୍‌ଣି କାତା ୱେଚାପ୍‌ନା। ହେଦାଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ଅଜଡ଼୍‌ଲେକେ ଆବା ଈଶ୍ୱର ହାର୍ ଆରେ କିଲେର୍। ଲାଗିଙ୍ଗ୍ ତାବେ ମାଜ୍‌ଗାଲେକେ ଇନା କରାପ୍ ଜିନିଷ୍ ହିଲେତ୍।

ସତ୍‌ ବଚନ୍‌ ପୁନି ନିୟମ୍‌

⁵ ଆପେଂ ତା ତାକେଣ୍ଡାଙ୍ଗ୍‌ ଇମ୍‌ଣି ନେକ୍ରିକାବୁର୍‌ ୱେଚ୍‌ଚାତାପ୍‌ନା ଆରି ମିଙ୍ଗେଙ୍ଗ୍‌ ୱେଚ୍‌ଚାନାପା, ହେଦାଂ ଇସ୍ୱର୍‌ତି ଅଜଡ଼୍‌ ଆରେ ତା ତାକେ ମାଜ୍‌ଗା ହିଲୁତ୍‌ ।

୧ ଯୋହନ 1:5 Iomraidhean Croise

ଜହନ୍‌ 1:19

ଯିରୁଶାଲାମ ସହର୍‌ତାଙ୍ଗ୍ ଯିହୁଦିର୍ କେତ୍‌ଜାଣ୍ ପୁଜାରି ଆରେ ଈଶ୍ୱର ମନ୍ଦିର୍‌ତ ହେବାକିନି ଲେବିୟରିଙ୍ଗ୍, ଡୁବନ୍‌ହିନି ଯୋହନ ଲାଗାୟ୍ ଏନେଙ୍ଗ୍ ଇନେର୍? ଇଦାଙ୍ଗ୍ ୱେନ୍‌ବିନି କାଜିଙ୍ଗ୍ ଯିହୁଦି ନେତାର୍ ହେୱାରିଙ୍ଗ୍ ପକ୍ତାର୍।

ଜହନ୍‌ 1:4

ହେୱାନ୍ ୱିଜୁ ଜିବୁନ୍‌ନି ମୁକ୍ଯ। ହେୱାନ୍‌ନେ ରକାନ୍ ୱିଜାକାରିଙ୍ଗ୍ ଅଜଡ଼୍ ହିଦ୍‌ନାନ୍।

ଜହନ୍‌ 1:9

ହେ ସତ୍ ଅଜଡ଼୍ ପୁର୍ତିତାକେ ୱାଜି ମାଚାତ୍। ଆରେ ହେ ଅଜଡ଼୍ ମାନାୟ୍‌ତିଙ୍ଗ୍ ଅଜଡ଼୍ ହିଦ୍‌ନାନ୍।

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ଜହନ୍‌ 9:5

ଆନେଙ୍ଗ୍ ପୁର୍ତିତାକେ ମାନି ପାତେକ୍ ପୁର୍ତି କାଜିଙ୍ଗ୍ ଅଜଡ଼୍ ଆରେ ୱିଜାକାରିଙ୍ଗ୍ ଅଜଡ଼୍ ହିଜି ମାନାଙ୍ଗ୍।”

୧ କରନ୍ତିୟ 11:23

ଆନେଙ୍ଗ୍ ଇମ୍‌ଣି ହିକ୍ଷା ହିତ୍‌ତାଙ୍ଗ୍‌ନା, ହେଦାଙ୍ଗ୍ ଆନେଙ୍ଗ୍ ମାପୃତାଙ୍ଗ୍ ପାୟାଆତାଙ୍ଗ୍‌ନା, ଇମ୍‌ଣି ମିକା ଯୀଶୁଙ୍ଗ୍ ସତୃର୍ କେଇଦ ଆହିକିତାର୍। ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍ ନାଙ୍ଗେଙ୍ଗ୍ ଏତ୍‌କିଦ୍‌ଦେଙ୍ଗ୍ ଇଲେକେ କିୟାଟ୍ ଆରେ ହେୱାର୍ ତିନିହିଙ୍ଗ୍ ଯୀଶୁ ରୁଟି ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଆହାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

୧ ଯୋହନ 3:11

ଆସେଙ୍ଗ୍ ଆଗେତାଙ୍ଗ୍ ଇ କାତା ୱେଚାସ୍‌ନା। ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

ହତ୍‌ତି 21:23

ହେ ସହର୍‌ତିଙ୍ଗ୍ ଅଜଡ଼୍ କିଦେଙ୍ଗ୍ ବଇଟା କି ୱେଡ଼ା କି ଲେଞ୍ଜ୍ ଦର୍‌କାର୍ ଆକାୟ୍, ଇନେସ୍‌କି ଈଶ୍ୱର ଗୌରବ ନେ ହେ ସହର୍‌ତାକେ ଚମ୍‌କା ଆଜିମାଚାତ୍ ଆରେ ମେଣ୍ଢା ଇନେର୍‌କି ଯୀଶୁ ନେ ହେ ସହର୍‌ତିଙ୍ଗ୍ ଅଜଡ଼୍ କିଜି ମାଚାନ୍।

ହତ୍‌ତି 22:5

ହେ ସହର୍‌ତାକେ ଇନାୱେଡ଼ାଙ୍ଗ୍ ପା ମାଜ୍‌ଗା ହିଲାତାତ୍ ଆରେ ହେବେନି ମାନାୟାରିଙ୍ଗ୍ ବଇଟା କି ୱେଡ଼ା ଅଜଡ଼୍ କିଦେଙ୍ଗ୍ ଦର୍‌କାର୍ ଆୱାଦାଙ୍ଗ୍ ମାଚାତ୍, ଇନେସ୍‌କି ମାପୃ ଈଶ୍ୱରତି ନେ ହେୱାରିଙ୍ଗ୍ ଅଜଡ଼୍ କିଜି ମାଚାତ୍। ଆରେ ହେୱାର୍ ରାଜା ଲେକେ ସାସନ୍ କିଜି ମାଚାର୍।