୧ କରନ୍ତିୟ 8:9 - New Testament in Pengo Parja Language

⁹ ମାତର୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍ ଯେ, ଇମ୍‌ଣାକାର୍ ଅଲପ୍ ପାର୍ତିକିନାରା ହେୱାର୍ ଆଗେ ମୁର୍ତିକାଙ୍ଗ୍ ହିତି କାଦିତିଙ୍ଗ୍ ତିନ୍‌ମାଟ୍‌ ନଇଲେ ହେୱାର୍ ମାପୃଙ୍ଗ୍ ପାର୍ତି କିନାକା ବନ୍ଦ୍ କିନାର୍।

ସତ୍‌ ବଚନ୍‌ ପୁନି ନିୟମ୍‌

⁹ ମତର୍‌ ଜାଗ୍ରତ୍‌, ଏଚେକାଡ଼୍‌ଦ ମିଦାଙ୍ଗ୍‌ ଇ ଜାର୍‌ ଆଦିକାର୍‌ ନାଦାରିଂ ଉସ୍‌ନାକା ଆନାତ୍‌ ।

୧ କରନ୍ତିୟ 8:9 Iomraidhean Croise

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ରୋମିୟ 15:1

ଆପେଙ୍ଗ୍ ପୁଚାପ୍‌ନା ଯେ, ଇ ୱିଜୁ ବିଷୟରେ ଇନା ଅର୍ତ ହିଲେତ୍, ମାତର୍ ଆପେଙ୍ଗ୍ ଜାର୍‌ତିଙ୍ଗ୍ ୱାରିକିନି କାଜିଙ୍ଗ୍ ଇ ୱିଜୁ କାମାୟ୍ କିୱି ଦର୍‌କାର୍। ମାତର୍ ଆସେଙ୍ଗ୍ ପାର୍ତିନି ଉଣା ମାନି ମାନାୟାର୍ ବିଷୟରେ ଚିନ୍ତା କିନି ଦର୍‌କାର୍, ଇମ୍‌ଣି ମାନାୟାର୍ ଇ ୱିଜୁ ବିଷୟତିଙ୍ଗ୍ ହାର୍ ଇଞ୍ଜି ବାବିକିନାରା।

୧ କରନ୍ତିୟ 10:24

ଇନେର୍ ପା ଜାର୍ ହାର୍ କାଜିଙ୍ଗ୍ ନେ ଇନସ୍ତା କିମେନ୍, ମାତର୍ ଜେକନି ଖ୍ରୀଷ୍ଟାନ୍ ଟଣ୍ଡାର୍ କାଜିଙ୍ଗ୍ ପା ହାର୍ଦି ଚିନ୍ତା କିୟାଟ୍।

୧ କରନ୍ତିୟ 10:28

ମାତର୍ ଯଦି ଇନେର୍ ମିଙ୍ଗେଙ୍ଗ୍ ଇଞ୍ଜ୍‌ନାନ୍, “ଇ କାଦି ମୁର୍ତିତିଙ୍ଗ୍ ପୁଜା କିତାକା,” ଲାଗିଙ୍ଗ୍ ଏପେଙ୍ଗ୍ ତିନ୍‌ମାଟ୍‌। ଏପେଙ୍ଗ୍ ମି ମାନ୍ କିଲେର୍ କାଜିଙ୍ଗ୍ ଆକାୟ୍, ମାତର୍ ଇମ୍‌ଣାକାନ୍ ଇନ୍‌ଞ୍ଚାନ୍ ତା ମାନ୍ କିଲେର୍ କିନି କାଜିଙ୍ଗ୍। କିଲେର୍ ହିଲିତି ମାନାୟାର୍ ମାନ୍ ଇନେସ୍‌କିଜି ହେୱାନ୍ ନାବେ ମାନି ଅଦିକାର୍‌ତିଙ୍ଗ୍ ବିଚାର୍ କିଦ୍‌ନାନ୍?

୧ କରନ୍ତିୟ 10:32

ଆନେଙ୍ଗ୍ ଇମ୍‌ଣାକା ୱିଜୁକିନାଙ୍ଗା ୱିଜାକାର୍ ସାର୍‌ଦା ଆନିଲେକେ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଚିନ୍ତା କିଉଙ୍ଗା ମାତର୍ ୱିଜାର୍ କାଜିଙ୍ଗ୍, ଲାଗିଙ୍ଗ୍ ହେୱାର୍ ଉଦାର୍ ପାୟାଆନାର୍‌। ହେଲେକେ ଏପେଙ୍ଗ୍ ପା ଯିହୁଦି ଜାତିନିକାଙ୍ଗ୍ କି ବିନ୍‌ଜାତିନିକାରିଙ୍ଗ୍ କି ଈଶ୍ୱରନି ମଣ୍ଡ୍‌ଲିନି ମାନାୟାର୍ ଆୟେର୍ ପାପ୍ କାମାୟ୍ କିଦେଙ୍ଗ୍ ସାସ୍ ହିମାଟ୍।

୧ କରନ୍ତିୟ 8:10

ଏପେଙ୍ଗ୍ ପୁଚାଦେର୍‌ନା ଯେ, ଇ ମୁର୍ତିଙ୍ଗ୍ ସତ୍ ଈଶ୍ୱର ଆକାୟ୍, ଲାଗିଙ୍ଗ୍ ଏପେଙ୍ଗ୍ ମୁର୍ତିତିଙ୍ଗ୍ ପୁଜାକିତି କାଦି ପା ଚିଞ୍ଜେଙ୍ଗ୍ ଆଡ୍‌ନାଦେର୍। ମାତର୍ ଇମ୍‌ଣି ଟଣ୍ଡେନିଙ୍ଗ୍ ଅଲପ୍ ପାର୍ତି ମାନାତ୍, ଆରେ ହେୱାନ୍ ଏପେଙ୍ଗ୍ ହେ କାଦିତିଙ୍ଗ୍ ତିନାକା ହୁଡ଼୍‌ଦାନାନ୍। ଲାଗିଙ୍ଗ୍ ହେୱାନ୍ ମୁର୍ତିକାଙ୍ଗ୍ ହିତି କାଦି ତିନାକା ବୁଲ୍ ଇଞ୍ଜି ବାବିକିତିସ୍ ପା ଚିଞ୍ଜେଙ୍ଗ୍ ସାସ୍ କିନାନ୍।

୧ କରନ୍ତିୟ 8:12

ଯଦି ମା ପାର୍ତିନି ଟଣ୍ଡେନ୍ ଆସେଙ୍ଗ୍ କିଜିମାଚି କାମାୟ୍‌ତିଙ୍ଗ୍ ବୁଲ୍ ଇଞ୍ଜି ବାବିକିନାନା, ଲାଗିଙ୍ଗ୍ ଆପେଙ୍ଗ୍ ତା ବିରଦ୍‌ତାକେ ଆରେ ଖ୍ରୀଷ୍ଟ ବିରଦ୍‌ତାକେ ପାପ୍ କିତାପ୍‌ନା।

୧ କରନ୍ତିୟ 9:22

ଆନେଙ୍ଗ୍ ଏଚେପାଦ୍ନା ଅଲପ୍ ପାର୍ତି କିନାକାର୍ ହୁଦାଙ୍ଗ୍ ମାଚାଙ୍ଗ୍, ହେୱାର୍ ଇନେସ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ଉଦାର୍ ପାୟା ଆଦେଙ୍ଗ୍ ଆଡ୍‌ନାର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ଲେକେ ବ୍ୟବହାର୍ କିଜି ମାଚାଙ୍ଗ୍। ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଆଡ୍‌ନାଙ୍ଗ୍ ଇଦାଙ୍ଗ୍ କାଜିଙ୍ଗ୍ ହେୱାର୍ ଲେକେ ଜିବୁନ୍ କାଟିକିଜି ମାଚାଙ୍ଗ୍।

୨ କରନ୍ତିୟ 11:21

ଆନେଙ୍ଗ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ଲାଜା ଆନାଙ୍ଗା ଯେ, ଆପେଙ୍ଗ୍ ହେଲେକେ କାମାୟ୍ କିଦେଙ୍ଗ୍ ବେସି ଦୁର୍‌ବଲ୍ ଆତାପ୍‌ନା। ମାତର୍ ହେୱାର୍ ଇମ୍‌ଣି ବିଷୟରେ ବାଟ୍‌ପାଣ୍ ଆଦେଙ୍ଗ୍ ସାସ୍ ଚଚ୍‌ନାରା, ଆନେଙ୍ଗ୍ ପା ହେୱାର୍ ଲେକେ ନା କାମାୟ୍ କାଜିଙ୍ଗ୍ ବାଟ୍‌ପାଣ୍ ଆତାଙ୍ଗ୍‌ମା, ଆରେ ହେଦାଙ୍ଗ୍ ର ବକୁୱା ମାନାୟ୍ ୱେଚ୍‌ନିଲେକେ ଆନେଙ୍ଗ୍ ୱେଚ୍‌ନାଙ୍ଗା।

୨ କରନ୍ତିୟ 11:29

ଇନେର୍ ଯଦି ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ ଆନାନା, ଲାଗିଙ୍ଗ୍ ଆନେଙ୍ଗ୍ ପା ଦୁର୍‌ବଲ୍ ଆନାଙ୍ଗା ଇଞ୍ଜି ପୁନାଙ୍ଗା। ଆରେ ଇମ୍‌ଣି ପାର୍ତିକିନି ଟଣ୍ଡେନ୍ ଜେକନି ପାର୍ତିକିନି ଟଣ୍ଡେନ୍ ବିରୁଦ୍‌ତାକେ ପାପ୍ କିତାକା ପୁନାଙ୍ଗା, ଲାଗିଙ୍ଗ୍ ଆନେଙ୍ଗ୍ ବେସି ରିସା ଆନାଙ୍ଗା।

୨ କରନ୍ତିୟ 6:3

ଆପେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି ହେବା କିନାପା, ଆରେ ଇନେର୍ ପା ମା ହେବା କିନି କାଜିଙ୍ଗ୍ ଦସ୍ ହିଦ୍‌ଦେଙ୍ଗ୍ ଆଡ଼୍‌ଦୁର୍। ହେଦାଙ୍ଗ୍ ଆପେଙ୍ଗ୍ ଇଲେକେ ଜିବୁନ୍ କାଟି କିଦେଙ୍ଗ୍ ଉପାୟ୍ କିନାପା ଯେ, ଲାଗିଙ୍ଗ୍ ଇନେର୍ ପା ମା କାମାୟ୍ କାଜିଙ୍ଗ୍ ମାପୃଙ୍ଗ୍ ଦାସ୍ତେଙ୍ଗ୍ କଷ୍ଟ ପାୟା ଆଉର୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

କଲସିୟ 2:8

ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

୧ ପିତର 2:16

ଏପେଙ୍ଗ୍ ନଙ୍ଗୟ୍ ଜାର୍ ଇଚାତାଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାଦେର୍, ଆରେ ଇନେର୍ ମିଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ମା ମାପୃ ଯୀଶୁ ଖ୍ରୀଷ୍ଟ ୱିଜୁ ପର୍‌କାର୍ କିଦେଙ୍ଗ୍ ହିତ୍‌ତାନ୍‌ନା। ମାତର୍ ଟିକ୍ କାମାୟ୍ କିଜି ଈଶ୍ୱର ସତ୍ ଦାସ୍ ଇଞ୍ଜି ପୁନିକିନି ଦର୍‌କାର୍। ହେଦାଙ୍ଗ୍ କାଜିଙ୍ଗ୍ ମାପୃ ହିତ୍‌ତି ସ୍ୱାଦିନତିଙ୍ଗ୍ କରାପ୍ କାମାୟ୍ କିଦେଙ୍ଗ୍ ବ୍ୟବହାର୍ କିନାକା ହାର୍ ଆକାୟ୍।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

ହତ୍‌ତି 2:14

ମାତର୍ ଏପେଙ୍ଗ୍ କେତ୍‌ଗଟା ବୁଲ୍ କାମାୟ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ଏପେଙ୍ଗ୍ ଆଗେ ହିକାୟ୍ କିଜି ମାନ୍‌ଞ୍ଚି ବିଲିୟମ ଭବିଷ୍ଯତବକ୍ତା ଲେକେ ମିଚ୍ ହିକ୍ଷାହିନି ମାନାୟାରିଙ୍ଗ୍ ମି ମଣ୍ଡ୍‌ଲିତାକେ ବିରଦ୍ କିଉଦେରା। ହେୱାନ୍ ଇସ୍ରାଏଲନି ମାନାୟାରିଙ୍ଗ୍ ପାପ୍ କାମାୟ୍ କି କିନି କାଜିଙ୍ଗ୍, ହେୱାରିଙ୍ଗ୍ ମୁର୍ତିତିଙ୍ଗ୍ ପୁଜାକିତି କାଦି ଚିଞ୍ଜେଙ୍ଗ୍ ଆରେ ଦାରି କାମାୟ୍ କିଦେଙ୍ଗ୍ ରାଜା ବାଲାକତିଙ୍ଗ୍ ହିକାୟ୍ କିଜି ମାଚାନ୍।