୧ କରନ୍ତିୟ 6:3 - New Testament in Pengo Parja Language

³ ଏପେଙ୍ଗ୍ ପୁଚାଦେର୍‌ନା ଯେ, ରଦିନ୍ ୱାନାତ୍ ଏପେଙ୍ଗ୍ ଶୟତାନନି ଦୁତ୍‌କୁକାଙ୍ଗ୍ ବିଚାର୍ କିନାଦେର୍। ଲାଗିଙ୍ଗ୍ ଏପେଙ୍ଗ୍ ୱିଜୁ ଦିନ୍‌ତି ଗଣ୍ଡ୍‌ଗଲ୍‌ତିଙ୍ଗ୍ ପା ରାଜି ରାମା କିଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

³ ଆସେଙ୍ଗ୍‌ ଜେ ଦୁତ୍‌ର୍‌ତି ବିଚାର୍‌ କିନାକା, ଇଦାଂ କି ଏପେଙ୍ଗ୍‌ ପୁନୁଦେର୍‌ ?

୧ କରନ୍ତିୟ 6:3 Iomraidhean Croise

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:34

ଯୀଶୁ ଆରେରଗ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍। ଏପେଙ୍ଗ୍ କାଲିଙ୍ଗ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଆରେ ଜିଦେଙ୍ଗ୍ ଏପେଙ୍ଗ୍ ବାରବିନି ଚିନ୍ତା କିମାଟ୍। ମାତର୍ ଏପେଙ୍ଗ୍ ଜାଗ୍ରତ୍ ହିଲ୍‌ୱି ୱେଡ଼ାଲିଙ୍ଗ୍ ହେଦାପ୍ରେ ହେ ଦିନ୍ ୱାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:14

ଆରେ କେତେକ୍ ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ୱାତିସ୍ ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କାତାତିଙ୍ଗ୍ ମାନିକିଉର୍।

ରୋମିୟ 6:16

ଆସେଙ୍ଗ୍ ପୁଚାସ୍‌ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍‌ଣାକା କିୟାଟ୍ ଇଞ୍ଜ୍‌ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍‌ନି ତାରେନ୍ ମାଚିସ୍ ଇମ୍‌ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍‌ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍‌ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାତ୍।

୧ କରନ୍ତିୟ 6:15

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ଖ୍ରୀଷ୍ଟ ଗାଗାଡ଼୍‌ତାକେ ମାହାଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦାରି କାମାୟ୍ କିନି କାଜିଙ୍ଗ୍ ମି ଗାଗାଡ଼୍‌ତିଙ୍ଗ୍ ବ୍ୟବହାର୍ କିନାକା ଟିକ୍ ଆକାୟ୍, ଇମ୍‌ଣାକା କି ଖ୍ରୀଷ୍ଟତି ଗାଗାଡ଼୍।

୧ କରନ୍ତିୟ 6:16

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ରିୟାର୍ ର ଗାଗାଡ଼୍ ଆନାର୍,” ଲାଗିଙ୍ଗ୍ ଇମ୍‌ଣି ମାନାୟ୍ ଯଦି ଦାରି କାମାୟ୍ କିନାନ୍। ହେୱାନ୍ ଦାରି କାମାୟ୍ କଗ୍‌ଲେ ହୁଦାଙ୍ଗ୍ ଏକ୍ ଆନାନ୍।

୧ କରନ୍ତିୟ 6:19

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ପବିତ୍ର ଆତ୍ମାନି ମନ୍ଦିର୍‌ ଆରେ ହେୱାନ୍ ମି ବିତ୍ରେ ମାନାନା। ଇନେରିଙ୍ଗ୍ ଈଶ୍ୱର ମି ବିତ୍ରେ ମାଞ୍ଜେଙ୍ଗ୍ ହିତ୍‌ତାନ୍‌ନା। ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍ ଆତାଦେର୍‌ନା,

୧ କରନ୍ତିୟ 6:4

ଯଦି ହେ ଲେଗ୍‌ଦି ବିଷୟ ମି ମଣ୍ଡ୍‌ଲି ବିତ୍ରେ ଗଟାଆନାତ୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବିନ୍‌ଜାତିର୍ ବିଚାର୍‌କିନି ମାନାୟାର୍‌ତାକେ ରାଜି ରାମା କିଦେଙ୍ଗ୍ ହାଲ୍‌ମାଟ୍।

୨ ତିମଥି 2:4

ରକାନ୍ ସେନାଦଳ୍‌ନି କାମାୟ୍ କିନିହିଙ୍ଗ୍ ହେୱାନ୍ ଜେକ ଆରେ ର କାମାୟ୍ କିଉନ୍। ଇନେସ୍‌କି ହେୱାନ୍ ତା ଗାଜା ଅପିସର୍‌ତିଙ୍ଗ୍ ୱାରି କିୟିକିଦେଙ୍ଗ୍ ଇଚାକିନାନ୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ଜିହୁଦା 1:6

ଆରେ ଈଶ୍ୱର ହିଜିମାଚି ପାଦ୍‌ତାଙ୍ଗ୍ ଇମ୍‌ଣି ଦୁତ୍‌କୁ ୱାରିଆଜି ମାନ୍‌ୱାଦାଙ୍ଗ୍, ହେୱାର୍ ମାନି ଇଲ୍ ସରଗ୍‌ତାକେ ପିସ୍ତାର୍‌ନା, ହେୱାର୍ ବିଷୟରେ ଏପେଙ୍ଗ୍ ବାବିକିଜି ହୁଡ଼ାଟ୍। ଈଶ୍ୱର ହେୱାରିଙ୍ଗ୍ ମାଜ୍‌ଗା ବାହାତାକେ ୱିଜୁଦିନ୍ କାଜିଙ୍ଗ୍ ହେୱାରିଙ୍ଗ୍ ଗାଜା ବିଚାର୍‌କିନି ଦିନ୍‌ତ ୱିଜ୍‌ୱି ଦଣ୍ଡ୍ ହିନି କାଜିଙ୍ଗ୍ ହେୱାରିଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ଇଡ଼୍‌ତାନ୍‌ନା।