୧ କରନ୍ତିୟ 5:4 - New Testament in Pengo Parja Language

⁴ ନଙ୍ଗୟ୍ ଏପେଙ୍ଗ୍ ଇଲେକେ କିନି ଦର୍‌କାର୍। ଏଚେପାଦ୍ନା ଏପେଙ୍ଗ୍ ପାର୍ତି କିନାକାଦେର୍ ରବେ ରୁଣ୍ଡା ଆନାଦେର୍, ମା ମାପୃ ଯୀଶୁ ଖ୍ରୀଷ୍ଟ ହାତ୍‌ପା ମିଙ୍ଗେଙ୍ଗ୍ ଅଦିକାର୍ ହିତ୍‌ତାନ୍‌ନା ଇଞ୍ଜି ପୁନି ଦର୍‌କାର୍। ଆରେ ହେଦାଙ୍ଗ୍ ନା ମାନ୍ତ ହେ ବାହାତାକେ ମାଚିଲେକେ ଆନାତ୍‌। ଆରେ ମା ମାପୃ ଯୀଶୁ ଖ୍ରୀଷ୍ଟନି ଶାକ୍ତିତାଙ୍ଗ୍,

ସତ୍‌ ବଚନ୍‌ ପୁନି ନିୟମ୍‌

⁴ ଇଚିସ୍‌, ଏପେଙ୍ଗ୍‌ ଆରି ନା ୱାସ୍କି ମା ମାପ୍ରୁ ଜିସୁତି ତର୍‌ଦ ସାକ୍ତି ଉପ୍‌କାର୍‌ତାଂ ରୁଣ୍ଡା ଆଜ଼ି ଇଦାଂ ତିର୍‌ କିତାପ୍‌ନ୍ନା ଜେ,

୧ କରନ୍ତିୟ 5:4 Iomraidhean Croise

ମାତିଉ 16:19

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱର ସାସନ୍ କିନି ରାଜିନି କୁଚିକାଡିଙ୍ଗ୍ ହିଦ୍‌ନାଙ୍ଗ୍। ଆରେ ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ହେଦାଙ୍ଗ୍ ବନ୍ଦ୍ ମାନ୍‌ଙ୍ଗାନାତ୍, ଆରେ, ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।”

ମାତିଉ 18:20

ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ଜହନ୍‌ 20:23

ଏପେଙ୍ଗ୍ ଯଦି ମାନାୟାରିଙ୍ଗ୍ ପାପ୍ କେମା କିନାଦେର୍, ଲାଗିଙ୍ଗ୍ ହେୱାରିଙ୍ଗ୍ ଈଶ୍ୱର ପାପ୍ କେମା କିନାନ୍। ମାତର୍ ଏପେଙ୍ଗ୍ ଯଦି ମାନାୟାରିଙ୍ଗ୍ ପାପ୍ କେମା କିଉଦେର୍, ଲାଗିଙ୍ଗ୍ ହେୱାରିଙ୍ଗ୍ ପା ଈଶ୍ୱର ପାପ୍ କେମା କିଉନ୍।”

ପକ୍ୟାତାକା 16:18

ହେଦେଲ୍ କେତେକ୍ ଦିନ୍ ୱେଚ୍‌ଚି ମାଚାତ୍। ଲାଗିଙ୍ଗ୍ ପାଉଲ ବିଜାର୍ ଆଜି ହେ ବୁତ୍ଆତ୍ମାତିଙ୍ଗ୍ ୱେଚ୍‌ଚାନ୍‌, “ତାବେତାଙ୍ଗ୍ ହସି ହାଞ୍ଜେଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆଦେସ୍ ହିଦ୍‌ନାଙ୍ଗା।” ଲାଗିଙ୍ଗ୍ ହେ ଆତ୍ମା ହେଦାପ୍ରେ ହେ ଦାସିତାଙ୍ଗ୍ ହସିହାଚାତ୍।

ପକ୍ୟାତାକା 3:6

ମାତର୍ ପିତର ୱେଚ୍‌ଚାନ୍, “ରୁପା କି ହନା ନାଙ୍ଗେଙ୍ଗ୍ ହିଲୁତ୍, ମାତର୍ ନାଙ୍ଗେଙ୍ଗ୍ ଇନାକା ମାନାତ୍, ହେଦାଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ହିଦ୍‌ନାଙ୍ଗ୍। ନାଜରିତିୟ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ନିଙ୍ଗ୍‌ଞ୍ଜି ତାଙ୍ଗା।”

ପକ୍ୟାତାକା 4:30

ଆରେ ଏନେଙ୍ଗ୍ ବାଚିକିତି ପବିତ୍ର ଦାସ୍ ଯୀଶୁ ତର୍‍ଦାଙ୍ଗ୍ ମାନାୟାରିଙ୍ଗ୍ ହାର୍‌କିଦେଙ୍ଗ୍, ଚିନ୍ ଚଚ୍‌ଚେଙ୍ଗ୍ ଆରେ ଚାନିଆଆନି କାମାୟ୍ କିଦେଙ୍ଗ୍ ମାଙ୍ଗେଙ୍ଗ୍ ସାଇଜକିଦା।”

୨ କରନ୍ତିୟ 13:10

ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

୨ କରନ୍ତିୟ 13:3

ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ ଖ୍ରୀଷ୍ଟ ନା କାଜିଙ୍ଗ୍ ୱେଚ୍‌ଚାତାନ୍‌ନା। ଏଚେପାଦ୍ନା ଖ୍ରୀଷ୍ଟ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍, ହେୱାନ୍ ଦୁର୍‌ବଲ୍ ମାନାୟ୍ ଲେକେ ଆଉନ୍, ମାତର୍ ହେୱାନ୍ ତା ଶାକ୍ତି ହୁଦାଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍।

୨ କରନ୍ତିୟ 2:6

ନଙ୍ଗୟ୍ ମି ବିତ୍ରେତାଙ୍ଗ୍ ବେସିହେନି ମାନାୟାର୍ ତାଙ୍ଗେଙ୍ଗ୍ ଦଣ୍ଡ୍ ହିତାର୍‌ନା। ଆରେ ହେୱାର୍ ତାଙ୍ଗେଙ୍ଗ୍ ହିତି ଦଣ୍ଡ୍ ତା କାଜିଙ୍ଗ୍ ହାମାନ୍ ଆନାତ୍‌।

ଏପିସିୟ 5:20

ୱିଜୁଦିନ୍ ୱିଜୁ ବିଷୟରେ ମା ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୨ ଥେସଲନୀକିୟ 3:6

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ମିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାପା। ଇମ୍‌ଣାକାର୍ ଆପେଙ୍ଗ୍ ହିଜିମାଚି ହିକ୍ଷାତିଙ୍ଗ୍ ମାନିକିଉର୍‌, ଆରେ ଆଡ଼୍‌ସାୟ୍ ଆଜି ମାନାନ୍, ହେଲେଗ୍‌ଦି ମାନାୟାର୍‌ତାଙ୍ଗ୍ ଏପେଙ୍ଗ୍ ଦେହା ମାନାଟ୍।