୧ କରନ୍ତିୟ 5:1 - New Testament in Pengo Parja Language

¹ ଆନେଙ୍ଗ୍ ମି ବିଷୟରେ ମାନାୟାର୍‌ତାଙ୍ଗ୍ ୱେଚାଙ୍ଗ୍ ଯେ, ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ଦାରି କାମାୟ୍ କିନାରା, ଇଲେକେ କରାପ୍ କାମାୟ୍ ବିନ୍‌ଜାତିନି ମାନାୟାର୍ ପା କିଉର୍। ଆନେଙ୍ଗ୍ ୱେଚାଙ୍ଗ୍ ମି ମଣ୍ଡ୍‌ଲିତାକେ ଇଲେକେ ର ମାନାୟ୍ ମାନାନ୍ ଯେ, ହେୱାନ୍ ତା ଅଚୁତେହି ହୁଦାଙ୍ଗ୍ ଦାରି କାମାୟ୍ କିନାନା।

ସତ୍‌ ବଚନ୍‌ ପୁନି ନିୟମ୍‌

¹ ହାତ୍‌ପାନେ ୱେନ୍ୟାନାନାତା ଜେ, ମି ବିତ୍ରେ ଦାରି ମାନାତ୍‌, ଆରେ ଏପେଙ୍ଗ୍‌ ଦାରି, ଇନାକା କି ପାର୍ତିକିୱି ଜିହୁଦିର୍‌ ବିତ୍ରେ ପା ଆଉତ୍‌, ଏଲେଙ୍ଗ୍‌କି ରୱାନ୍‌ ଜାର୍‌ ଆବାନି ଡକ୍ରିଂ ଇଟ୍‌ତାନ୍ନା ।

୧ କରନ୍ତିୟ 5:1 Iomraidhean Croise

ପକ୍ୟାତାକା 15:20

ତା ବାଦୁଲ୍‌ରେ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍‌ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟରେ, ଆସେଙ୍ଗ୍ ହେୱାର୍ ଲାଗାୟ୍ ରଞ୍ଜାଙ୍ଗ୍ ଚିଟି ଲେକିକିଜି ୱେଚ୍‌ଚିସ୍ ଆନାତ୍‌।

ପକ୍ୟାତାକା 15:29

ଯଦି ଏପେଙ୍ଗ୍ ଇୱିଜୁ ହାର୍‌ଦାଙ୍ଗ୍ ମାନିକିତିସ୍, ମି କାଜିଙ୍ଗ୍ ହାର୍ ଆନାତ୍। ଏପେଙ୍ଗ୍ ହାର୍‌ଦାଙ୍ଗ୍ ମାନାଟ୍।

୧ କରନ୍ତିୟ 1:11

ଏ ଟଣ୍ଡାର୍‌କାଦେର୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଜିକାଟାଣା ଆନାଦେରା, ଇବିଷୟ ଖ୍ଳଇ କୁଟୁମ୍‌ତାଙ୍ଗ୍ କେତ୍‌ଜାଣ୍ ନାଙ୍ଗେଙ୍ଗ୍ ଇନ୍‌ଞ୍ଚାର୍।

୧ କରନ୍ତିୟ 5:11

ମାତର୍ ଆନେଙ୍ଗ୍ ଲେକିକିତାକା ଇଲେକେ ଯେ, ଯଦି ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଦାରି କାମାୟ୍ କିନାନ୍, ଦନ୍ ସମ୍ଫତିତିଙ୍ଗ୍ ଲବ୍ ଆନାନ୍, ମୁର୍ତି ପୁଜା କିନାନ୍, ଲକାଙ୍ଗ୍ ନିନ୍ଦା କିନାନ୍, କାଲିଙ୍ଗ୍ ଉଣାନ୍ ଆରେ ଲକାର୍ ଦନ୍‌ତିଙ୍ଗ୍ ଚର୍ କିନାନ୍, ଇଲେକେ ମାନାୟ୍ ହୁଦାଙ୍ଗ୍ ମାହା ଆମାଟ୍ କି ତା ହୁଦାଙ୍ଗ୍ ମାହାଆଜି ତିନ୍‌ମାଟ୍‌।

୧ କରନ୍ତିୟ 6:13

ଏପେଙ୍ଗ୍ ଇଞ୍ଜେଙ୍ଗ୍ ଆଡ୍‌ନାଦେର୍, କାଦି ଗାଗାଡ଼୍ କାଜିଙ୍ଗ୍ ଆରେ ଗାଗାଡ଼୍ କାଦି କାଜିଙ୍ଗ୍ ରହ୍‌ୟା ଆତାତ୍‌ନା, ହେଦାଙ୍ଗ୍ ସତ୍, ମାତର୍ ହେ ରିଣ୍ଡାଙ୍ଗ୍ ଜିନିଷ୍‌ତିଙ୍ଗ୍ ଈଶ୍ୱର ରଦିନ୍ ବିନାସ୍ କିନାନ୍। ତା ଅର୍ତ ଇଦାଙ୍ଗ୍ ଆକାୟ୍ ଯେ, ଏପେଙ୍ଗ୍ ମି ଗାଗାଡ଼୍‌ତିଙ୍ଗ୍ ଦାରି କାମାୟ୍ କିଦେଙ୍ଗ୍ ବ୍ୟବହାର୍ କିୟାଟ୍, ଇନେସ୍‌କି ଇ ଗାଗାଡ଼୍ ମାପୃତି ଆରେ ମାପୃଙ୍ଗ୍ ହେବା କିଦେଙ୍ଗ୍ ବ୍ୟବହାର୍ କିନି ଦର୍‌କାର୍।

୧ କରନ୍ତିୟ 6:18

ଏପେଙ୍ଗ୍ ଦାରି କାମାୟ୍‌ତାଙ୍ଗ୍ ଦେହା ମାନାଟ୍, ଇମ୍‌ଣାକାନ୍ ୱିଜୁ ପାପ୍ କାମାୟ୍ କିନାନ୍ ହେୱାନ୍ ତା ଗାଗାଡ଼୍ ବାର୍ତ କିନାନ୍, ମାତର୍ ଦାରି କାମାୟ୍ କିନାକାନ୍ ତା ଜାର୍ ଗାଗାଡ଼୍‌ନି ବିରଦ୍‌ତାକେ ପାପ୍ କିନାନ୍।

୧ କରନ୍ତିୟ 6:9

ଏପେଙ୍ଗ୍ ତ ପୁଚାଦେର୍‌ନା ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍। ଏପେଙ୍ଗ୍ ଜାର୍‌ତିଙ୍ଗ୍ ଟକାୟ୍ କିୟାଆମାଟ୍। ଇନେସ୍‌କି ଇମ୍‌ଣି ମାନାୟାର୍ ହୁଞ୍ଜା ମାଗା ଆନି ପାପ୍, ମୁର୍ତି ପୁଜା, ଦାରି କାମାୟ୍, ଆଣ୍ଡ୍ରାଙ୍ଗ୍ ଦାରି କାମାୟ୍,

୨ କରନ୍ତିୟ 12:21

ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

୨ କରନ୍ତିୟ 2:5

ଯଦି ଇମ୍‌ଣାକାନ୍ ପାପ୍ କାମାୟ୍ କିଜି ଦୁଃକ୍ ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ଦୁଃକ୍ ହିତ୍‌ତାନ୍‌ନା, ମାତର୍ ନାବେତାଙ୍ଗ୍ ଆଦିକ୍ ମିଙ୍ଗେଙ୍ଗ୍ ଦୁଃକ୍ ହିତ୍‌ତାନ୍‌ନା, ଆରେ ଆନେଙ୍ଗ୍ ତା ପାପ୍ କାମାୟ୍‌ତିଙ୍ଗ୍ ଆଦିକ୍ କିଜି ୱେଚ୍‌ଚେଙ୍ଗ୍ ଇଚା କିଉଙ୍ଗା।

୨ କରନ୍ତିୟ 7:12

ଆନେଙ୍ଗ୍ ମି କାଜିଙ୍ଗ୍ କେତେକ୍ ଚିଟି ଲେକିକିଜି ମାଚାଙ୍ଗ୍ ହେଦାଙ୍ଗ୍ କରାପ୍ କାମାୟ୍ କିନାକାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଆକାୟ୍, ମାତର୍ ଏପେଙ୍ଗ୍ ଈଶ୍ୱର ଆଗେ ଚଚ୍‌ଚେଙ୍ଗ୍ ଆଡ୍‌ନାଦେର୍ ଯେ, ଏପେଙ୍ଗ୍ ମାଙ୍ଗେଙ୍ଗ୍ ବେସି ସନ୍‌ମାନ୍ କିଦ୍‍ନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଲେକିକିଜି ମାଚାଙ୍ଗ୍।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

ଏପିସିୟ 5:3

ଲାଗିଙ୍ଗ୍ ଦାରି, ୱିଜୁ ପର୍‌କାର୍ କରାପ୍ କାମାୟ୍ କି ଲବ୍ରା, ଇୱିଜୁ ମି ବିତ୍ରେ ବାହା ଆମେତ୍। ଇନେସ୍‌କି ହେଦାଙ୍ଗ୍ ସାଦୁ ମାନାୟାର୍ କାଜିଙ୍ଗ୍ ଟିକ୍ ଆକାୟ୍।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

୧ ଥେସଲନୀକିୟ 4:7

ଈଶ୍ୱର ମାଙ୍ଗେଙ୍ଗ୍ ପାପ୍ କାମାୟ୍ କିଜି ଯିବୁନ୍ କାଡିକିଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ଦରମ୍ କାମାୟ୍ କିଜି ପବିତ୍ର ଆଜି ଯିବୁନ୍ କାଡିକିଦେଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ହତ୍‌ତି 2:21

ଆନେଙ୍ଗ୍ ହେ କଗ୍‌ଲେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଦେଙ୍ଗ୍ ସୁଯଗ୍ ହିତାଙ୍ଗ୍‌ନା, ମାତର୍ ହେଦେଲ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିନି କାଜିଙ୍ଗ୍ ମୁନା କିନାତା।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”