୧ କରନ୍ତିୟ 4:9 - New Testament in Pengo Parja Language

⁹ ଇନେସ୍‌କି ଆନେଙ୍ଗ୍ ବାବିକିନାଙ୍ଗା ଯେ, ଆସେଙ୍ଗ୍ ସନ୍‌ମାନ୍ ପାୟାଆୱି କାଜିଙ୍ଗ୍ ଈଶ୍ୱର ଖ୍ରୀଷ୍ଟତି ବାଚିକିତି ଚେଲା କିଜି ୱିଜୁ ମାନାୟାର୍‌ତାଙ୍ଗ୍ ପାଚେ କିତ୍‌ତାନ୍‌ନା। ଦାସ୍ ମାଚି ମାନାୟାରିଙ୍ଗ୍ ଇନେସ୍ ୱିଜୁ ମାନାୟାର୍ ଆଗେ ମାର୍ନେ ଅସ୍ତାନାନ୍ ଆରେ ୱିଜୁ ମାନାୟାର୍ ହେଦାଙ୍ଗ୍‌ତିଙ୍ଗ୍ ହୁଡ଼୍‌ନାର୍ ଆସେଙ୍ଗ୍ ହେଲେକେ ଆତାସ୍‌ନା। ମା କାଜିଙ୍ଗ୍ ଇନାକା ଗଟାଆନାତ୍ ଇଞ୍ଜି ୱିଜୁ ମାନାୟାର୍ ଆରେ ଦୁତ୍‌କୁ ପା ହୁଡ଼୍‌ନିକା।

ସତ୍‌ ବଚନ୍‌ ପୁନି ନିୟମ୍‌

⁹ ଇନାକିଦେଂକି ନାଦି ମାନେ ଆନାତା, ପକ୍ୟାତାକାପ୍‌ ଜେ ଆପେଂ, ମା ଇସ୍ୱର୍‌ ହାତି ମୁମ୍‌ଦ ହେଲାୟ୍‌ କିତି ସବୁତିଂ ହାରିହାରା ମାନାୟାରିଂ ଲାକେ ହୁଡ଼ିକିତାନ୍‌ନା, ଲାଗିଂ ଆପେଂ ପୁର୍ତି, ଦୁତ୍‌, ଆରି ମାନାୟାର୍‌ ଲାଗେ ଗ୍ଡାଇକିଆନି ବିସ୍ରେ ଆତାପ୍‌ନା ।

୧ କରନ୍ତିୟ 4:9 Iomraidhean Croise

ପକ୍ୟାତାକା 19:29

ଇ ମାନାୟାର୍ ରାଟୁ ଆନାକା ୱେନ୍‌ଞ୍ଜି ସହର୍‌ନି ମାନାୟାର୍ ହେୱାର୍ ଲାଗାୟ୍ ହାଚାର୍, ତାପାଚେ ସହର୍‌ନି ୱିଜୁ ନିପଣ୍ ରାଟୁଆଜି ଗଉଲି ଆତାର୍। ଆରେ ମାନାୟାର୍ ମାକଦନିଆ ଜିଲ୍ଲାନି ଗାୟ ଆରେ ଆରିସ୍ତାର୍ଖ ତର୍‌ଦି ଇ ରିକାରିଙ୍ଗ୍ ଆସ୍ତି ସହର୍‌ନି ମିଟିଙ୍ଗ୍ ବାହାତାକେ ବେଗି-ବେଗି ହାଚାର୍। ଇ ରିକାର୍ ପାଉଲ ହାଙ୍ଗ୍‌ଦାକାର୍ ମାଚାର୍।

ପକ୍ୟାତାକା 19:31

ହେ ଜିଲ୍ଲାତାକେ ମାନି ଅପିସର୍ କେତ୍‌ଜାଣ୍ ପାଉଲ ସାଙ୍ଗହି ମାଚାର୍, ହେୱାର୍ ପା ପାଉଲତିଙ୍ଗ୍ ହେ ବାହାତାକେ ହାଲ୍‌ଜି ମାନାୟାର୍ ହୁଦାଙ୍ଗ୍ କାତାବାର୍ତା ଆଦେଙ୍ଗ୍ ହାଲ୍‍ମା ଇଞ୍ଜି କାବୁର୍ ପକ୍ତାର୍।

ରୋମିୟ 8:36

ଦାଉଦ ତା ସାସ୍ତର୍‌ତାକେ ଈଶ୍ୱରତିଙ୍ଗ୍ ଇଲେକେ ଇଚାନ୍‌ନା। “ୱିଜୁଦିନ୍ ମାନାୟାର୍ ମାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାରା, ଆରେ ଆସେଙ୍ଗ୍ ମାର୍ନେ ଅହ୍‌ନି ମେଣ୍ଢାଲେକେ ଆତାସ୍‌ନା।”

୧ କରନ୍ତିୟ 15:19

ଯଦି ଆସେଙ୍ଗ୍ ଖ୍ରୀଷ୍ଟଙ୍ଗ୍ ଇ ପୁର୍ତିତାକେ ଜିଦେଙ୍ଗ୍ ନେ ଆହା କିନାସା, ଲାଗିଙ୍ଗ୍ ମାନାୟାର୍ ପୁର୍ତିତାକେ ଇନେରିଙ୍ଗ୍ କାନିକରମ୍‌ ଆୱିଲେକେ ମା କାଜିଙ୍ଗ୍ କାନିକରମ୍‌ ଆନି ଦର୍‌କାର୍।

୨ କରନ୍ତିୟ 11:23

ଯଦି ହେୱାର୍ ଖ୍ରୀଷ୍ଟଙ୍ଗ୍ ହେବା କିନାପା ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ରକାଙ୍ଗ୍ ପାଗଲ୍ ମାନାୟ୍ ୱେଚ୍‌ଚିଲେକେ ଆନେଙ୍ଗ୍ ହେୱାର୍‌ତାଙ୍ଗ୍ ବେସି ବାଟ୍‌ପାଣ୍ ଆଜି ୱେଚ୍‌ଚାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବାକିନି କାଜିଙ୍ଗ୍ ବେସି କଷ୍ଟ କାମାୟ୍ କିତାଙ୍ଗ୍‌ନା। ହେ କାମାୟ୍ କାଜିଙ୍ଗ୍ କେତେହଟ୍ ଜଇଲ୍ ଇଞ୍ଜ ହାଲ୍‌ଜି ମାଚାଙ୍ଗ୍। ମାନାୟାର୍ ନାଙ୍ଗେଙ୍ଗ୍ କେତ୍‌ହଟ୍ ଟ୍ରାକ୍ତାତାର୍‌ନା ଆରେ ମାନାୟାର୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍।

୨ କରନ୍ତିୟ 6:9

କେତ୍‌ଜାଣ୍ ମାଙ୍ଗେଙ୍ଗ୍ ହାର୍ କିଜି ପୁନ୍‌ଞ୍ଚାର୍‌ନା, ମାତର୍ କେତ୍‌ଜାଣ୍ ମାଙ୍ଗେଙ୍ଗ୍ ପୁଞ୍ଜ୍‌ୱିତିଲେକେ ବ୍ୟବହାର୍ କିଦ୍‌ନାରା। ମାନାୟାର୍ ମାଙ୍ଗେଙ୍ଗ୍ ୱିଜୁଦିନ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାରା, ମାତର୍ ଆପେଙ୍ଗ୍ ନଙ୍ଗୟ୍ ପାତେକ୍ ଜିବୁନ୍ ମାନାପ୍। ମାଙ୍ଗେଙ୍ଗ୍ କେତ୍‌ହଟ୍ ମାନାୟାର୍ ଟ୍ରାକ୍ତାତାର୍‌ନା, ମାତର୍ ମାର୍ନେ ଅସ୍ତାୱାତାର୍‌ନା।

୧ ଥେସଲନୀକିୟ 3:3

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ଏବ୍ରି 10:33

ହେପାଦ୍ନା ଏପେଙ୍ଗ୍ ୱିଜାକାର୍ ମୁମ୍‌ଦ ନିନ୍ଦା ପାୟାଆତାଦେର୍ ଆରେ ମାଡ୍ ଚିଚାଦେର୍, ଆରେ ଇମ୍‌ଣାକାର୍ ମି ଲେକେ କଷ୍ଟ ପାୟାଆଜି ମାଚିସ୍ ହେୱାରିଙ୍ଗ୍ ଏପେଙ୍ଗ୍ ସାଇଜ କିତାଦେର୍।

ଏବ୍ରି 11:36

ଈଶ୍ୱରତାକେ ପାର୍ତିକିନି କେତେକ୍ ମାନାୟ୍ ଅପ୍‌ମାନ୍ ପାୟାଆତାର୍ ଆରେ ହେୱାର୍ ଗାଗାଡ଼୍ କର୍‌ଡା ହୁଦାଙ୍ଗ୍ ଟ୍ରାକ୍‌ତି କାଜିଙ୍ଗ୍ ଗାଉ ଆଜି ମାଚାତ୍। ଆରେ କେତେକ୍ ମାନାୟ୍ ଗାଚିଆ ଆଜି ଜଇଲ୍ ଇଞ୍ଜ ବନ୍ଦି ଆତାର୍।