୧ କରନ୍ତିୟ 4:7 - New Testament in Pengo Parja Language

⁷ ଇନେର୍ ପା ମିଙ୍ଗେଙ୍ଗ୍ ଗାଜାକାର୍ କିଦ୍‌ୱାତାର୍‌ନା। ଈଶ୍ୱର ମିଙ୍ଗେଙ୍ଗ୍ ୱିଜୁ ଜିନିଷ୍ ହିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବାଟ୍‌ପାଣ୍ ଆନି ଅଦିକାର୍ ହିଲେତ୍, ଇନେସ୍‌କି ଇନାକା ୱିଜୁ ପାୟା ଆତାଦେର୍‌ନା ହେ ୱିଜୁ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁷ ଇନାକିଦେଂକି ଇନେନ୍‌ ମିଙ୍ଗେଙ୍ଗ୍‌ ଗାଜା କିତ୍‌ତାନ୍‌ନା, ଆରେ ଇନାକା ଏପେଙ୍ଗ୍‌, ଦାନ୍‌ ଲାକେ ପାୟାୱାତାଦେର୍ଣ୍ଣା, ଇଦାଂ ମିଦାଙ୍ଗ୍‌ ଇନାକା ମାନାତ୍‌ ? ମତର୍‌ ଜଦି ଏପେଙ୍ଗ୍‌ ହେଦାଂ ଇସ୍ୱର୍ତି ଦାନ୍‌ ଲାକେ ପାୟା ତାଦେର୍ଣ୍ଣା ୱାଟିଙ୍ଗ୍‌ ହେଦାଂ ଦାନ୍‌ ଲାକେ ପାୟାଆୱିତି ଲାକେ ଇନାକିଦେଂ ଗରବ୍‌ କିନାଦେରା ?

୧ କରନ୍ତିୟ 4:7 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:13

ହେୱାନ୍ ହାନି ଆଗେ ତା ଦଶ୍‌ଜାଣ୍ ହଲିଆରିଙ୍ଗ୍ କୁକ୍‌ଚି ହେୱାରିଙ୍ଗ୍ ରଞ୍ଜାଙ୍ଗ୍ ଲାକା ହନା ଡାବୁଙ୍ଗ୍ ହିତାନ୍। ଆରେ ହେୱାନ୍ ୱେଚ୍‌ଚାନ୍, ‘ଆନେଙ୍ଗ୍ ୱାନି ପାତେକ୍ ଇ ଡାବୁଙ୍ଗ୍ ଲାହାଙ୍ଗ୍ ବେପାର୍‌ବାଟ୍‌ କିୟାଟ୍।’

ଜହନ୍‌ 1:16

ହେୱାନ୍ ଦୟା ଆରେ ସତ୍‌ତାଙ୍ଗ୍ ବାର୍ତିଆଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ହେୱାନ୍‌ତାଙ୍ଗ୍ ବେସି ଆଶ୍ରିବାଦ୍ ଜପି ଆଶ୍ରିବାଦ୍ ପାୟାଆତାପ୍।

ଜହନ୍‌ 3:27

ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ରକାନିଙ୍ଗ୍ ଇନାକା ହିନାନ୍, ହେୱାନ୍ ହେ ଏଚେକ୍ ପାୟା ଆନାନ୍।

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

ରୋମିୟ 12:6

ଈଶ୍ୱର ମା କାମାୟ୍ ହୁଡ଼୍‌ଜି, ମାଙ୍ଗେଙ୍ଗ୍ ବିନ୍-ବିନ୍ ଦାନ୍ କିନି କାଜିଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଯଦି ଈଶ୍ୱର କାତା ୱେଚ୍‌ନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଈଶ୍ୱର ୱେଚ୍‌ଚାତାନ୍‌ନା ଇଞ୍ଜି ପାର୍ତି କିଜି ୱେଚ୍‌ନି ଦର୍‌କାର୍।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 3:5

ପାଉଲ ଆରେ ଆପୋଲ ଈଶ୍ୱରନି ଦାସ୍। ମା କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍। ମାପୃ ମାଙ୍ଗେଙ୍ଗ୍ ଅଲ୍‌ଗା-ଅଲ୍‌ଗା କାମାୟ୍ ହିତ୍‌ତାନ୍‌ନା।

୧ କରନ୍ତିୟ 5:6

ଲାଗିଙ୍ଗ୍ ଏପେଙ୍ଗ୍ ଇଲେକେ ବାଟ୍‌ପାଣ୍ ଆନାକା ହାର୍ ଆକାୟ୍। ଏପେଙ୍ଗ୍ ପୁଚାଦେର୍‌ନା ଯେ, ଇଚୁକ୍ ସଡ଼ାକାର୍ ୱିଜୁ ମଇଦାତିଙ୍ଗ୍ ପୁଲାଇ କିନାତ୍, ହେଲେକେ ଯଦି ର ମାନାୟ୍ ପାପ୍ କାମାୟ୍ କିଜି ମାନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ମୁନା କିଉଦେର୍ ଲାଗିଙ୍ଗ୍ ୱିଜାର୍ ମାନାୟ୍ ତା ଲେକେ ପାପ୍ କାମାୟ୍ କିଦେଙ୍ଗ୍ ହିକାଆନାର୍।

୧ କରନ୍ତିୟ 7:7

ଆନେଙ୍ଗ୍ ଇଚା କିନାଙ୍ଗା ଯେ, ନା ଲେକେ ବିବା ଆୱାଦାଙ୍ଗ୍ ମାନାଟ୍। ମାତର୍ ୱିଜୁଲକ୍ ହାମାନ୍ ଆକାୟ୍। ଈଶ୍ୱର କେତ୍‌ଜାଣ୍‌ତିଙ୍ଗ୍ ବିବାଆନି ଦାନ୍ ହିତାନ୍‌ନା, ଆରେ ବାକି ଲଗାଙ୍ଗ୍ ବିବା ଆୱି ଦାନ୍ ହିତାନ୍‌ନା।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

୧ ପିତର 4:10

ୱିଜାର୍ ମାନାୟାରିଙ୍ଗ୍ ଈଶ୍ୱର ଦୟାକିଜି ରଞ୍ଜି-ରଞ୍ଜି ଦାନ୍ ହିତ୍‌ତାନ୍‌ନା, ଆରେ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ହେ ଦାନ୍‌ତିଙ୍ଗ୍ ବ୍ୟବହାର୍ କିୟାଟ୍। ହେୱାର୍ ଈଶ୍ୱର ହାର୍ ଦାସ୍ ଆଜିମାଚି କାଜିଙ୍ଗ୍ ଈଶ୍ୱର ହିତ୍‌ତି ୱିଜୁ ଦାନ୍‌ତିଙ୍ଗ୍ ହାର୍ କିଜି ବ୍ୟବହାର୍ କିନି ଦର୍‌କାର୍।