୧ କରନ୍ତିୟ 4:12 - New Testament in Pengo Parja Language

¹² ଆପେଙ୍ଗ୍ ଜିଦେଙ୍ଗ୍ ଜାର୍‌ତିଙ୍ଗ୍ ଜାର୍ କଷ୍ଟକିଜି ଆର୍ଜାଆନାପା। ମାଙ୍ଗେଙ୍ଗ୍ ମାନାୟାର୍ ଅବିଶାପ୍ ହିତ୍‌ତିସ୍‌ ପା ଆପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିନାପା, ଆରେ ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା ଆପେଙ୍ଗ୍ ସମ୍ବାଲି କିନାପା।

ସତ୍‌ ବଚନ୍‌ ପୁନି ନିୟମ୍‌

¹² ଜାର୍‌ କେଇଦ କସ୍ଟ କିନାପା, ନିନ୍ଦାକିୟା ଆଜ଼ି ଆସିର୍ବାଦ୍‌ କିନାପା, ନିନ୍ଦା ପାୟା ଆଜ଼ି ହୁଞ୍ଜ୍‍ନାପା,

୧ କରନ୍ତିୟ 4:12 Iomraidhean Croise

ମାତିଉ 5:11

ଏପେଙ୍ଗ୍ ନା କାଜିଙ୍ଗ୍ ନିନ୍ଦା ଆରେ ଇନସ୍ତା ଆନାଦେର୍, ଆରେ ମିଚ୍‌ତାଙ୍ଗ୍ ମିଙ୍ଗେଙ୍ଗ୍ ବିରଦ୍, ଆରେ ୱିଜୁ ପ୍ରକାର୍ ବାନ୍ୟା ବେଣ୍ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହାର୍।

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:28

ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଅବିଶାପ୍ ହିଦ୍‌ନାରା, ହେୱାରିଙ୍ଗ୍ ଆଶ୍ରିବାଦ୍ କିୟାଟ୍। ଇମ୍‌ଣାକାନ୍ ମିଙ୍ଗେଙ୍ଗ୍ ଅପ୍‌ମାନ୍ ହିଦ୍‌ନାରା, ଏପେଙ୍ଗ୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ଜହନ୍‌ 15:20

ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ମାନ୍ତ ଇଟାଟ୍। ରକାନ୍ ହଲିଆ ତା ମାଲିକ୍‌ତାଙ୍ଗ୍ ଗାଜା ଆକାୟ୍। ମାନାୟାର୍ ଯଦି ନାଙ୍ଗେଙ୍ଗ୍ ନିନ୍ଦା କିଦ୍‌ନାର୍, ଲାଗିଙ୍ଗ୍ ହେୱାର୍ ମିଙ୍ଗେଙ୍ଗ୍ ପା ନିନ୍ଦା କିଦ୍‌ନାର୍। ଆରେ ଇନେର୍ ନା ହିକ୍ଷାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାର୍ ମି ହିକ୍ଷାତିଙ୍ଗ୍ ପା ମାନି କିଦ୍‌ନାର୍।

ପକ୍ୟାତାକା 18:3

ପାଉଲ ଲେକେ ହେୱାର୍ ପା ତମ୍ୱୁ ବେପାର୍ କିଜି ମାଚାର୍। ଲାଗିଙ୍ଗ୍ ହେୱାନ୍ ହେୱାର୍ ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିତାନ୍।

ପକ୍ୟାତାକା 20:34

ଏପେଙ୍ଗ୍ ପୁଚାଦେର୍‌ନା, ନାଙ୍ଗେଙ୍ଗ୍ ଆରେ ନା ହାଙ୍ଗ୍‌ଦାକାରିଙ୍ଗ୍ ଦର୍‌କାର୍‌ଆନି ଜିନିଷ୍‌ତିଙ୍ଗ୍ ଆନେଙ୍ଗ୍ କାମାୟ୍ କିଜି ପୁରା କିତାଙ୍ଗ୍‌ନା।

ପକ୍ୟାତାକା 7:60

ଆରେ ହେୱାନ୍ ମେଣ୍ଡାକୁନ୍ଦିକିଜି ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ଏ ମାପୃ, ଇ ପାପ୍‌ତିଙ୍ଗ୍ ଏନେଙ୍ଗ୍ କେମା କିୟା।” ହେୱାନ୍ ଏଲେଙ୍ଗ୍ ୱେଚ୍‌ଚି ହାଃତାନ୍।

ରୋମିୟ 12:14

ଏପେଙ୍ଗ୍ ଖ୍ରୀଷ୍ଟାନ୍ କାଦେର୍, ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଅବିଶାପ୍ ହିମାଟ୍, ମାତର୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ରୋମିୟ 12:20

ମାତର୍ ଯଦି ମିଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ଇନାକା ତିନ୍‌ୱାଦାଙ୍ଗ୍ ନାସ୍‌କି ମାନାର୍, ଲାଗିଙ୍ଗ୍ ହେୱାରିଙ୍ଗ୍ ଚିଞ୍ଜେଙ୍ଗ୍ ହିୟାଟ୍। ଆରେ ଯଦି ହେୱାନ୍ ଏସ୍‌କି ଆନାନା ଲାଗିଙ୍ଗ୍ ତାଙ୍ଗେଙ୍ଗ୍ ଉଣ୍ଡେଙ୍ଗ୍ ଏଜୁଙ୍ଗ୍ ହିୟାଟ୍। ଲାଗିଙ୍ଗ୍ ହେୱାର୍ ମି ବିରଦ୍‌ରେ କିତି କାମାୟ୍ କାଜିଙ୍ଗ୍ ଲାଜ୍ ପାୟାଆନାର୍‌।”

ରୋମିୟ 8:35

ମାଙ୍ଗେଙ୍ଗ୍ ଖ୍ରୀଷ୍ଟନି ଲାଡ୍‌ତାଙ୍ଗ୍ ଇନାକା ଅଲ୍‌ଗା କିଦ୍‌ଦେଙ୍ଗ୍ ଆଡ଼୍‌ଦୁତ୍। ଆସେଙ୍ଗ୍ ଯଦି ଦୁଃକ୍ କଷ୍ଟ ପାୟାଆଜି ମାଚିସ୍ କି, ଆରେ ମାନାୟାର୍ ମା ବିରଦ୍‌ତାକେ କରାପ୍ କାମାୟ୍ କିଜିମାଚିସ୍ କି, ଆରେ ଚିଞ୍ଜେଙ୍ଗ୍ ଉସ୍‌ପେଦେଙ୍ଗ୍ ହିଲିତିସ୍ କି, ଆସେଙ୍ଗ୍ ହାଃତିସ୍ କି ଇନେର୍ ରକାନ୍ ମାଙ୍ଗେଙ୍ଗ୍ ଅସ୍ତିତିସ୍ ଇ ୱିଜୁ ଜିନିଷ୍ ଈଶ୍ୱର ଲାଡ୍‌ତାଙ୍ଗ୍ ଅଲ୍‌ଗା କିଦେଙ୍ଗ୍ ଆଡୁକ୍।

୧ କରନ୍ତିୟ 9:6

ଏପେଙ୍ଗ୍ ଜେକନି ଚେଲାରିଙ୍ଗ୍ ସାଇଜ କିତିଲେକେ ବର୍ଣ୍ଣବା ଆରେ ଆନେଙ୍ଗ୍ ମି ସାଇଜ ପାୟାଆନି ଅଦିକାର୍ ମାନାତ୍।

୨ କରନ୍ତିୟ 11:8

ଏପେଙ୍ଗ୍ ଇନେସ୍ ଆନେଙ୍ଗ୍ ଇଲେକେ କିନାକା ବୁଲ୍ ଇଞ୍ଜି ଇନୁଦେର୍, ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଜେକନି ମଣ୍ଡ୍‌ଲିନି ପାର୍ତିକିନି ମାନାୟାର୍ ସାଇଜ କିତ୍‌ତି କାଜିଙ୍ଗ୍ ଆନେଙ୍ଗ୍ ମିତାକେ ହେବା କିନାଙ୍ଗା।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

୧ ଥେସଲନୀକିୟ 2:9

ଏ ଟଣ୍ଡାର୍‌କାଦେର୍, ଆପେଙ୍ଗ୍ କିଜିମାଚି କଷ୍ଟ କାମାୟ୍ ୱିଜୁ ମିଙ୍ଗେଙ୍ଗ୍ ମାନ୍ତ ମାନାତ୍, ଆପେଙ୍ଗ୍ ମି ବିତ୍ରେ ଇନେରିଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍, ମାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍। ଆରେ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ଶୁଣାୟ୍ କିତ୍‌ତାପ୍।

୨ ଥେସଲନୀକିୟ 3:8

ଆରେ ଡାବୁଙ୍ଗ୍ ହିୱାଦାଙ୍ଗ୍ ଆପେଙ୍ଗ୍ ଇନେର୍ ଇଞ୍ଜ ପା ଉଣ୍‌ୱାଦାଙ୍ଗ୍ ମାଚାପ୍, ମାତର୍ ମା ଦର୍‌କାର୍‌ନି ଜିନିଷ୍ କାଜିଙ୍ଗ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୧ ପିତର 2:23

ଏଚେପାଦ୍ନା ମାନାୟାର୍ ଯୀଶୁଙ୍ଗ୍ ଇନସ୍ତା କିତାର୍, ହେୱାନ୍ ଉଲ୍‌ଟା ମାନାୟାରିଙ୍ଗ୍ ଇନସ୍ତା କିୱାତାନ୍‌ନା। ମାନାୟାର୍ ଏଚେପାଦ୍ନା ତାଙ୍ଗେଙ୍ଗ୍ ଦୁଃକ୍ କଷ୍ଟ ହିତାର୍, ହେୱାନ୍ ଉଲ୍‌ଟା ହେୱାରିଙ୍ଗ୍ ଦୁଃକ୍ କଷ୍ଟ ହିଦେଙ୍ଗ୍ ଉପାୟ୍ କିୱାତାନ୍‌ନା। ମାତର୍ ତା ବାଦୁଲ୍‌ରେ ହେୱାନ୍ ଈଶ୍ୱରତିଙ୍ଗ୍ ସାଇଜ କିଦେନ୍ ଇଞ୍ଜି ପାର୍ତି କିତାନ୍। ହେୱାନ୍ ପୁନ୍‌ଞ୍ଜି ମାଚାନ୍ ଯେ, ଈଶ୍ୱର ୱିଜାକାରିଙ୍ଗ୍ ନ୍ୟାୟ୍ ବିଚାର୍ କିନାନ୍।

୧ ପିତର 3:14

ମାତର୍ ଏପେଙ୍ଗ୍ ଯଦି ହାର୍ କାମାୟ୍ କିନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଲାଗିଙ୍ଗ୍ ଏପେଙ୍ଗ୍ ଚିନ୍ତା କିମାଟ୍ କି, ବ୍ୟବହାର୍ କାଜିଙ୍ଗ୍ ପାଣ୍ଡ୍ରା ଆମାଟ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

୧ ପିତର 4:19

ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଇଚା ଅନୁସାରେ ଦୁଃକ୍ କଷ୍ଟ ପାୟାଆନାରା, ଆରେ ଟିକ୍ କାମାୟ୍ କିଜି ତାବେ ଆହା କିତାର୍‌ନା। ଇନେର୍ ହେୱାରିଙ୍ଗ୍ ଉବ୍‌ଜାଇ କିତାନ୍‌ନା, ଇନେସ୍‌କି ହେୱାନ୍ ଇନାକା ୱେଚ୍‌ନାନ୍ ହେଦାଙ୍ଗ୍ ହେୱାନ୍ ପୁରା କିନାନ୍।

ଜିହୁଦା 1:9

ଈଶ୍ୱରତି ମୁଡ଼୍ ଦୁତ୍ ମୀଖାୟେଲ ଇ ବୁଲ୍ ହିକ୍ଷାହିନି ମାଷ୍ଟେରାର୍‌ତାଙ୍ଗ୍ ଗାଜାକାନ୍‌ ଆତିସ୍‌ପା, ଇୱାର୍ ଲେକେ ବ୍ଯବହାର୍ କିୱାଦାଙ୍ଗ୍ ମାଚାନ୍। ଏଚେପାଦ୍ନା ମୋଶା ଭବିଷ୍ୟତବକ୍ତା ହାଃତି ଗାଗାଡ଼୍ ବିଷୟରେ ଶୟତାନ ମୀଖାୟେଲ ହୁଦାଙ୍ଗ୍ ଜୁକ୍ତି କିବାଆଜି ମାଚାର୍। ମୀଖାୟେଲ ଶୟତାନତିଙ୍ଗ୍ ନିନ୍ଦା କାତା ୱେଚ୍‌ଚି ଦସି କିୱାଦାଙ୍ଗ୍ ମାଚାନ୍, ହେୱାନ୍ ଶୟତାନତିଙ୍ଗ୍ ଏଚେକ୍ ୱେଚ୍‌ଚାନ୍ ଯେ, “ମାପୃ ନିଙ୍ଗେଙ୍ଗ୍ ଦମକ୍ ହିଦେନ୍।”