୧ କରନ୍ତିୟ 3:6 - New Testament in Pengo Parja Language

⁶ ଆନେଙ୍ଗ୍ ମିଙ୍ଗେଙ୍ଗ୍ ର ମାନାୟ୍ ଜମିତାକେ ମାଞ୍ଜି ରୁସ୍ତିଲେକେ ଈଶ୍ୱରତି ହାର୍ଦିକାବୁର୍ ପାର୍ତୁମ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେ ପାଚେ ର ମାନାୟ୍ ମାର୍‌ତିଙ୍ଗ୍ ଏଜୁଙ୍ଗ୍ ହିତିଲେକେ ଆପୋଲ ମିଙ୍ଗେଙ୍ଗ୍ ଈଶ୍ୱର ବିଷୟରେ ଆଦିକ୍ ହିକାୟ୍ କିତ୍‌ତାନ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିତ୍‌ତାନ୍‌ନା। ଇନେସ୍‌ଲେକେ ହେୱାନ୍ ମାର୍‌କୁକାଙ୍ଗ୍ ଗାଜାୟ୍ କିନାନା

ସତ୍‌ ବଚନ୍‌ ପୁନି ନିୟମ୍‌

⁶ ଆନ୍‌ ରୁସ୍ତାଂନା, ଆପଲ୍ଲ ଏସ୍‌ ତିର୍ତାନ୍ନା, ମତର୍‌ ଇସ୍ୱର୍‌ ବାଡାୟ୍‌ କିନାନା ।

୧ କରନ୍ତିୟ 3:6 Iomraidhean Croise

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 16:14

ଲୁଦିଆ ତର୍‌ଦି ବିନ୍‌ଜାତିନି କଗ୍‌ଲେ ମା କାତା ୱେନ୍‌ଞ୍ଜି ମାଚାତ୍। ହେଦେଲ୍ ଥୁୟତିରା ସହର୍ ନିକାଦେଲ୍ ମାଚାତ୍। ହେଦେଲ୍ ବେସି ଦାମ୍‌ନି ୱାଙ୍ଗା କଲର୍‌ନି ହେନ୍ଦ୍ରାଙ୍ଗ୍ ପନାକାଦେଲ୍ ମାଚାତ୍। ହେଦେଲ୍ ଈଶ୍ୱରତିଙ୍ଗ୍ ପୁଜାକିଜି ମାଚାତ୍, ହେଦେଲ୍ ଇନେସ୍ ପାଉଲ ୱେଚ୍‌ନି କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାତ୍, ହେଦାଙ୍ଗ୍ କାଜିଙ୍ଗ୍ ମାପୃ ହେଦେଲିଙ୍ଗ୍ ବୁଜା ଆଦେଙ୍ଗ୍ ସାଇଜ କିତାନ୍।

ପକ୍ୟାତାକା 18:24

ଏପାଦ୍ନା ଆପୋଲ ତର୍‍ଦାକାନ୍ ରକାନ୍ ଯିହୁଦି ମାନାୟ୍ ଏପିସ ସହର୍‌ତାକେ ୱାତାନ୍। ହେୱାନ୍ ଆଲେକ୍‌ଜାଣ୍ଡ୍ରିଆ ସହର୍‌ନି ମାନାୟ୍ ମାଚାନ୍। ହେୱାନ୍ ରକାନ୍ ହାର୍ଦି ବାଷଣ୍ ହିନାକାନ୍ ମାଚାନ୍, ଆରେ ଦରମ୍ ସାସ୍ତର୍‌ନି ବିଷୟ ବେସି ପୁନ୍‌ଞ୍ଜି ମାଚାନ୍।

ପକ୍ୟାତାକା 19:1

ଆପୋଲ କରନ୍ତିୟ ସହର୍‌ତାକେ ମାନିହିଙ୍ଗ୍, ପାଉଲ ଗାଲାତିୟ ଆରେ ଫ୍ରୁଗିଆ ସହର୍ ନିପଣ୍ ଆଜି ଏପିସ ସହର୍‌ତାକେ ଇକାତାନ୍। ଆରେ ହେବେ କେତେକ୍ ପାର୍ତିକିନି ଚେଲାହିରିଙ୍ଗ୍ ଗିଟାଆତାନ୍।

ପକ୍ୟାତାକା 21:19

ପାଉଲ ହେୱାରିଙ୍ଗ୍ ଜୁୱାର୍ କିତାନ୍। ଆରେ ଈଶ୍ୱର ସାଇଜତାଙ୍ଗ୍ ହେୱାନ୍ ଇମ୍‌ଣି-ଇମ୍‌ଣି କାମାୟ୍ କାଜିଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ହେ ୱିଜୁତିଙ୍ଗ୍ ରଞ୍ଜାଙ୍ଗ୍-ରଞ୍ଜାଙ୍ଗ୍ କିଜି ହେୱାରିଙ୍ଗ୍ ୱେଚ୍‌ଚାନ୍।

ରୋମିୟ 15:18

ନା କାଜିଙ୍ଗ୍ ଯୀଶୁ ଖ୍ରୀଷ୍ଟ ଇମ୍‌ଣି ୱିଜୁ କାମାୟ୍ କିତାନ୍‌ନା, ହେଦାଙ୍ଗ୍ ଆନେଙ୍ଗ୍ ସାସ୍ ଆଜି ଇଞ୍ଜେଙ୍ଗ୍ ଆଡ୍‌ନାଙ୍ଗା। ଆନେଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର କାତା ମାନି କିଦେଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାଙ୍ଗା। ହେୱାର୍ ନା କାତା ୱେଚାର୍ ଆରେ ନା କାମାୟ୍ ହୁଡ଼୍‌ଜି ଖ୍ରୀଷ୍ଟଙ୍ଗ୍ ପାର୍ତି କିତାର୍।

୧ କରନ୍ତିୟ 1:12

ଏପେଙ୍ଗ୍ କେତ୍‌ଜାଣ୍ ଇଲେକେ ୱେଚ୍‌ଚି ବାଗ୍-ବାଗ୍ ଆନାଦେରା ଯେ, “ଆନେଙ୍ଗ୍ ପାଉଲତି ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଆପୋଲନି ଚେଲା ଇନେର୍-ଇନେର୍ ଇନାରା ଆନେଙ୍ଗ୍ କେପା ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଖ୍ରୀଷ୍ଟନି ଚେଲା।”

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 3:22

ହେଦାଙ୍ଗ୍ କାଜିଙ୍ଗ୍ ପାଉଲ ଆୟେନ୍ କି, ଆପୋଲ ଆୟେନ୍ କି, କେପା ଆୟେନ୍ କି, ୱିଜୁ ପୁର୍ତି ଆୟେତ୍ କି, ଜିବୁନ୍ ଆୟେତ୍ କି ମାରାଣ୍। ନଙ୍ଗୟ୍ ଆୟେତ୍ କି ପାଚେ ଆୟେତ୍, ଇ ୱିଜୁ ମିଦାଙ୍ଗ୍,

୧ କରନ୍ତିୟ 3:7

ହେଦାଙ୍ଗ୍ କାଜିଙ୍ଗ୍ ଇମ୍‌ଣି ମାନାୟ୍ ମାର୍ ରୁସ୍ତାନ୍, ଆରେ ଇମ୍‌ଣି ମାନାୟ୍ ହେ ମାର୍‌ତିଙ୍ଗ୍ ଏଜୁଙ୍ଗ୍ ହିନାନା ହେୱାର୍ ମୁକ୍ଯ ଆକାୟ୍। ମାତର୍ ହେ ମାର୍‌ତିଙ୍ଗ୍ ଗାଜାୟ୍ କିନି ଈଶ୍ୱରନେ ମୁକ୍ଯ।

୧ କରନ୍ତିୟ 9:1

ଏପେଙ୍ଗ୍ ପୁଚାଦେର୍‌ନା ଆନେଙ୍ଗ୍ ମା ମାପୃ ଯୀଶୁଙ୍ଗ୍ ନା ଜାର୍ କାଣ୍‍କୁକାଙ୍ଗ୍ ହୁଡ଼୍‌ତାଙ୍ଗ୍‌ନା, ଆରେ ଆନେଙ୍ଗ୍ ତା ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ନା ଇଚା ଅନୁସାରେ ଇନାକା ପା କିଦେଙ୍ଗ୍ ହିତ୍‌ତାନ୍‌ନା। ଆରେ ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାକାନେ ଆନେଙ୍ଗ୍ କାମାୟ୍ କିତି ପାଡ଼୍‌ଲେକେ ମିଙ୍ଗେଙ୍ଗ୍ ହିତ୍‌ତାନ୍।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

୧ ଥେସଲନୀକିୟ 1:5

ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ୱେଚ୍‌ଚିତି ହାର୍ଦିକାବୁର୍ ଆପ୍‌କା କାତା ଆକାୟ୍, ମାତର୍ ପବିତ୍ର ଆତ୍ମା, ଶାକ୍ତି ଆରେ ସତ୍। ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ଏଚେପାଦ୍ନା ମିହୁଦାଙ୍ଗ୍ ମାନ୍‌ଞ୍ଜି ହାର୍ଦିକାବୁର୍ ଶୁଣାୟ୍ କିଜି ମାଚାପ୍। ଆପେଙ୍ଗ୍ ଇନେସ୍‌କିଜି ମିହୁଦାଙ୍ଗ୍ ବ୍ଯବହାର୍ କିଜି ମାଚାପ୍, ହେଦାଙ୍ଗ୍ ସାକି ହିନାତା ଯେ, ଆପେଙ୍ଗ୍ ସତ୍ ହାର୍ଦିକାବୁର୍ ଶୁଣାୟ୍ କିଜି ମାଚାପ୍‌।