୧ କରନ୍ତିୟ 3:10 - New Testament in Pengo Parja Language

¹⁰ ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି କାମାୟ୍ ବୁଦି ହୁଦାଙ୍ଗ୍ କିତାଙ୍ଗ୍‌ନା। ଆନେଙ୍ଗ୍ ମି ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାଙ୍ଗ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଦେଙ୍ଗ୍ ସାଇଜ କିଜି ମାନ୍‌ଞ୍ଚାଙ୍ଗ୍। ତାପାଚେ ଖ୍ରୀଷ୍ଟତି କାମାୟ୍ କିନି ମାନାୟାର୍ ମିତାକେ ୱାଜି ଆପେଙ୍ଗ୍ ଆରମ୍ କିତି କାମାୟ୍‌ତିଙ୍ଗ୍ କିନାରା। ମାତର୍ ଇମ୍‌ଣି ମାନାୟାର୍ ଈଶ୍ୱରତି ସତ୍ ହିକ୍ଷା ହିନାରା ହେୱାର୍ ଜାଗ୍ରତ୍ ଆଜି ହିକାୟ୍ କିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ନାଙ୍ଗେଙ୍ଗ୍‌ ହିୟାଆତ୍‌ତି ଇସ୍ୱର୍ତି ଦୟା ଲାକେ ଆନ୍‌ ରୱାଙ୍ଗ୍‌ ବୁଦିନିକାଂ ଇଲ୍‌ ରଚ୍‌ନାକାଂ ଲାକେ କୁନାଦି ରଚ୍‌ଚାଙ୍ଗ୍‌ନା, ବିନ୍‌ ନିକାନ୍‌ ତା ଜପି ରଚ୍‌ଚାନ୍‌ନା । ମତର୍‌ ୱିଜ଼ାକାର୍‌ ତା ଜପି ଇନେସ୍‌ ଇଚ୍‌ଚାର୍ଣ୍ଣା, ହେ ବିସ୍ରେ ଜାଗ୍ରତ୍‌ ଆୟେନ୍‌ ।

୧ କରନ୍ତିୟ 3:10 Iomraidhean Croise

ମାତିଉ 24:45

ଯୀଶୁ ଆରେରଗ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍‌ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍।

ମାତିଉ 7:24

ଇମ୍‌ଣାକାନ୍ ନା ଲାଗାୟ୍ ୱାଜି ନା କାତା ୱେନାନ୍ ଆରେ ହେ କାତାତିଙ୍ଗ୍ ମାନି କିନାନ୍, ହେୱାନ୍ ରକାନ୍ କାଲ୍‌ଜପି କୁନାଦି କିଜି ଇଲ୍ ଗାଚ୍‌ନି ବୁଦିକାଟି ମାନାୟ୍ ଲେକେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେସ୍‌କି ଆନେଙ୍ଗ୍ ୱେଚ୍‌ଚିତି କାତା ୱିଜୁ ମାନି କିଦେଙ୍ଗ୍ ଆଡ୍‌ନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:8

ହେବେତାଙ୍ଗ୍ ତା ଚେଲାହିରିଙ୍ଗ୍ ଯୀଶୁ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍! ଇନେସ୍‌କି ନା ତର୍‍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟତଙ୍ଗ୍’ ଇଞ୍ଜି ୱେଚ୍‌ଚି କେତ୍‌ଜାଣ୍ ପୁସ୍ରାଇ କିଜି ବିନ୍ ହାଜ୍‌ଦିଙ୍ଗ୍ ଅସାହାଞ୍ଜ୍‍ନାର୍।

ପକ୍ୟାତାକା 18:27

ଆପଲ ଆକାୟା ଜିଲ୍ଲାତାକେ ହାଞ୍ଜେଙ୍ଗ୍ ଇଚା କିତାନ୍, ଲାଗିଙ୍ଗ୍ ଏପିସ ସହର୍‌ତାକେ ମାନି ପାର୍ତିକିନି ଚେଲାହିର୍ ରାଜି ଆତାର୍। ଆରେ ହେୱାର୍ ଆପଲତିଙ୍ଗ୍ କୁକାଟ୍ ଇଞ୍ଜି ହେବେ ମାନି ପାର୍ତିକିନି ଟଣ୍ଡାର୍ ଲାଗାୟ୍ ଚିଟି ଲେକିକିତାର୍‌। ହେୱାନ୍ ହେବେ ଏକିତି ପାଚେ ଈଶ୍ୱର ଦୟାତାଙ୍ଗ୍ ହେବେ ମାନି ପାର୍ତି କିନାକାରିଙ୍ଗ୍ ବେସି ସାଇଜ କିତାନ୍।

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

ରୋମିୟ 15:15

ମାତର୍ ଏପେଙ୍ଗ୍ କେତ୍‌ଗଟା ଜିନିଷ୍‌ତିଙ୍ଗ୍ ମାନ୍ତ ଇଡ଼୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗ୍, ଆରେ ହେ ବିଷୟରେ ଲେକିକିତାଙ୍ଗ୍‌ନା। ଆନେଙ୍ଗ୍ ଇଲେକେ କିତାଙ୍ଗ୍‌ନା, ଇନେସ୍‌କି ଈଶ୍ୱର ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ରୋମିୟ 15:20

ଆନେଙ୍ଗ୍ ନା ମାନ୍ତ ଇ ର ବିଷୟ ଇଚା କିଜି ମାଚାଙ୍ଗ୍ ଯେ, ଇମ୍‌ଣି ବାହାତାକେ ଖ୍ରୀଷ୍ଟ ବିଷୟରେ ୱେଚାର୍ ହେ ବାହାତାକେ ହାଲୁଙ୍ଗ୍, ଇମ୍‌ଣି ବାହାତାକେ ଯୀଶୁ ଖ୍ରୀଷ୍ଟ ବିଷୟରେ ପୁନ୍‌ୱାତାର୍‌ନା ହେ ବାହାତାକେ ହାର୍ଦିକାବୁର୍ ଶୁଣାୟ୍ କିନାଙ୍ଗ୍।

୧ କରନ୍ତିୟ 3:11

ଇନେର୍ ପା ମିଙ୍ଗେଙ୍ଗ୍ ଉଦାର୍ ପାୟା ଆଦେଙ୍ଗ୍ ପୁନି ହିକ୍ଷା ହିକାୟ୍ କିଦ୍‌ମେର୍, ଇନେସ୍‌କି ଆନେଙ୍ଗ୍ ଇମ୍‌ଣି ହିକ୍ଷା ମିଙ୍ଗେଙ୍ଗ୍ ହିତ୍‌ତାଙ୍ଗ୍‌ନା, ହେଦାଙ୍ଗ୍‌ନେ ଉଦାର୍ ପାୟାଆନି ଉପାୟ୍। ଈଶ୍ୱର ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ କିଦ୍‌ନାନ୍।

୧ କରନ୍ତିୟ 9:2

ଯଦି ଜେକନିକାର୍ ନାଙ୍ଗେଙ୍ଗ୍ ମାପୃ ଯୀଶୁ ବାଚି କିତ୍‌ତି ଚେଲାଇଞ୍ଜି ଆସ୍ତିୱିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତାତାଦେର୍। ଇନେସ୍‌କି ଆନେଙ୍ଗ୍ ନେ ମିଙ୍ଗେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍। ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଆନେଙ୍ଗ୍ ତା ବାଚିକିତି ଚେଲା ଆତାଙ୍ଗ୍‌ନା ଇଞ୍ଜି ଚଞ୍ଜିଆ ଆନାତା।

୨ କରନ୍ତିୟ 10:15

ଆସେଙ୍ଗ୍ ଜେକନିକାର୍ କିତି କାମାୟ୍‌ତିଙ୍ଗ୍ ବାଟ୍‌ପାଣ୍ ଆଉପା, ମାତର୍ ତା ବାଦୁଲ୍‌ରେ ଆପେଙ୍ଗ୍ ଆହା କିନାପା ଯେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତିକିୟାଟ୍। ଆରେ ଆପେଙ୍ଗ୍ ମି ବିତ୍ରେ କିତି କାମାୟ୍ ଆଦିକ୍ ବାଡା ଆନାତ୍।

ଏପିସିୟ 2:20

ବାଚିକିତି ଚେଲା ଆରେ ଭବିଷ୍ଯତବକ୍ତା ପାଉଣ୍ଡେସେନ୍, ଆରେ ତା ଜପି ର ଇଲ୍ ରସ୍ତି ଲେକେ ଆସେଙ୍ଗ୍ ଆତାସ୍‌ନା। ଆରେ ଯୀଶୁ ଖ୍ରୀଷ୍ଟ ନିଜେ ହେ ଇଲ୍ କନାନି ମୁଡ଼୍ କାଲ୍।

କଲସିୟ 1:29

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବେସି କଷ୍ଟ କିନାଙ୍ଗା। ଲାଗିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ଆରେ ହେ ବେସି ଶାକ୍ତି ସାଇଜତାଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 4:17

ଆର୍କିପଙ୍ଗ୍ ୱେଚାଟ୍, “ମାପୃ ହିଜି ମାନ୍‌ଞ୍ଚି ହେବା କାମାୟ୍‌ତିଙ୍ଗ୍ ଜାଗ୍ରତ୍ ଆଜି ପୁରା କିୟା।”

୧ ଥେସଲନୀକିୟ 3:2

ମାତର୍ ଆନେଙ୍ଗ୍ ପାଉଲ ତିମତିତିଙ୍ଗ୍ ମିତାକେ ପକ୍ତାତାପ୍। ହେୱାନ୍ ମା ହୁଦାଙ୍ଗ୍ ମାହାଆଜି ଈଶ୍ୱର କାମାୟ୍ କିନାନା, ହେୱାନ୍ ମା ଟଣ୍ଡେନ୍ ଲେକେ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିନାନା। ହେୱାନ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍ ବେସି ପାର୍ତି କିଦେଙ୍ଗ୍ ସାଇଜ କିଦ୍‌ନାନ୍, ଆରେ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାସ୍ ହିଦ୍‌ନାନ୍।

୧ ତିମତି 4:16

ଏନେଙ୍ଗ୍ ଇନାକା ହିକ୍ଷା ହିନାୟା ଆରେ ନି ଚାଲିଚଲନ୍‌ତିଙ୍ଗ୍ ଜାଗ୍ରତ୍ ଆଜି ମାନା। ଇ ୱିଜୁ ବିଷୟରେ ୱିଜୁଦିନ୍ କିଜି ମାନା, ଇନେସ୍‌କି ହେଦାଙ୍ଗ୍ କିତିସ୍ ଈଶ୍ୱର ନିବେତାଙ୍ଗ୍ ନିଙ୍ଗେଙ୍ଗ୍ ଆରେ ନି କାତା ୱେନାକାରିଙ୍ଗ୍ ଦଣ୍ଡ୍‌ତାଙ୍ଗ୍ ଉଦାର୍ କିଦ୍‌ନାନ୍।

୨ ତିମଥି 2:15

ବେସି କଷ୍ଟ କାମାୟ୍ କିନି ମାନାୟ୍ ଇନେସ୍ ତା ଜାର୍ କାମାୟ୍ ବିଷୟରେ ଲାଜ୍‌ ପାୟା ଆତିଲେକେ କାମାୟ୍ କିଉନ୍, ଆରେ ଈଶ୍ୱର ସତ୍ କାତା ଇନେସ୍ ରକାନ୍ ମାନାୟ୍ ଟିକ୍ ବାବ୍‌ରେ ହିକ୍ଷା ହିନାନ୍। ହେଲେକେ ଏପେଙ୍ଗ୍ ପା ଈଶ୍ୱର ଆସ୍ତିତି ଲେକେ କାମାୟ୍ କିୟାଟ୍।

ଜାକ୍‌ବ 3:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ୱିଜାକାଦେର୍ ମାଷ୍ଟେର୍ ଆମାଟ୍। ଇନେସ୍‌କି ପୁଚାଦେର୍‌ନା ଯେ, ଈଶ୍ୱର ମାଷ୍ଟେରାରିଙ୍ଗ୍ ବେସି ଷ୍ଟିଟ୍‌କିଜି ବିଚାର୍ କିନାନ୍।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।

ହତ୍‌ତି 21:14

ହେ ସହର୍‌ନି ବାଉଣ୍ଡ୍ରି ବାରଗଟା କାଲ୍‌କୁକାଙ୍ଗ୍ ପାଉଣ୍ଡେସେନ୍ ଆଜି ମାଚାତ୍, ଆରେ ପାଉଣ୍ଡେସେନ୍ ଜପି ମେଣ୍ଢା ଇନେର୍‌କି ଯୀଶୁ ବାଚିକିତି ଚେଲା ବାରଜାଣ୍ ତର୍‌ ଲେକାଆଜି ମାଚାତ୍।

ହତ୍‌ତି 21:19

ହେ ସହର୍‌ନି ବାଉଣ୍ଡ୍ରିନି ବାରଗଟା ପାଉଣ୍ଡେସେନ୍ ବେସି ଦାମ୍‌ଦି କାଲ୍‌କୁ ହୁଦାଙ୍ଗ୍ ରହ୍‌ୟା ଆଜି ମାଚାତ୍। ହେ କାଲ୍‌କୁ ତର୍‌ ଇଲେକେ, ପାର୍ତୁମ୍‌ନି କାଲ୍ ତର୍‌ ହିରା ମାଚାତ୍, ଦୁଇ ନମ୍ବର୍ ନିଲି କଲର୍ ଦାମ୍‌ଦି କାଲ୍ ମାଚାତ୍, ତିନ୍ ନମ୍ବର୍ କାଲ୍ ପେଜେ ଆକି କଲର୍ ମାଚାତ୍, ଆରେ ଚାରି ନମ୍ବର୍ କାଲ୍ ପେଜେ ଆକି କଲର୍ ମରକତ କାଲ୍ ମାଚାତ୍।