୧ କରନ୍ତିୟ 2:6 - New Testament in Pengo Parja Language

⁶ ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

⁶ ଆତ୍ମିକ୍‌ ବାବ୍ରେ ହେନ୍ତାକାର୍‌ ଲକୁ ବିତ୍ରେ ଗିଆନ୍‌ନି କାତା ଇନାପ୍‌, ମତର୍‌ ହେଦାଂ ଇ ଜୁଗ୍‌ନି ଗିଆନ୍‌ ଆକାୟ୍‌ କି ଇ ଜୁଗ୍‌ନି କୁଟ୍‌ଇନି ମୁଡ଼୍‌ଦାକାର୍‌ତି ଗିଆନ୍‌ ଆକାୟ୍‌,

୧ କରନ୍ତିୟ 2:6 Iomraidhean Croise

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାତିଉ 19:21

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଯଦି ଏନେଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାୟା, ଏନେଙ୍ଗ୍ ହାଲ୍‌ଜି ନିତାଙ୍ଗ୍ ୱିଜେ ଦନ୍ ସମ୍ପତି ପସି ନାସ୍‌କି ନିକାରିଙ୍ଗ୍ ଡାବୁଙ୍ଗ୍ ହିୟା। ଆରେ ନା ପାଚେ ୱା, ଆରେ ଏନେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ମାତିଉ 5:48

ଲାଗିଙ୍ଗ୍ ମି ସରଗ୍‌ନି ଆବା ଇନେସ୍‌କି ହାର୍ ମାନାନ୍, ଏପେଙ୍ଗ୍ ପା ହେଲେକେ ହାର୍ ଆଡୁ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:8

ତାପାଚେ ମାଲିକ୍ ହେ ଅସାଦୁ ମୁନ୍‌ସିତିଙ୍ଗ୍ ଆଶ୍ରିବାଦ୍ କିତାନ୍। ଇନେସ୍‌କି ମୁନ୍‌ସି ଚାତୁର୍ ଆଜି କାମାୟ୍ କିତାନ୍। ହେଲେକେ ଇ ଯୁଗ୍‌ନି କରାପ୍ ମାନାୟାର୍ ଜାର୍ କାମାୟ୍‌ତିଙ୍ଗ୍ ହାର୍ଦି ମାନାୟ୍‌ତାଙ୍ଗ୍ ଆଦିକ୍ ଚାତୁର୍ ଆଜି କାମାୟ୍ କିନାର୍।”

୧ କରନ୍ତିୟ 1:28

ଇ ପୁର୍ତିନି ମାନାୟାର୍ ଇମ୍‌ଣାକାଦିଙ୍ଗ୍ ମୁକ୍ଯ ଇଞ୍ଜି ବାବିକିନାରା, ହେଦାଙ୍ଗ୍ ବେକାର୍ ଇଞ୍ଜି ପୁନିକିଦେଙ୍ଗ୍ ଈଶ୍ୱର ପୁର୍ତିନି ଇମ୍‌ଣି ମାନାୟାରିଙ୍ଗ୍ ଇନସ୍ତା କିନାରା, ହେୱାରିଙ୍ଗ୍ କିଜ୍ରାଇ କିନାରା ଆରେ ବେକାର୍ ଇଞ୍ଜି ୱେଚ୍‌ନାରା ହେୱାରିଙ୍ଗ୍ ବାଚି କିତାନ୍‌ନା।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

୧ କରନ୍ତିୟ 14:20

ଏ ଟଣ୍ଡାର୍‌କାଦେର୍, ଇ ୱିଜୁ ବିଷୟ ବୁଜା ଆଦେଙ୍ଗ୍ ଏପେଙ୍ଗ୍ ହିମ୍‌ଣାଙ୍ଗ୍ ଲେକେ ଆମାଟ୍। ପାପ୍ ବିଷୟରେ ପୁନ୍‌ୱି ହିମ୍‌ଣା ଲେକେ ଆଡ, ମାତର୍ ଇଲେଗ୍‌ଦି ବିଷୟତିଙ୍ଗ୍ ବୁଜା ଆଦେଙ୍ଗ୍ ଗାଜାକାର୍‌ଲେକେ ଆଡ।

୧ କରନ୍ତିୟ 2:1

ହେ ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିତାକେ ଏଚେକାଡ଼୍‌ଦ ୱାଜି ମାଚାଙ୍ଗ୍, ହେପାଦ୍ନା ଆନେଙ୍ଗ୍ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍। ମାତର୍ ଆନେଙ୍ଗ୍ ଜାର୍‌ତିଙ୍ଗ୍ ବେସି ବୁଦିକାଟାକାଙ୍ଗ୍ ଇଞ୍ଜି ଚଚିୟାଆଦେଙ୍ଗ୍ ବାଟ୍‌ପାଣ୍ ଆଜି ଗାଜା-ଗାଜା କାତା ୱେଚ୍‌ଚାୱାଦାଙ୍ଗ୍ ମାନ୍‌ଞ୍ଚାଙ୍ଗ୍।

୧ କରନ୍ତିୟ 2:13

ଆରେ ଆପେଙ୍ଗ୍ ଇ ୱିଜୁ ବିଷୟ ଜେକନିକାରିଙ୍ଗ୍ ୱେଚ୍‌ନାପା, ଆପେଙ୍ଗ୍ ଇ ୱିଜୁ ବିଷୟ ୱେଚ୍‌ନି କାଜିଙ୍ଗ୍ ପୁର୍ତିନି ମାନାୟାର୍ ବୁଦିତାଙ୍ଗ୍ ୱେଚ୍‌ଚି କାତାଲେକେ ୱେଚ୍‌ଚୁପା। ମାତର୍ ମାଙ୍ଗେଙ୍ଗ୍ ପବିତ୍ର ଆତ୍ମା ଇମ୍‌ଣି କାତା ୱେଚ୍‌ଚେଙ୍ଗ୍ ହିତ୍‌ତାନ୍‌ନା, ଆରେ ଆପେଙ୍ଗ୍ ହେ ଆତ୍ମା ସାଇଜତାଙ୍ଗ୍ ସତ୍ ବିଷୟତିଙ୍ଗ୍ ବୁଜାୟ୍ କିନାପା।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

୧ କରନ୍ତିୟ 3:1

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ପବିତ୍ର ଆତ୍ମା ମାଚି ମାନାୟାରିଙ୍ଗ୍ ହିକ୍ଷା ହିତିଲେକେ ହିକ୍ଷା ହିୱାଦାଙ୍ଗ୍ ମାନ୍‌ଚାଙ୍ଗ୍। ମାତର୍ ଇ ପୁର୍ତିନି ମାନାୟାରିଙ୍ଗ୍ ହିକ୍ଷାହିଜି ମାଚିଲେକେ ହିକ୍ଷାହିଜି ମାନ୍‌ଚାଙ୍ଗ୍, ଆରେ ଖ୍ରୀଷ୍ଟତାକେ ପାର୍ତିକିନି ହିରୁ ହିମ୍‌ଣାକାଙ୍ଗ୍ ୱେଚ୍‌ଚିଲେକେ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗା।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

୨ କରନ୍ତିୟ 4:3

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍ ଯଦି ଇନେର୍ କାଜିଙ୍ଗ୍ ପାର୍‌ଦା ଡାବାଇ କିତିଲେକେ କିଲେର୍ ଆକାୟ୍, ଲାଗିଙ୍ଗ୍ ହେଦାଙ୍ଗ୍ ହେୱାର୍ କାଜିଙ୍ଗ୍ ବିନାସ୍ ଆନି ର ଚିନ୍।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

ଏବ୍ରି 5:14

ମାତର୍ ଇମ୍‌ଣାକାନ୍ ଅବ୍ୟାସ୍‌ତାଙ୍ଗ୍ ହାର୍ ଆରେ କରାପ୍‌ତିଙ୍ଗ୍ ଚିନ୍ କିଜି ଜେକ କିଦେଙ୍ଗ୍ ଆଡ୍‌ନାର୍ ଆରେ ଇନାକା ଟିକ୍ ହେଦାଙ୍ଗ୍ କିନାର୍‌, ଇଲେକେ ଗାଜା ମାନାୟାର୍ କାଜିଙ୍ଗ୍ ଆଟ୍‌ୱା କାଦି ଦର୍‌କାର୍।

ଏବ୍ରି 6:1

ଲାଗିଙ୍ଗ୍ ଖ୍ରୀଷ୍ଟ ବିଷୟରେ ଆସେଙ୍ଗ୍ ପାର୍ତୁମ୍ ହିକାଆତି ବିଷୟତିଙ୍ଗ୍ ବାର୍‌ମ୍-ବାରମ୍ ହିକାଆୱାଦାଙ୍ଗ୍, ପାର୍ତିତାଙ୍ଗ୍ ବାଡାଆନି ହିକ୍ଷାତିଙ୍ଗ୍ ହିକାଆନି ଦର୍‌କାର୍। ପାପ୍ କାମାୟ୍ ପିସ୍ତି ଈଶ୍ୱର ଲାଗାୟ୍ ୱାନି ହିକ୍ଷା, ଈଶ୍ୱରତାକେ ପାର୍ତିକିନି ହିକ୍ଷା,

ଜାକ୍‌ବ 3:15

ଈଶ୍ୱର ଇ ଲେକେ ଜ୍ଞାନ୍ ହିଦୁନ୍। ମାତର୍ ଇ ଲେକେ ଜ୍ଞାନ୍ ଇ ପୁର୍ତିନି ମାନାୟ୍, ଲବ୍ରା ମାନାୟ୍ ଆରେ ଶୟତାନ୍‌ତାଙ୍ଗ୍ ୱାନାତ୍।

ଜାକ୍‌ବ 3:2

ଇନେସ୍‌କି ଆପେଙ୍ଗ୍ ୱିଜାକାପ୍ ଇମ୍‌ଣି ବିଷୟରେ ପା ବୁଲ୍ କିଜି ମାନାପା। ମାତର୍ ଇନେର୍ ଯଦି ୱେଚ୍‌ନି କାତାତାଙ୍ଗ୍ ବୁଲ୍ କିଉନ୍, ଲାଗିଙ୍ଗ୍ ହେୱାନ୍ ଟିକ୍ ମାନାୟ୍। ଆରେ ହେୱାନ୍ ତା ୱିଜୁ କାମାୟ୍‌ତିଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ଆଡ୍‌ନାନ୍।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।