୧ କରନ୍ତିୟ 2:12 - New Testament in Pengo Parja Language

¹² ଲାଗିଙ୍ଗ୍ ଆପେଙ୍ଗ୍ ଇ ପୁର୍ତିନି ମାନାୟାର୍ ବାବିକିନି ଲେକେ କି ବୁଜାଆନିଲେକେ ବୁଜାଆଉପା। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପା ଯେ, ଈଶ୍ୱର ତା ପବିତ୍ର ଆତ୍ମା ମାଙ୍ଗେଙ୍ଗ୍ ଦୟାକିଜି ଚାନିଆଆନି ବିଷୟ ବୁଜା ଆଦେଙ୍ଗ୍ ଉପ୍‌କା ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹² ଇନେସ୍‌କି ଇସ୍ୱର୍ତି ହୁଦାଂ ମା ଉପ୍‌କାର୍‌ତ ହିଦ୍ୟାତି ବିସ୍ରେନିକିଂ ଆପେଂ ପୁଞ୍ଜେଙ୍ଗ୍‌ ଆଡ୍‌ନାପ୍‌, ଇଦାଂ କାଜିଂ ଆପେଂ ପୁର୍ତିନି ଜିବୁନ୍‌ ଗାଟାୱାଦାଂ ଇସ୍ୱର୍ତି ଜିବୁନ୍‌ ପାୟାତାପ୍‌ନା ।”

୧ କରନ୍ତିୟ 2:12 Iomraidhean Croise

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

୧ କରନ୍ତିୟ 1:27

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇ ପୁର୍ତିନି ବୁଦିକାଟି ମାନାୟାରିଙ୍ଗ୍ ଲାଜ୍ କିଦେଙ୍ଗ୍, ବକୁୱା ମାନାୟାରିଙ୍ଗ୍ ବାଚି କିତାନ୍‌ନା। ଆରେ ହେୱାନ୍ ଶାକ୍ତି ମାନାକାରିଙ୍ଗ୍ ଲାଜ୍ କିଦେଙ୍ଗ୍ ଶାକ୍ତି ହିଲାକାରିଙ୍ଗ୍ ବାଚି କିତାନ୍‌ନା।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

୧ କରନ୍ତିୟ 3:22

ହେଦାଙ୍ଗ୍ କାଜିଙ୍ଗ୍ ପାଉଲ ଆୟେନ୍ କି, ଆପୋଲ ଆୟେନ୍ କି, କେପା ଆୟେନ୍ କି, ୱିଜୁ ପୁର୍ତି ଆୟେତ୍ କି, ଜିବୁନ୍ ଆୟେତ୍ କି ମାରାଣ୍। ନଙ୍ଗୟ୍ ଆୟେତ୍ କି ପାଚେ ଆୟେତ୍, ଇ ୱିଜୁ ମିଦାଙ୍ଗ୍,

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଜାକ୍‌ବ 4:5

ଦରମ୍ ସାସ୍ତର୍‌ତାକେ ଲେକେଆତି ଇ ବିଷୟତିଙ୍ଗ୍ ଏପେଙ୍ଗ୍ ବୁଲ୍ ଇଞ୍ଜି ବାବିକିନାଦେରା କି?, ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ପବିତ୍ର ଆତ୍ମାତିଙ୍ଗ୍ ମା ବିତ୍ରେ ବାହା କିଦେଙ୍ଗ୍ ହିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ପୁରା ଆଦିକାର୍ କିଦେଙ୍ଗ୍ ର ମାନ୍ କିତାନ୍‌ନା।”

୧ ଯୋହନ 2:20

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍। ଇନେସ୍‌କି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ଏପେଙ୍ଗ୍ ସତ୍‌ତିଙ୍ଗ୍ ପୁଚାଦେର୍‌ନା।

୧ ଯୋହନ 2:27

ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 22:6

ତାପାଚେ ହେ ଦୁତ୍‌କୁକାଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ୱେଚ୍‌ଚିତି ଇ ୱିଜୁ କାତା ପାର୍ତି କିୟାଆନାତ୍ ଆରେ ସତ୍, ଇନେସ୍‌କି ହେୱାନ୍ ତା ଦାସ୍ ଭବିଷ୍ଯତବକ୍ତାରିଙ୍ଗ୍ ପୁନିକିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଈଶ୍ୱର ତା ଦାସ୍ ଯୋହନତିଙ୍ଗ୍ ଇ ୱିଜୁ ବିଷୟ ଚଚ୍‌ନି କାଜିଙ୍ଗ୍ ହେୱାନ୍ ତା ଦୁତ୍‌ତିଙ୍ଗ୍ ପକ୍ତାତାନ୍।