୧ କରନ୍ତିୟ 2:1 - New Testament in Pengo Parja Language

¹ ହେ ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିତାକେ ଏଚେକାଡ଼୍‌ଦ ୱାଜି ମାଚାଙ୍ଗ୍, ହେପାଦ୍ନା ଆନେଙ୍ଗ୍ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍। ମାତର୍ ଆନେଙ୍ଗ୍ ଜାର୍‌ତିଙ୍ଗ୍ ବେସି ବୁଦିକାଟାକାଙ୍ଗ୍ ଇଞ୍ଜି ଚଚିୟାଆଦେଙ୍ଗ୍ ବାଟ୍‌ପାଣ୍ ଆଜି ଗାଜା-ଗାଜା କାତା ୱେଚ୍‌ଚାୱାଦାଙ୍ଗ୍ ମାନ୍‌ଞ୍ଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹ ଲାଗିଂ, ଏ ଟଣ୍ଡାର୍‌, ଆରି ତଣ୍‌ଦେକାଦେର୍‌ ଏଚେକାଡ଼୍‌ଦ ଆନ୍‌ ମି ତାକେ ୱାଜ଼ି ମାଚାଙ୍ଗ୍‌, ହେ ପାଦ୍‌ନା ଇସ୍ୱର୍ତି ହାତ୍‌ପା ବଚନ୍‌ ଇଞ୍ଜିମାଚାଂ କି ଗିଆନ୍‌ନି ହାର୍‌ଦାକା ଲାହାଙ୍ଗ୍‌ ଜେ ମି ତାକେ ସୁଣାୟ୍‌ କିଜ଼ି ମାଚାଙ୍ଗ୍‌, ହେଦାଂ ଆକାୟ୍‌ ।

୧ କରନ୍ତିୟ 2:1 Iomraidhean Croise

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 22:18

ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ଡେରି କିୱାଦାଙ୍ଗ୍ ବେଗି ଯିରୁଶାଲାମ ସହର୍‌ତାଙ୍ଗ୍ ହସିହାଲା। ଇନେସ୍‌କି ଇବେ ମାନି ମାନାୟାର୍ ନା ବିଷୟରେ ନି କାତା ୱେନୁର୍।’

ରୋମିୟ 16:18

ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

୧ କରନ୍ତିୟ 1:17

ଇନେସ୍‌କି ଖ୍ରୀଷ୍ଟ ନାଙ୍ଗେଙ୍ଗ୍ ଡୁବନ୍ ହିଦେଙ୍ଗ୍ ପକ୍ତାୱାତାନ୍‌ନା, ମାତର୍ ହାର୍ଦିକାବୁର୍ ୱେଚ୍‌ଚେଙ୍ଗ୍ ପକ୍ତାତାନ୍‌ନା। ଆନେଙ୍ଗ୍ ନା ଜ୍ଞାନ୍ ଅନୁସାରେ ହାର୍ଦିକାବୁର୍ ଶୁଣାୟ୍ କିଉଙ୍ଗା, ଯଦି ହେଲେକେ କିତାଙ୍ଗ୍‌ମା ମାନାୟାର୍ ନା ଜ୍ଞାନ୍‌ତିଙ୍ଗ୍ ପାର୍ତି କିତାର୍‌ମା, ଆରେ ହେୱାର୍ ଖ୍ରୀଷ୍ଟ କୃଶକାଟ୍‌ତାକେ ହାଃତି ଶାକ୍ତିତିଙ୍ଗ୍ ପୁନ୍‌ୱାତାର୍‌ମା।

୧ କରନ୍ତିୟ 1:6

ଏପେଙ୍ଗ୍ ଈଶ୍ୱରତାଙ୍ଗ୍ ଇମ୍‌ଣି ଆଶ୍ରିବାଦ୍ ପାୟା ଆତାଦେର୍‌ନା, ହେଦାଙ୍ଗ୍ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ସତ୍ ଇଞ୍ଜି ପୁନିକିନାତା।

୧ କରନ୍ତିୟ 2:13

ଆରେ ଆପେଙ୍ଗ୍ ଇ ୱିଜୁ ବିଷୟ ଜେକନିକାରିଙ୍ଗ୍ ୱେଚ୍‌ନାପା, ଆପେଙ୍ଗ୍ ଇ ୱିଜୁ ବିଷୟ ୱେଚ୍‌ନି କାଜିଙ୍ଗ୍ ପୁର୍ତିନି ମାନାୟାର୍ ବୁଦିତାଙ୍ଗ୍ ୱେଚ୍‌ଚି କାତାଲେକେ ୱେଚ୍‌ଚୁପା। ମାତର୍ ମାଙ୍ଗେଙ୍ଗ୍ ପବିତ୍ର ଆତ୍ମା ଇମ୍‌ଣି କାତା ୱେଚ୍‌ଚେଙ୍ଗ୍ ହିତ୍‌ତାନ୍‌ନା, ଆରେ ଆପେଙ୍ଗ୍ ହେ ଆତ୍ମା ସାଇଜତାଙ୍ଗ୍ ସତ୍ ବିଷୟତିଙ୍ଗ୍ ବୁଜାୟ୍ କିନାପା।

୧ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଏଚେପାଦ୍ନା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆନେଙ୍ଗ୍ ଜେକନିକାର୍ ଲେକେ ମାନାୟାର୍ ବୁଦିନି ହିକ୍ଷା ଆରେ ଚାଲାକି ହୁଦାଙ୍ଗ୍ କାତା ୱେଚ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ପବିତ୍ର ଆତ୍ମା ମି ବିତ୍ରେ ମାନ୍‌ଞ୍ଜି ଶାକ୍ତିତାଙ୍ଗ୍ ପୁନି କିତ୍‌ତାତ୍ ଯେ, ଆନେଙ୍ଗ୍ ୱେଚ୍‌ଚି ହାର୍ଦିକାବୁର୍ ସତ୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

୨ କରନ୍ତିୟ 10:10

ଇନେସ୍‌କି କେତ୍‌ଜାଣ୍ ଇନାରା, ତା ଚିଟି ୱିଜୁ ତା ଆଦେସ୍ ଆରେ ନନାକା ଲେକେ, ମାତର୍ ହେୱାନ୍ ବେସି ଦୁର୍‌ବଲ୍ ଆରେ କାତା ୱିଜୁ ବେକାର୍।

୨ କରନ୍ତିୟ 11:6

ଆନେଙ୍ଗ୍ ହେୱାର୍ ଲେକେ ଚାଲାକି ହୁଦାଙ୍ଗ୍ ମିଚ୍ ହିକ୍ଷା ମିଙ୍ଗେଙ୍ଗ୍ ହିଦୁଙ୍ଗା, ମାତର୍ ନାଙ୍ଗେଙ୍ଗ୍ ବୁଦି ମାନାତ୍। ଆନେଙ୍ଗ୍ ମିଙ୍ଗେଙ୍ଗ୍ କେତେହଟ୍ ଇ ବିଷୟରେ କିଲେର୍ କିଜି ପୁନି କିଜି ମାନ୍‌ଞ୍ଚାଙ୍ଗ୍।

୨ ଥେସଲନୀକିୟ 1:10

ଏଚେପାଦ୍ନା ମାପୃ ଯୀଶୁ ତା ପବିତ୍ର ମାନାୟାର୍‌ତାଙ୍ଗ୍ ଗୌରବ ଆରେ ସନ୍‌ମାନ୍ ପାୟା ଆଦେଙ୍ଗ୍ ଆରେରଗ ପୁର୍ତିତାକେ ୱାନାନ୍। ଆରେ ହେୱାନ୍ ସନ୍‌ମାନ୍ ପାୟାଆନି ନାଞ୍ଜିଙ୍ଗ୍, ହେବେ ଏପେଙ୍ଗ୍ ପା ମାନାଦେର୍, ଇନେସ୍‌କି ଆପେଙ୍ଗ୍ ତା ବିଷୟରେ ୱେଚ୍‌ଚିତିଲେ ପାର୍ତି କିତାଦେର୍।

୧ ତିମତି 1:11

ଇ ହିକ୍ଷା ଆଶ୍ରିବାଦ୍ ହିଦ୍‌ନି ଈଶ୍ୱରତାଙ୍ଗ୍ ଆରେ ଗୌରବନି ହାର୍ଦିକାବୁର୍‌ତାଙ୍ଗ୍‌ ଆନାତ୍। ହେ ହାର୍ଦିକାବୁର୍ ଜେକନିକାରିଙ୍ଗ୍ ୱେଚ୍‌ଚେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୧ ଯୋହନ 4:14

ଆବା ଈଶ୍ୱର ତା ମେହି ଯୀଶୁଙ୍ଗ୍ ପୁର୍ତିନି ମାନାୟାରିଙ୍ଗ୍ ଉଦାର୍ କିଦ୍‌ଦେଙ୍ଗ୍ ପକ୍ତାତାନ୍‌ନା। ଇଦାଙ୍ଗ୍ ଆପେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼ତାପ୍‌ନା, ଆରେ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାପା।

ହତ୍‌ତି 1:2

ଲାଗିଙ୍ଗ୍ ହେ ଯୋହନ ଈଶ୍ୱର ୱେଚ୍‌ଚି ୱିଜୁ କାତା ଆରେ ଯୀଶୁ ଖ୍ରୀଷ୍ଟ ୱେଚ୍‌ଚି ୱିଜୁ କାତା ଆରେ ହେୱାନ୍ ହୁଡ଼୍‌ତି ୱିଜୁ ବିଷୟତିଙ୍ଗ୍ ଇ ବହିତାକେ ଲେକିକିତାନ୍‌ନା।”

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”