୧ କରନ୍ତିୟ 16:3 - New Testament in Pengo Parja Language

³ ଆନେଙ୍ଗ୍ ଏଚେପାଦ୍ନା ୱାନାଙ୍ଗ୍, ଯିରୁଶାଲାମନି ପାର୍ତିକିନି ଟଣ୍ଡାର୍ କାଜିଙ୍ଗ୍ ଏପେଙ୍ଗ୍ ବାଚିକିତି ମାନାୟାର୍ ବିଷୟରେ ଚିଟିତାକେ ଲେକିକିଜି ପକ୍‍ନାଙ୍ଗ୍। ଆରେ ହେୱାର୍ ଏପେଙ୍ଗ୍ ରୁଣ୍ଡାୟ୍ କିତି ଡାବୁକାଙ୍ଗ୍ ଯିରୁଶାଲାମ୍‌ନି ପାର୍ତିକିନି ଟଣ୍ଡାରିଙ୍ଗ୍ ଅସିହିନାର୍‌।

ସତ୍‌ ବଚନ୍‌ ପୁନି ନିୟମ୍‌

³ ଆରେ, ଆନ୍‌ ଏକିତିସ୍‌ ଏପେଙ୍ଗ୍‌ ଇମ୍‌ଣାକାରିଂ ଜଗ୍‌ ମାନେ କିନାଦେର୍‌, ଆନ୍‌ ହେୱାରିଂ ଗଜା ହିଜ଼ି ଜିରୁସାଲମ୍‌ତ ମିଙ୍ଗେଙ୍ଗ୍‌ ଦାନ୍‌ ଅନି କାଜିଂ ପକ୍ତାନାଂ;

୧ କରନ୍ତିୟ 16:3 Iomraidhean Croise

୧ କରନ୍ତିୟ 11:34

ଯଦି ମିଙ୍ଗେଙ୍ଗ୍ ନାସ୍‌କି କିଦ୍‌ନାତା, ମିଞ୍ଜ ଉଣାଟ୍। ଲାଗିଙ୍ଗ୍ ଏଚେପାଦ୍ନା ଏପେଙ୍ଗ୍ ର ବାହାତାକେ ରୁଣ୍ଡା ଆନାଦେର୍, ଏପେଙ୍ଗ୍ ହାର୍ କିଜି ବ୍ଯବହାର୍ କିନାଦେର୍ ଆରେ ଈଶ୍ୱର ମିଙ୍ଗେଙ୍ଗ୍ ବିଚାର୍ କିଦ୍‌ମେନ୍। ଆନେଙ୍ଗ୍ ମି ଲାଗେ ୱାତି ପାଚେ ଜେକନି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍।

୧ କରନ୍ତିୟ 16:4

ଆରେ, ଏପେଙ୍ଗ୍ ଯଦି ଇଚା କିନାଦେର୍ ଆନେଙ୍ଗ୍ ପା ହାନାକା ହାର୍, ଲାଗିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ହାନାଙ୍ଗ୍।

୨ କରନ୍ତିୟ 3:1

ଆପେଙ୍ଗ୍ ଅରେରଗ ମି କାଜିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ହାର୍ଦି ମାନାୟ୍ ଇଞ୍ଜି ଚଞ୍ଜି ଆଉପା। ଇନେସ୍‌କି କେତେକ୍ ମାନାୟ୍ ମାନାର୍ ହେୱାର୍ ନିଜେ ହାର୍ ଇଞ୍ଜି ଚଞ୍ଜିଆନି କାଜିଙ୍ଗ୍ ଚିଟି ଆସ୍ତି ୱାନାର୍, ନଇଲେ ହେୱାର୍ କେତେକ୍ ହାର୍ ଇଞ୍ଜି ଜାର୍‌ତିଙ୍ଗ୍ ପୁନିକିଦେଙ୍ଗ୍ ମିଙ୍ଗେଙ୍ଗ୍ ଚିଟି ଲେକିକିଦେଙ୍ଗ୍ ୱେଚ୍‌ଚାନାର୍।

୨ କରନ୍ତିୟ 8:4

ଯିରୁଶାଲାମ୍ ସହର୍‌ନି ପାର୍ତିକିନି ମାନାୟାରିଙ୍ଗ୍ ଡାବୁଙ୍ଗ୍ ହିଜି ସାଇଜ କିନି ମାନାୟାର୍ ହୁଦାଙ୍ଗ୍ ମାହାଆଜି ଡାବୁଙ୍ଗ୍ ହିଜି ସାଇଜ କିନି କାଜିଙ୍ଗ୍ ହେୱାର୍ ମାଙ୍ଗେଙ୍ଗ୍ ବାରମ୍-ବାରମ୍ ଗୁୱାରି କିଜି ମାନ୍‌ଞ୍ଚାର୍।

୨ କରନ୍ତିୟ 8:6

ଲାଗିଙ୍ଗ୍ ଆପେଙ୍ଗ୍ ମା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ତିତସତିଙ୍ଗ୍ ଗୁୱାରି କିଜି ୱେଚ୍‌ଚାପ୍ ଯେ, ମିଙ୍ଗେଙ୍ଗ୍ ପାର୍ତୁମ୍ ଡାବୁଙ୍ଗ୍ ଅରାୟ୍ କିଦେଙ୍ଗ୍ ସାଇଜ କିଜି ମାନ୍‌ଞ୍ଚାନ୍। ହେୱାନ୍ ମିତାକେ ଆରେରଗ ଲେଉଟା ଆଜି ୱାଜି, ଏପେଙ୍ଗ୍ ଡାବୁଙ୍ଗ୍ ଅରାୟ୍ କିଦେଙ୍ଗ୍ ହେବା ପୁରାୟ୍ କିନି କାଜିଙ୍ଗ୍ ସାଇଜ କିଦେନ୍।