୧ କରନ୍ତିୟ 16:1 - New Testament in Pengo Parja Language

¹ ଯିରୁଶାଲୋମନି ଈଶ୍ୱର ମାନାୟାର୍ କାଜିଙ୍ଗ୍ ଏପେଙ୍ଗ୍ ରୁଣ୍ଡାୟ୍ କିତି ବିଷୟରେ ଇମ୍‌ଣି ପ୍ରଶ୍ନ କିଜି ମାଚାଦେର୍, ହେ ବିଷୟରେ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍। ଏପେଙ୍ଗ୍ ଗାଲାତିୟ ମଣ୍ଡ୍‌ଲିନି ମାନାୟାର୍ କିତିଲେକେ କିୟାଟ୍, ଇନେସ୍ ଆନେଙ୍ଗ୍ ହେୱାରିଙ୍ଗ୍ କିଦେଙ୍ଗ୍ ୱେଚ୍‌ଚି ମାଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹ ପୁଇପୁୟାର୍‌ କାଜିଂ ଦାନ୍‌ ରୁଣ୍ଡାଇକିନି ବିସ୍ରେ ଇନେସ୍‌କି ଆନ୍‌ ଗାଲାତିଆନି ବାଟାତ ମାନି ମଣ୍ଡ୍‌ଲିଂ ବଲ୍‌ ହିନାଙ୍ଗା, ଏପେଙ୍ଗ୍‌ ପା ହେ ଲାକେ କିୟାଟ୍‌ ।

୧ କରନ୍ତିୟ 16:1 Iomraidhean Croise

ପକ୍ୟାତାକା 11:28

ହେୱାର୍ ବିତ୍ରେତାଙ୍ଗ୍ ଆଗାବ ତର୍‍ଦାକାନ୍ ରକାନ୍ ଭବିଷ୍ଯତବକ୍ତା ନିଙ୍ଗ୍‌ତାନ୍ ଆରେ ଈଶ୍ୱର ଆତ୍ମାତାଙ୍ଗ୍ ପୁରାଆଜି ୱେଚ୍‌ଚାନ୍, “ପୁର୍ତିନି ଚାରିବେଣ୍‌ତାଙ୍ଗ୍ ଗାଜା ମାର୍‌ଡି ଆନାତ୍।” କ୍ଲାଉଦିଅ ତର୍‍ଦାଙ୍ଗ୍ ରକାନ୍ ରାଜା ମାନିହିଙ୍ଗ୍ ଇ ମାର୍‌ଡି ଆଜି ମାଚାତ୍।

ପକ୍ୟାତାକା 11:30

ଆରେ ହେୱାର୍ ଡାବୁଙ୍ଗ୍ ଇସ୍‌ପାତାର୍। ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ପ୍ରାଚିନାରିଙ୍ଗ୍ ହିଦେଙ୍ଗ୍ ବର୍ଣ୍ଣବା ଆରେ ଶାଉଲ କେଇଦ ହେ ଡାବୁଙ୍ଗ୍ ହିତାର୍।

ପକ୍ୟାତାକା 16:6

ପବିତ୍ର ଆତ୍ମା ପାଉଲ ଆରେ ତା ହାଙ୍ଗ୍‌ଦାକାରିଙ୍ଗ୍ ଏସିଆ ଜିଲ୍ଲାତାକେ ଈଶ୍ୱର କାତା ଶୁଣାୟ୍ କିଦେଙ୍ଗ୍ ମୁନା କିତାତ୍। ଲାଗିଙ୍ଗ୍ ହେୱାର୍ ଫ୍ରୁଗିଆ ଆରେ ଗାଲାତିୟ ଜିଲ୍ଲା ନିପଣ୍ ଆଜି ହାଚାର୍।

ପକ୍ୟାତାକା 18:23

ହେ ବାହାତାକେ କେତେକ୍ ସମୟ୍ ମାଚାନ୍, ଆରେ ହେ ବାହାତାଙ୍ଗ୍ ହସିହାଲ୍‍ଜି ଗାଲାତିୟ ଆରେ ଫ୍ରୁଗିଆ ଜିଲ୍ଲାନି କେତେକ୍ ବାହାତାକେ ହାଚାନ୍। ଆରେ ପାର୍ତିକିନି ଚେଲାହିରିଙ୍ଗ୍ ସାହାସ୍‌ନି କାତା ୱେଚ୍‌ଚି, ହେୱାରିଙ୍ଗ୍ ଯୀଶୁତାକେ ପାର୍ତି କିଜି ମାଞ୍ଜେଙ୍ଗ୍ ୱେଚ୍‌ଚାନ୍।

ପକ୍ୟାତାକା 24:17

ଆନେଙ୍ଗ୍ କେତେକ୍ ବାର୍ହୁ ପାଚେ ନା ଜାତିନି ଗରିବ୍ ଲକାଙ୍ଗ୍ ଦାନ୍ ହିଦେଙ୍ଗ୍, ଆରେ ଈଶ୍ୱରତାକେ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜି ମାଚାଙ୍ଗ୍।

ପକ୍ୟାତାକା 9:13

ମାତର୍ ହନନିୟ ୱେଚ୍‌ଚାନ୍, “ମାପୃ, ନିବେ ପାର୍ତି କିଜି ଯିରୁଶାଲାମ ସହର୍‌ତାକେ ମାନି ମାନାୟାରିଙ୍ଗ୍ ବେସି ଦୁକ୍‌କଷ୍ଟ ହିତାନ୍‌ନା।

ପକ୍ୟାତାକା 9:41

ପିତର କେଇ ଆସ୍ତି ହେଦେଲିଙ୍ଗ୍ ନିକ୍ତାନ୍, ଆରେ ପାର୍ତି କିନାକାରିଙ୍ଗ୍ ଆରେ ରାଣ୍ଡି କଗ୍‍ଲେକାଙ୍ଗ୍ କୁକ୍‌ଚି ଜିବୁନ୍ କିଜି ଚଚ୍‌ଚାନ୍।

ରୋମିୟ 12:13

ଏପେଙ୍ଗ୍ ଦରମ୍ ମାନାୟାରିଙ୍ଗ୍ ଦର୍‌କାର୍‌ଆନି ଜିନିଷ୍ କାଜିଙ୍ଗ୍ ସାଇଜ କିୟାଟ୍। ଆରେ ଗତାଙ୍ଗ୍ ମିଞ୍ଜ ୱାତିସ୍, ହେୱାରିଙ୍ଗ୍ ହେବା କିୟାଟ୍।

୧ କରନ୍ତିୟ 11:34

ଯଦି ମିଙ୍ଗେଙ୍ଗ୍ ନାସ୍‌କି କିଦ୍‌ନାତା, ମିଞ୍ଜ ଉଣାଟ୍। ଲାଗିଙ୍ଗ୍ ଏଚେପାଦ୍ନା ଏପେଙ୍ଗ୍ ର ବାହାତାକେ ରୁଣ୍ଡା ଆନାଦେର୍, ଏପେଙ୍ଗ୍ ହାର୍ କିଜି ବ୍ଯବହାର୍ କିନାଦେର୍ ଆରେ ଈଶ୍ୱର ମିଙ୍ଗେଙ୍ଗ୍ ବିଚାର୍ କିଦ୍‌ମେନ୍। ଆନେଙ୍ଗ୍ ମି ଲାଗେ ୱାତି ପାଚେ ଜେକନି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍।

୧ କରନ୍ତିୟ 16:15

ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆକାୟା ସହର୍‌ନି ସ୍ତିପାନ ଆରେ ତା କୁଟୁମ୍‌ନି ପାର୍ତୁମ୍ ପାର୍ତି କିତାର୍ ଆରେ ହେୱାର୍ ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଜିବୁନ୍ କାଟିକିନାରା।

୧ କରନ୍ତିୟ 4:17

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ଲାଗେ ତିମତିଙ୍ଗ୍ ପକ୍ତାନାଙ୍ଗା। ହେୱାନ୍ ନା ମାଜି ଲେକେ ତାଙ୍ଗେଙ୍ଗ୍ ଆନେଙ୍ଗ୍ ଲାଡ୍ କିନାଙ୍ଗା, ଆରେ ମାପୃ ତାଙ୍ଗେଙ୍ଗ୍ ଇନାକା ୱେଚ୍‌ନାତ୍‌ ହେଦାଙ୍ଗ୍ ହେୱାନ୍ କିନାନା। ଆନେଙ୍ଗ୍ ୱିଜୁ ମଣ୍ଡ୍‌ଲିତାକେ ଇନାକା ଯୀଶୁ ଖ୍ରୀଷ୍ଟ ବିଷୟରେ ହିକାୟ୍ କିନାଙ୍ଗା, ହେଦାଙ୍ଗ୍ ହେୱାନ୍ ମିଙ୍ଗେଙ୍ଗ୍ ମନେ ପକାୟ୍ କିଜି ହିଦ୍‌ନାନ୍।

ଗାଲାତିୟ 1:2

ନା ହୁଦାଙ୍ଗ୍ ମାନି ଟଣ୍ଡାର୍ ହୁଦାଙ୍ଗ୍ ଆନେଙ୍ଗ୍ ଇ ଚିଟି ଗାଲାତିୟ ଜିଲ୍ଲାତାକେ ମାନି ମଣ୍ଡ୍‌ଲିତିଙ୍ଗ୍ ପକ୍‌ନାଙ୍ଗା।

ଗାଲାତିୟ 2:10

ଯିରୁଶାଲାମ ସହର୍‌ତାକେ ମାନି ଗରିବ୍ ପାର୍ତିକିନି ଟଣ୍ଡାରିଙ୍ଗ୍ ସାଇଜ କିନି ବିଷୟରେ ନେ ହେୱାର୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତାର୍, ହେଦାଙ୍ଗ୍ କିନି କାଜିଙ୍ଗ୍ ଆନେଙ୍ଗ୍ ପା ବେସି ଇଚା କିଜି ମାଚାଙ୍ଗ୍।

ଫିଲୀମୋନ 1:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱିଜୁଦିନ୍ ନି କାଜିଙ୍ଗ୍ ପାର୍ତାନା କିଜି ଈଶ୍ୱରତିଙ୍ଗ୍ ଦନ୍ଯବାଦ୍ କିନାଙ୍ଗା।

ଫିଲୀମୋନ 1:7

ଇନେସ୍‌କି ଏନେଙ୍ଗ୍ ଜେକନିକାରିଙ୍ଗ୍ ଲାଡ୍ କିତି କାଜିଙ୍ଗ୍ ଆନେଙ୍ଗ୍ ବେସି ୱାରି ଆରେ ସାହାସ୍ ପାୟାଆତାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡେନ୍ ଏନେଙ୍ଗ୍ ଈଶ୍ୱର ମାନାୟାରିଙ୍ଗ୍ ସାହାସ୍ କିତାଇନା।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

୧ ଯୋହନ 3:17

ମାତର୍ ର ହାଉକାର୍ ମାନାୟ୍ ପାର୍ତିକିନି ଟଣ୍ଡାହିଙ୍ଗ୍ ଗରିବ୍ ଆଜି ମାନାକା ହୁଡ଼୍‌ଜି ପା ସାଇଜ କିଉନ୍, ଲାଗିଙ୍ଗ୍ ତାବେ ଈଶ୍ୱରତି ଲାଡ୍ ହିଲୁତ୍।