୧ କରନ୍ତିୟ 13:8 - New Testament in Pengo Parja Language

⁸ ଲାଡ୍ ଇନାୱେଡ଼ାଙ୍ଗ୍ ପା ୱିଜୁତ୍, ମାତର୍ ଈଶ୍ୱର କାତା ୱେଚ୍‌ନି-ୱେଚ୍‌ନି ଦାନ୍, ପୁନ୍‌ୱିତି ବାଷାତାକେ ୱେଚ୍‌ନି ଦାନ୍ ଆରେ ଈଶ୍ୱର ବିଷୟରେ ବେସି ପୁନି ଜ୍ଞାନ୍ ସେସ୍ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

⁸ ଜିଉନନାକା ମୁଡ଼େ ୱିଜ଼ୁତ୍‌; ମତର୍‌ ଜଦି ଇସ୍ୱର୍‌ ତାଙ୍ଗ୍‌ କାବୁର୍‌ ସୁଣାୟ୍‌ କିନି ସାକ୍ତି ମାନାତ୍‌, ହେଦାଂ ବୁଡାନାତ୍‌, ଜଦି ଲକାର୍‌ ବାସା ମାଚିସ୍‌, ହେ ସବୁ ଚିମ୍ରାନାତ୍, ଜଦି ଗିୟାନ୍‍ ମାଚିସ୍‌, ହେଦାଂ ବୁଡା ଆନାତ୍‌ ।

୧ କରନ୍ତିୟ 13:8 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:32

ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଜି ମାଞ୍ଜାଟ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ଏପେଙ୍ଗ୍ ୱିଜୁ ପାପ୍ କାମାୟ୍ ପିସ୍ତି ମାପୃତାକେ ୱାତି ପାଚେ ମି ଟଣ୍ଡାରିଙ୍ଗ୍ ନା ଜପି ପାର୍ତି କିଦେଙ୍ଗ୍ ୱେଚାଟ୍।”

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 19:6

ଆରେ ପାଉଲ ହେୱାର୍ ଜପି କେଇ ଇଡ଼୍‌ଜି ପାର୍ତାନା କିତାନ୍। ଲାଗିଙ୍ଗ୍ ହେୱାର୍ ଜପି ପବିତ୍ର ଆତ୍ମା ୱାତାତ୍। ଆରେ ହେୱାର୍ ବାରବିନି ବାଷାତାଙ୍ଗ୍ ବେଣ୍ କିତାର୍ ଆରେ ଈଶ୍ୱର କାତା ପା ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 2:4

ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରାଆତାର୍, ଆରେ ଈଶ୍ୱରଆତ୍ମା ଇନେସ୍ ହେୱାରିଙ୍ଗ୍ ୱେଚ୍‌ଚେଙ୍ଗ୍ ସାଇଜ କିତାତ୍, ହେୱାର୍ ବିନ୍-ବିନ୍ ବାଷାତାକେ ୱେଚ୍‌ଚେଙ୍ଗ୍ ଲାଗାତାର୍।

୧ କରନ୍ତିୟ 12:10

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଚାନିଆଆନି କାମାୟ୍ କିନି ଶାକ୍ତି ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଈଶ୍ୱରତି କାତା ୱେଚ୍‌ଚେଙ୍ଗ୍ ଶାକ୍ତି ହିତାତ୍‌ନା। ହେ ପବିତ୍ର ଆତ୍ମା ଜେକନିକାରିଙ୍ଗ୍ ଈଶ୍ୱର ତା ପବିତ୍ର ଆତ୍ମା ପାୟାଆତାନ୍‌ନା କି, ଶୟତାନନି ଆତ୍ମା ପାୟା ଇଞ୍ଜି ପୁଞ୍ଜେଙ୍ଗ୍ ଶାକ୍ତି ହିନାନ୍। ଆରେ ପା ଜେକନିକାରିଙ୍ଗ୍ ପୁନ୍‌ୱି ବାଷାତିଙ୍ଗ୍ ପୁଞ୍ଜେଙ୍ଗ୍ ଶାକ୍ତି ହିନାନ୍, ଆରେ ଜେକନିକାରିଙ୍ଗ୍ ୱେଚ୍‌ଚି କାତାତିଙ୍ଗ୍ ଅର୍ତ ବୁଜାୟ୍ କିଦେଙ୍ଗ୍ ଶାକ୍ତି ହିତାନ୍।

୧ କରନ୍ତିୟ 13:13

ଲାଗିଙ୍ଗ୍ ଇ ତିନ୍‌ଗଟା ଜିନିଷ୍ ଆସେଙ୍ଗ୍ କିନି ଦର୍‌କାର୍। ଈଶ୍ୱରତିଙ୍ଗ୍ ପାର୍ତି କିନାକା, ତା ପାର୍ମାଣ୍‌ତିଙ୍ଗ୍ ଆହା ଇଡ଼୍‍ତାକା ଆରେ ଜେକନିକାରିଙ୍ଗ୍ ଲାଡ୍ କିନାକା। ଇ ତିନ୍‌ଗଟା ଜିନିଷ୍ ବିତ୍ରେତାଙ୍ଗ୍ ଜେକନିକାରିଙ୍ଗ୍ ଲାଡ୍ କିନାକା ଗାଜା ବିଷୟ।

୧ କରନ୍ତିୟ 14:39

ଲାଗିଙ୍ଗ୍ ଏ ନା ଲାଡ୍‌ନି ଟଣ୍ଡାର୍‌କାଦେର୍, ଈଶ୍ୱର କାତା ୱେଚ୍‌ଚେଙ୍ଗ୍ ଗରବ୍‌ତାଙ୍ଗ୍ ଇଚା କିୟାଟ୍ ଆରେ ଈଶ୍ୱର ଦାନ୍ ବୁଜାଆୱି ବାଷାତିଙ୍ଗ୍ ପା ୱେଚାଟ୍।

୧ କରନ୍ତିୟ 8:2

ଯଦି ଏପେଙ୍ଗ୍ ଇନାଦେର୍ ଆନେଙ୍ଗ୍ ଇ ବିଷୟରେ ହାର୍ କିଜି ପୁଚାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ହେ ବିଷୟରେ ହାର୍ କିଜି ପୁନ୍‌ୱାତାଦେର୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏବ୍ରି 8:13

ଈଶ୍ୱର ଇଦାଙ୍ଗ୍‌ତିଙ୍ଗ୍ “ପୁନି ପାର୍ମାଣ୍” ଇଞ୍ଜି ୱେଚ୍‌ନାନ୍, ଲାଗିଙ୍ଗ୍ ପାର୍ତୁମ୍ ନିୟମ୍‌ତିଙ୍ଗ୍ ହେୱାନ୍ ପାନାକା କିତାନ୍‌ନା। ଆରେ ଇନାକା ପାନାକା, ହେଦାଙ୍ଗ୍ ନଷ୍ଟ ଆଜି ଡ଼ୁଗ୍‌ନାତ୍‌।