୧ କରନ୍ତିୟ 13:7 - New Testament in Pengo Parja Language

⁷ ଇମ୍‌ଣାକାର୍ ସତ୍ ଲାଡ୍ କିନାରା, ହେୱାର୍ ୱିଜୁଦିନ୍ ସମ୍ବାଲି କିନାର୍, ହେୱାର୍ ପାର୍ତି ଇନାୱେଡ଼ାଙ୍ଗ୍ ଉଣା ଆଉତ୍, ହେୱାର୍ ୱିଜୁଦିନ୍ ଈଶ୍ୱରତାକେ ଆହା ଇଟ୍‌ନାର୍ ଆରେ ଇମ୍‌ଣି ପର୍‌କାର୍ ପରିସ୍ତିତି ମାଚିସ୍ ପା ସମ୍ବାଲି କିନାର୍।

ସତ୍‌ ବଚନ୍‌ ପୁନି ନିୟମ୍‌

⁷ ୱିଜ଼ୁ ହୁଞ୍ଜ୍‌ନାନ୍‌, ୱିଜ଼ୁ ପାର୍ତି କିନାନ୍‌, ୱିଜ଼ୁ ବାର୍ସି କିନାନ୍‌, ୱିଜ଼ୁ ବିସ୍ରେ ସାସ୍‌ ଆସ୍ତି ମାନାନ୍‌ ।

୧ କରନ୍ତିୟ 13:7 Iomraidhean Croise

ମାତିଉ 10:22

ଆରେ, ନାବେ ପାର୍ତି କିତିସ୍ ମିଙ୍ଗେଙ୍ଗ୍ ୱିଜାକାର୍ ଗିଣ୍ କିଦ୍‌ନାର୍, ମାତର୍ ଇମ୍‌ଣି ମାନାୟ୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍, ହେୱାନ୍ ରକ୍ଷା ପାୟା ଆନାନ୍।”

ମାର୍କ 9:23

ହେବେତାଙ୍ଗ୍ ଯୀଶୁ ହେ ହିମ୍‌ଣା ଲାତ୍ରାହିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇଦାଙ୍ଗ୍ ହାର୍ କିନାଙ୍ଗ୍ କି ଆକାଇ ଇଞ୍ଜି ଏପେଙ୍ଗ୍ ଏଲେଙ୍ଗ୍ ବାବିକିମାଟ୍। ନାବେ ପାର୍ତି କିତିସ୍ ୱିଜୁଆନାତ୍।”

ରୋମିୟ 15:1

ଆପେଙ୍ଗ୍ ପୁଚାପ୍‌ନା ଯେ, ଇ ୱିଜୁ ବିଷୟରେ ଇନା ଅର୍ତ ହିଲେତ୍, ମାତର୍ ଆପେଙ୍ଗ୍ ଜାର୍‌ତିଙ୍ଗ୍ ୱାରିକିନି କାଜିଙ୍ଗ୍ ଇ ୱିଜୁ କାମାୟ୍ କିୱି ଦର୍‌କାର୍। ମାତର୍ ଆସେଙ୍ଗ୍ ପାର୍ତିନି ଉଣା ମାନି ମାନାୟାର୍ ବିଷୟରେ ଚିନ୍ତା କିନି ଦର୍‌କାର୍, ଇମ୍‌ଣି ମାନାୟାର୍ ଇ ୱିଜୁ ବିଷୟତିଙ୍ଗ୍ ହାର୍ ଇଞ୍ଜି ବାବିକିନାରା।

ରୋମିୟ 8:24

ଈଶ୍ୱର ମାଙ୍ଗେଙ୍ଗ୍ ଆହା ଚଚ୍‌ଚାତାନ୍‌ନା, ଏଚେପାଦ୍ନା ହେୱାନ୍ ମାଙ୍ଗେଙ୍ଗ୍ ରକ୍ଷା କିତ୍‌ତାନ୍। ଈଶ୍ୱର ମାଙ୍ଗେଙ୍ଗ୍ ପାର୍ମାଣ୍‌କିତି ୱିଜୁ ଜିନିଷ୍ ପାୟାଆୱାତାସ୍‌ନା, ହେଦାଙ୍ଗ୍ କାଜିଙ୍ଗ୍ ନଙ୍ଗୟ୍ ପାତେକ୍ ହେଦାଙ୍ଗ୍ ପାୟା ଆଦେଙ୍ଗ୍ ଆହା କିନାପା। ଲାଗିଙ୍ଗ୍ ଆପେଙ୍ଗ୍ ନଙ୍ଗୟ୍ ସାସ୍ ଆଜି ତାବେତାଙ୍ଗ୍ ପାୟାଆୱି ପାତେକ୍ କାନାପା।

୧ କରନ୍ତିୟ 13:4

ଇମ୍‌ଣାକାର୍ ଜେକନିକାରିଙ୍ଗ୍ ଲାଡ୍ କିନାର୍, ହେୱାର୍ ୱିଜୁ ବିଷୟତିଙ୍ଗ୍ ସାମ୍ୱାଲି କିନାର୍ ଆରେ ୱିଜାକାରିଙ୍ଗ୍ ଦୟା କିନାର୍। ହେୱାର୍ ଆକାର୍ ଆଉର୍, ହେୱାର୍ ବାଟ୍‌ପାଣ୍ ଆଉର୍ ଆରେ ମାନ୍ ଗାର୍‌ବିୟା ଆଉର୍, ହେୱାର୍ ଜେକନିକାରିଙ୍ଗ୍ କରାପ୍ ବ୍ୟବହାର୍ କିଉର୍।

୧ କରନ୍ତିୟ 9:12

ଯଦି ମିଙ୍ଗେଙ୍ଗ୍ ଜେକନି ଚେଲାର୍ ଶୁଣାୟ୍ କିତ୍‌ତି କାଜିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ସାଇଜ କିତାଦେର୍‌ନା, ଲାଗିଙ୍ଗ୍ ଆନେଙ୍ଗ୍ ଆରେ ବର୍ଣ୍ଣବା ହେୱାର୍‌ତାଙ୍ଗ୍ ଆଦିକ୍ ସାଇଜ ପାୟା ଆଦେଙ୍ଗ୍ ଅଦିକାର୍ ମାନାତ୍। ମାତର୍ ଏପେଙ୍ଗ୍ ମାଙ୍ଗେଙ୍ଗ୍ ସାଇଜ କିଦାଟ୍ ଇଞ୍ଜି ଜବର୍‌ଦସ୍ତି କିଦ୍‌ୱାତାପ୍‌ନା, ଆରେ ଯୀଶୁ ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିନାକା କଷ୍ଟଆମେତ୍ ଇଞ୍ଜି ଆପେଙ୍ଗ୍ ଜାର୍ ଇଚାତାଙ୍ଗ୍ ୱିଜୁ ବିଷୟତିଙ୍ଗ୍ ସମ୍ବାଲି କିନାପା।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

୨ ଥେସଲନୀକିୟ 1:4

ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।

୨ ତିମଥି 2:24

ମାପୃନି ଦାସ୍ ଗଣ୍ଡ୍‍ଗଲ୍ କିନାକା ଟିକ୍ ଆକାୟ୍। ମାତର୍ ହେ ୱିଜାକାର୍ କାଜିଙ୍ଗ୍ ଦୟା ଚଚ୍‌ନି ଦର୍‌କାର୍, ହେୱାନ୍ ଈଶ୍ୱର କାତା ପୁରା କିଲେର୍ ବାବ୍‌ରେ ହିକ୍ଷାହିଦେଙ୍ଗ୍ ଆଡ୍‌ନାକା ମାନାତ୍ ଆରେ କୁର୍‌ଲିୟା ମାନାୟାର୍ ହୁଦାଙ୍ଗ୍ ଶାନ୍ତିଆଜି ମାନି ଦର୍‌କାର୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ଏବ୍ରି 13:13

ଲାଗିଙ୍ଗ୍ ଆସେଙ୍ଗ୍ କୁଡ଼ିଆତାଙ୍ଗ୍ ବାର୍ତ ୱାଜି ତା ଲାଗାୟ୍ ହାନାସ୍ ଆରେ ତା ଲେକେ ନିନ୍ଦାତିଙ୍ଗ୍ ସମ୍ୱାଲିକିନି ଦର୍‌କାର୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 4:8

ଆନେଙ୍ଗ୍ ମି କାଜିଙ୍ଗ୍ ର ମୁକ୍ୟ ବିଷୟ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍-ଜାର୍‌ବିତ୍ରେ ସତ୍ ଲାଡ୍ କିବା ଆଡ। ଇନେସ୍‌କି ଯଦି ମାନାୟାରିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ କିତି ୱିଜୁ ପାପ୍‌ତିଙ୍ଗ୍ ଏପେଙ୍ଗ୍ କେମା କିଦେଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ଆଜି ମାନାଦେର୍।