୧ କରନ୍ତିୟ 1:21 - New Testament in Pengo Parja Language

²¹ ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

ସତ୍‌ ବଚନ୍‌ ପୁନି ନିୟମ୍‌

²¹ ଇସ୍ୱର୍‌ ତା ଗାଜା ଗିଆନ୍‌ତ ତିର୍‌ କିଜ଼ି ମାଚାନ୍‌ ଜେ ମାନାୟ୍‌ ଜଗତ୍‌ ଜାର୍‌ ଗିଆନ୍‌ ହୁକେ ଇସ୍ୱର୍‌ତିଂ ପୁଞ୍ଜେଙ୍ଗ୍‌ ଆଡୁସ୍ ବିନ୍‌ ପାକ୍ୟାତ ଆସେଙ୍ଗ୍‌ ସୁଣାୟ୍‌କିନାକା ଇଚିସ୍‌ ବୁଦି ହିଲ୍‌ୱାକାର୍‌ ନେକ୍ରିକାବୁର୍‌ତ ପାର୍ତି କିନି ମାନାୟାରିଂ ରାକ୍ୟା କିନି ଇସ୍ୱର୍‌ ଇଚା କିତାନ୍‌ନ୍ନା ।

୧ କରନ୍ତିୟ 1:21 Iomraidhean Croise

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:21

ତାପାଚେ ପବିତ୍ର ଆତ୍ମାକାଙ୍ଗ୍ ଯୀଶୁ ବେସି ୱାରିଆଜି ୱେଚ୍‌ଚାନ୍, “ଏ ଆବା, ବାଦାଡ଼୍ ଆରେ ପୁର୍ତିନି ମାପୃ। ଏପେଙ୍ଗ୍ ବୁଦିକାଟି ମାନାୟ୍‌ତାଙ୍ଗ୍ ଇୱିଜୁ ବିଷୟ ଡ଼ୁକ୍‌ଚି ହିରୁ ହିମ୍‌ଣାଙ୍ଗ୍‌ତାକେ ୱେଚ୍‌ଚାଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା। ଆଁ, ଆବା, ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍‍ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 11:33

ଆପେଙ୍ଗ୍ ଈଶ୍ୱର କାଜିଙ୍ଗ୍ ବେସି ଚାନିଆ ଆନାପା, ଇନେସ୍‌କି ତା ଇଚାତାଙ୍ଗ୍ ଇମ୍‌ଣି ମାନାୟ୍ ପା ବୁଜାୟ୍ କିଦେଙ୍ଗ୍ ଆଡୁନ୍ ଆରେ ତା ଉପାୟ୍‌ତିଙ୍ଗ୍ ଇମ୍‌ଣି ମାନାୟ୍ ପା ବୁଜା ଆଦେଙ୍ଗ୍ ଆଡୁନ୍। ଇନେସ୍‌କି ହେୱାନ୍ ଦୟା କିଦ୍‌ଦେଙ୍ଗ୍, ଆରେ ତା ବୁଦି ଆରେ ଜ୍ଞାନ୍ ବେସି ଗାଜା।

୧ କରନ୍ତିୟ 1:18

ଆନେଙ୍ଗ୍ ପୁଚାଙ୍ଗ୍‌ନା ଯେ, ଈଶ୍ୱର ଇମ୍‌ଣି ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଅଲ୍‌ଗା କିତାନ୍‌ନା, ହେୱାର୍ କାଜିଙ୍ଗ୍ ଖ୍ରୀଷ୍ଟ କୃଶକାଟ୍‌ତାକେ ହାଃତି ବିଷୟ ବେକାର୍ ଇଞ୍ଜି ବାବିକିନାରା। ମାତର୍ ମାଙ୍ଗେଙ୍ଗ୍ ଏଚେଜାଣ୍‌ତିଙ୍ଗ୍ ରକ୍ଷା କିତ୍‌ତାନ୍‌ନା, ହେଦାଙ୍ଗ୍ ଈଶ୍ୱର ଶାକ୍ତି ଇଞ୍ଜି ଆପେଙ୍ଗ୍ ପୁଚାପ୍‌ନା।

୧ କରନ୍ତିୟ 1:23

ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟ ମାଙ୍ଗେଙ୍ଗ୍ ଉଦାର୍ କିଦ୍‌ନି କାଜିଙ୍ଗ୍ କୃଶକାଟ୍‌ତାକେ ହାଃତାନ୍ ଇଞ୍ଜି ଶୁଣାୟ୍ କିନାସା। ଯିହୁଦି ଜାତିନି ମାନାୟାର୍ ମାଙ୍ଗେଙ୍ଗ୍ ଇନସ୍ତା କିଦ୍‌ନାରା ଆରେ ବିନ୍‌ଜାତିନି ମାନାୟାର୍ ଇଦାଙ୍ଗ୍ ବେକାର୍ ଇଞ୍ଜି ୱେଚ୍‌ନାରା।

୧ କରନ୍ତିୟ 1:24

ମାତର୍ ଯିହୁଦି ଜାତିର୍ ଆରେ ବିନ୍‌ଜାତିର୍‌ନି ଏଚେଜାଣ୍‌ତିଙ୍ଗ୍ ଈଶ୍ୱର ଉଦାର୍ କିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ହେୱାର୍ କାଜିଙ୍ଗ୍ ଖ୍ରୀଷ୍ଟ ନେ ଈଶ୍ୱର ଗାଜା ଶାକ୍ତି ଆରେ ଈଶ୍ୱରତି ବୁଦି।

୧ କରନ୍ତିୟ 1:25

ହେଦାଙ୍ଗ୍ କାଜିଙ୍ଗ୍ ଈଶ୍ୱର ବକୁୱା ଉପାୟ୍ ବୁଦିକାଟି ମାନାୟାର୍ ବୁଦିତାଙ୍ଗ୍ ଗାଜା, ଆରେ ଈଶ୍ୱରତି ଦୁର୍‌ବଲ୍ ଆନାକା ମାନାୟାର୍ ଶାକ୍ତିତାଙ୍ଗ୍ ଗାଜା।

୧ କରନ୍ତିୟ 1:27

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇ ପୁର୍ତିନି ବୁଦିକାଟି ମାନାୟାରିଙ୍ଗ୍ ଲାଜ୍ କିଦେଙ୍ଗ୍, ବକୁୱା ମାନାୟାରିଙ୍ଗ୍ ବାଚି କିତାନ୍‌ନା। ଆରେ ହେୱାନ୍ ଶାକ୍ତି ମାନାକାରିଙ୍ଗ୍ ଲାଜ୍ କିଦେଙ୍ଗ୍ ଶାକ୍ତି ହିଲାକାରିଙ୍ଗ୍ ବାଚି କିତାନ୍‌ନା।

୧ କରନ୍ତିୟ 11:32

ଯଦି ଈଶ୍ୱର ମାଙ୍ଗେଙ୍ଗ୍ ହେଲେକେ ଦଣ୍ଡ୍ ହିଦ୍‌ନାନା, ହେୱାନ୍ ମାଙ୍ଗେଙ୍ଗ୍ ହିକାୟ୍ କିଦ୍‌ନାନା, ଲାଗିଙ୍ଗ୍ ହେୱାନ୍ ତାଙ୍ଗେଙ୍ଗ୍ ଇ ପୁର୍ତିନି ପୁନ୍‌ୱିତି ମାନାୟାରିଙ୍ଗ୍ ବିଚାର୍ ହିନି ନାଞ୍ଜିଙ୍ଗ୍ ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍।

୧ କରନ୍ତିୟ 2:14

ମାତର୍ ବିନ୍‌ଜାତିନି ମାନାୟାର୍ ଇ ସତ୍ ବିଷୟତିଙ୍ଗ୍ ଈଶ୍ୱର ଆତ୍ମାତାଙ୍ଗ୍‌ ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ ହେୱାର୍ କାଜିଙ୍ଗ୍ ବେକାର୍ ଆନାତ୍, ଇନେସ୍‌କି ଇମ୍‌ଣି ମାନାୟ୍‌ତିଙ୍ଗ୍ ପବିତ୍ର ଆତ୍ମା ମାନାତ୍ ହେୱାନ୍‌ନେ ଈଶ୍ୱର ବିଷୟରେ ବୁଜା ଆଦେଙ୍ଗ୍ ପବିତ୍ର ଆତ୍ମା ସାଇଜ କିନାତ୍।

୧ କରନ୍ତିୟ 4:10

ମାନାୟାର୍ ମାଙ୍ଗେଙ୍ଗ୍ ବକୁୱା ଇଞ୍ଜି ବାବିକିନାରା, ଇନେସ୍‌କି ଆପେଙ୍ଗ୍ ଖ୍ରୀଷ୍ଟ ବିଷୟରେ ଶୁଣାୟ୍ କିନାପା, ମାତର୍ ଏପେଙ୍ଗ୍ ବୁଲ୍‌ରେ ବୁଦି ମାନି ଖ୍ରିଷ୍ଟାନ୍ ଇଞ୍ଜି ବାବିକିନାଦେରା। ବେସିହେନି ମାନାୟାର୍ ମାଙ୍ଗେଙ୍ଗ୍ ଅଦିକାର୍ ପାୟା ଆୱାତାକାର୍ ଇଞ୍ଜି ବାବିକିନାରା, ମାତର୍ ଏପେଙ୍ଗ୍ ଈଶ୍ୱରତାଙ୍ଗ୍ ଶାକ୍ତି ପାୟାଆତାପ୍‌ନା ଇଞ୍ଜି ବାଟ୍‌ପାଣ୍ ଆନାଦେରା। ମାନାୟାର୍ ମାଙ୍ଗେଙ୍ଗ୍ ସନ୍‌ମାନ୍ ହିଦୁରା, ମାତର୍ ହେୱାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା।

୧ କରନ୍ତିୟ 6:2

ଏପେଙ୍ଗ୍ ଟିକ୍ ବାବ୍‌ରେ ପୁଚାଦେର୍‌ନା ଯେ, ରଦିନ୍ ୱାନାତ୍ ଈଶ୍ୱରତାକେନି ଦରମ୍ ମାନାୟାର୍ ଇ ପୁର୍ତିନି ମାନାୟାରିଙ୍ଗ୍ ବିଚାର୍ କିନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଇମ୍‌ଣି ମାନାୟ୍ ଟିକ୍ ଆରେ ଏପେଙ୍ଗ୍ ହେୱାର୍ ବିତ୍ରେ ରାଜି ରାମା କିଦେଙ୍ଗ୍ ଆଡ୍‌ନାଦେର୍।

ଗାଲାତିୟ 1:15

ମାତର୍ ଆନେଙ୍ଗ୍ ଜନମ୍ ଆୱି ଆଗେତାଙ୍ଗ୍ ନେ ଈଶ୍ୱର ନାଙ୍ଗେଙ୍ଗ୍ ଜେକ କିଜି ମାନ୍‌ଞ୍ଚାନ୍। ଆରେ ତା ଜାର୍ ଦୟାରେ ନାଙ୍ଗେଙ୍ଗ୍ କୁକ୍ତାତାନ୍।

ଗାଲାତିୟ 4:8

ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍, ଇମ୍‌ଣାକାର୍ ସତ୍‌ରେ ଈଶ୍ୱର ହିଲାତାର୍‌, ହେୱାର୍ ଦାସ୍ ଏପେଙ୍ଗ୍ ଆଜି ମାଚାଦେର୍।

ଏପିସିୟ 1:9

ଈଶ୍ୱର ତା ଇଚାତାଙ୍ଗ୍ ଆଗେତାଙ୍ଗ୍ କିଜିମାଚି ଡ଼ୁକ୍‌ତି ଜଜ୍‌ନା ମାବେ ଚଚ୍‌ଚାତାନ୍‌ନା। ଆରେ ହେ ଜଜ୍‌ନା ଖ୍ରୀଷ୍ଟତାଙ୍ଗ୍ କିନି କାଜିଙ୍ଗ୍ ହେୱାନ୍ ଇଚା କିଜି ମାଚାନ୍।

ଏପିସିୟ 3:10

ଇମ୍‌ଣି ୱିଜୁ ଦୁତ୍‌କୁ ଚଞ୍ଜିଆୱି ପୁର୍ତିତାକେ ଆଦିକାର୍ ହୁଦାଙ୍ଗ୍ ସାସନ୍ କିନିକ୍, ହେୱେକ୍ ଲାଗାୟ୍ ଈଶ୍ୱର ତା ୱିଜୁ ପର୍‌କାର୍ ବୁଦିତିଙ୍ଗ୍ ୱେଚ୍‌ଚେଙ୍ଗ୍ ମଣ୍ଡ୍‌ଲିତିଙ୍ଗ୍ ନଙ୍ଗୟ୍ ବ୍ଯବହାର୍ କିନି କାଜିଙ୍ଗ୍ ଜଜ୍‌ନା କିତାନ୍‌ନା।

କଲସିୟ 1:19

ଇନେସ୍‌କି ଆବା ଈଶ୍ୱର ଇଚା କିତାନ୍ ଯେ ଈଶ୍ୱର ୱିଜୁ ଗୁଣ୍ ଖ୍ରୀଷ୍ଟତାକେ ବାହା କିୟେତ୍।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।

ଜାକ୍‌ବ 5:15

ପାର୍ତିତାଙ୍ଗ୍ ପାର୍ତାନା କିତିସ୍ ହେ ବେମାର୍ ମାନାୟ୍ ହାର୍ ଆନାନ୍। ଇନେସ୍‌କି ମାପୃ ହେୱାନିଙ୍ଗ୍ ହାର୍‌କିନାନ୍‌, ଆରେ ଯଦି ହେୱାନ୍ ପାପ୍ କିଜିମାଚିସ୍, ଈଶ୍ୱର ହେୱାନିଙ୍ଗ୍ କେମା କିନାନ୍।

ଜାକ୍‌ବ 5:20

ଲାଗିଙ୍ଗ୍ ଏପେଙ୍ଗ୍ ପୁନାଟ୍ ଯେ, ହେ ମାନାୟ୍ ପାପି ମାନାୟ୍‌ତିଙ୍ଗ୍ ବାଣାଆତି ହାଜ୍‌ଦାଙ୍ଗ୍ ଲେଉଟାଇ କିଜି ତାସିୱାନାନା। ହେୱାନ୍ ହେୱାନିଙ୍ଗ୍ ହାଃନିତାଙ୍ଗ୍ ଜିବୁନ୍‌ତିଙ୍ଗ୍ ଉଦାର୍ କିନାନ୍ ଆରେ ବେସି ପାପ୍ କିୟିକିଦେଙ୍ଗ୍ ହିଉନ୍।