୧ କରନ୍ତିୟ 1:10 - New Testament in Pengo Parja Language10 ଏ ପାର୍ତିକିନି ଟଣ୍ଡାର୍କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍ତାଙ୍ଗ୍ ଗୁୱାରି କିଜି ୱେଚ୍ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍। Faic an caibideilସତ୍ ବଚନ୍ ପୁନି ନିୟମ୍10 ଏ ଟଣ୍ଡାର୍, ଆରି ଟଣ୍ଦେକାଦେର୍ ମା ମାପ୍ରୁ ଜିସୁ କ୍ରିସ୍ଟତି ତର୍ଦ ଆନ୍ ମିଙ୍ଗେଙ୍ଗ୍ ଗୱାରି କିଦ୍ନାଙ୍ଗା, ଇନ୍ବା ଆନି ସମୁତ ର ମାନ୍ ଇନାଟ୍, ତା ଆତିସ୍ ମି ବିତ୍ରେ ଇମ୍ଣାକା ଗଡ଼୍ମାର୍ ଆଉତ୍, ମତର୍ ଏପେଙ୍ଗ୍ ର ମାନ୍ତାଂ ଆରି ର ବାବ୍ନାତ ମେହାଆଡୁ । Faic an caibideil |
୧ କରନ୍ତିୟ 1:10
44 Iomraidhean Croise
ଆନେଙ୍ଗ୍ ହେୱାର୍ତାକେ ମାନ୍ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍କିଜି ମାନ୍ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।
ଏ ଟଣ୍ଡାର୍କାଦେର୍ ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍ନାଙ୍ଗା ଯେ, ଆନେଙ୍ଗ୍ ମିତାକେ ୱାଦେଙ୍ଗ୍ ବେସି ଦିନ୍ତାଙ୍ଗ୍ ଉପାୟ୍ କିଜି ମାଚାଙ୍ଗ୍, ମାତର୍ ନଙ୍ଗୟ୍ ପାତେକ୍ ମିତାକେ ୱାଦେଙ୍ଗ୍ ଆଡ୍ୱାତାଙ୍ଗ୍ନା। ଇନେସ୍କି ବିନ୍ଜାତିନି ମାନାୟ୍ତିଙ୍ଗ୍ ଯୀଶୁଙ୍ଗ୍ ପାର୍ତି କିଦେଙ୍ଗ୍ ସାଇଜ କିତିଲେକେ ମିଙ୍ଗେଙ୍ଗ୍ ପା ଆଦିକ୍ ପାର୍ତି କିଦେଙ୍ଗ୍ ସାଇଜ କିଦ୍ଦେଙ୍ଗ୍ ଆଡ଼୍ତାଙ୍ଗ୍ମା।
ଏ ପାର୍ତି ଟଣ୍ଡାର୍କାଦେର୍, ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ଆରେ ରଞ୍ଜି ଗୁୱାରି କିଦ୍ନାଙ୍ଗା ଯେ, ଏପେଙ୍ଗ୍ ଜାର୍-ଜାର୍ବିତ୍ରେ ଗଣ୍ଡ୍ଗଲ୍ କିଜି ବାଗ୍ କିନି ମାନାୟାର୍ତାଙ୍ଗ୍ ଆରେ ମାନାୟାର୍ ପାର୍ତିତିଙ୍ଗ୍ ଉଣା କିନି ମାନାୟାର୍ତାଙ୍ଗ୍ ଜାଗ୍ରତ୍ ଆଜି ମାନାଟ୍। ହେୱାର୍ ଆପେଙ୍ଗ୍ ହିଜିମାଚି ସତ୍ ହିକ୍ଷା ବିରୁଦ୍ତାକେ ଇଞ୍ଜ୍ନାର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ତାଙ୍ଗ୍ ଦେହା ମାନାଟ୍।
ଏ ଲାଡ୍ନି ଟଣ୍ଡାର୍କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍ଗାନାନ୍।
ଏ ପାର୍ତିକିନି ଟଣ୍ଡାର୍କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍ନାଙ୍ଗା, ନା ଲେକେ ଏପେଙ୍ଗ୍ ପା ନିୟମ୍ ସାସ୍ତର୍ତାଙ୍ଗ୍ ସ୍ୱାଦିନ୍ ଆଡ। ଇନେସ୍କି ଆନେଙ୍ଗ୍ ମି ଲେକେ ବିନ୍ଜାତି ଆତାଙ୍ଗ୍ନା। ଏଚେପାଦ୍ନା ଆନେଙ୍ଗ୍ ପାର୍ତୁମ୍ ମି ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ଏପେଙ୍ଗ୍ ବେସି ହାର୍ଦାଙ୍ଗ୍ ନାଙ୍ଗେଙ୍ଗ୍ ଜାତୁନ୍ ଅତ୍ତାଦେର୍।
ଈଶ୍ୱର ମାଙ୍ଗେଙ୍ଗ୍ ଦୟା କିତ୍ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍ନି କାଜିଙ୍ଗ୍ ବାଚି କିତ୍ତାନ୍ନା। ଏପେଙ୍ଗ୍ ଅଲପ୍ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍ଲେକେ କିଦ୍ନାନ୍।
Sanasan