Nehemia 4:6 - Pennsylvania Dutch Bible

⁶ So henn miah di mavvah ivvah gebaut, un di gans mavvah voah baut halvah ufglaykt, fa di leit henn kshaft mitt iahra gans hatz.

Nehemia 4:6 Iomraidhean Croise

1. Chronik 29:14

Avvah veah binn ich, un veah sinn mei leit, es miah so frei-villich gevva kenna vi dess? Alles kumd funn diah, un miah henn diah yusht gevva vass funn dei hand kumd.

1. Chronik 29:3

Un deich di grohs leevi es ich habb fa's haus funn meim Gott, dann gebb ich mei ayya gold un silvah fa da tempel funn meim Gott—dess is ovvich em sach es ich kseikt habb fa deah heilich tempel bauwa.

2. Chronik 29:36

Da Hiskia un awl di leit henn sich kfroit ivvah vass Gott zu gebrocht hott fa sei leit, veil's so kshvind zu ganga is.

Nehemia 4:5

Dekk iahra shuld nett zu, un reib iahra sinda nett aus fannich diah, fa si henn dich faniddaht fannich di shaff-leit.

Nehemia 4:7

Vo da Sanballat, da Tobia, di Arabah, di Ammoniddah un di mennah funn Asdod keaht henn es di mavvahra funn Jerusalem am on ufgebaut vadda sinn, un di lechah am zu gmacht sei sinn, voahra si gleedich bays.

Nehemia 6:15

So in zvay un fuftzich dawk voah di mavvah faddich gmacht uf em fimf un zvansishta dawk fumm moonet Elul.

Psalm 110:3

Dei leit zayla sich frei-villich ohbeeda, uf em dawk es du eena foah gaysht im heilicha glayt. Vi du yung voahsht, kumma dei grefta zu diah alli dawk vi da dau aus em meiya-roht.

Psalm 122:3

Jerusalem is gebaut es en shtatt vo leit zammah kumma sella.

Haggai 1:14

So hott da Hah da geisht ufkshtatt fumm Serubabel, em Sealthiel sei boo es govvenah voah funn Juda. Da Hah hott aw da geisht ufkshtatt fumm Joshua, em Jehozadak sei boo es da hohchen-preeshtah voah un da geisht funn awl di leit es zrikk kumma sinn. Si henn ohkfanga shaffa uf em haus fumm Awlmechticha Hah, iahra Gott,

Philipper 2:13

Fa's is Gott vo in eich shaft, so es diah du vellet, un aw doond vass een froh macht.

Hebräer 13:21

mawk eah eich folkumma macha in alli goodi eahvet fa sei villa du, un sell shaffa in eich vass eem kfellich is deich Jesus Christus. Zu eem sei hallichkeit fa immah un immah. Amen.