Nehemia 13:3 - Pennsylvania Dutch Bible

³ Vo di leit dess ksetz keaht henn, henn si awl selli aus Israel gedu es ausahri voahra.

Nehemia 13:3 Iomraidhean Croise

Ezra 10:11

Nau bekeahret eich zumm Hah, da Gott funn eiyah foah-feddah, un doond sei villa. Fadaylet eich funn di leit um eich rumm un funn eiyah fremdi veivah.”

Ezra 9:2

Si henn samm funn iahra mayt gnumma fa veivah sei fa sich selvaht un aw iahra boova, un henn da heilich sohma deich-nannah gedu mitt di leit im land. Un di evvahshti un roolahs voahra di foah-gengah in dee shlechta sacha.”

Nehemia 10:28

Nau di ivvahricha leit—di preeshtah, di Lefiddah, di doah-heedah, di singah, di tempel-gnechta un awl selli es sich abkshnidda henn funn di ausahra leit fumm land, un sich unnich's Ksetz funn Gott gedu henn, mitt iahra veivah un awl iahra boova un mayt es dess fashtay henn kenna—

Nehemia 9:2

Un selli funn di nohch-kummashaft funn Israel henn sich fadayld funn awl di fremda. Si henn kshtanna un henn iahra sinda bekend, un aw di ungettlichkeit funn iahra foah-feddah.

Psalm 119:11

Ich hald dei vatt in meim hatz, so es ich nett sindich geyyich dich.

Psalm 119:9

Vi kann en yungah mann sei vayk sauvah halda? Bei layva vi dei vatt sawkt.

2. Mosi 12:38

Feel anri leit sinn mitt eena ganga, un aw feel fee so vi shohf un kee.

Shpricha 6:23

Fa dee gebodda sinn en licht, es ksetz is helling, un di famohninga fa recht do sinn da vayk fumm layva.

4. Mosi 11:4

Di fremda unnich eena henn no ohkfanga lushta fa annah ess-sach, un di Kinnah-Israel henn aw geglawkt un henn ksawt, “Oh vann miah yusht flaysh hedda zu essa!

Römer 3:20

Fasell, kann nimmand gerecht gmacht sei fannich eem bei di sacha du im Ksetz. Fa deich's Ksetz kumd di eisicht funn sinda.

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.