Nehemia 1:6 - Pennsylvania Dutch Bible

⁶ Loss dei awwa uf sei un dei oahra abheicha fa's gebayt heahra funn dei gnecht es ich am bayda binn fannich diah nau dawk un nacht fa dei gnechta, di kinnah funn Israel. Ich bekenn di sinda funn uns Kinnah-Israel es miah gedu henn geyyich dich, un aw es ich un mei faddah sei haus gedu henn geyyich dich.

Nehemia 1:6 Iomraidhean Croise

1. Kaynicha 8:30

Heich's gebayt ab funn deim gnecht un dei leit Israel vann si bayda noch demm blatz. Heich ab fumm himmel vo du voonsht, un vann du heahsht, fagebb si.

1. Kaynicha 8:47

un vann si's no zu hatz nemma im land es si kfanga kohva sinn, un bekeahra sich un bayda zu diah im land es si haybt, un sawwa, ‘Miah henn ksindicht, un letz gedu un voahra gottlohs gvest’;

2. Chronik 28:10

Un nau zaylet diah di leit funn Juda un Jerusalem eiyah bunds-gnechta macha. Sind diah nett aw sinda shuldich geyyich da Hah eiyah Gott?

2. Chronik 29:6

Unsah feddah voahra nett shtandhaftich un henn evil gedu im Hah unsah Gott sei awwa, un si henn een falossa. Si henn iahra ksichtah vekk gedrayt fumm Hah sei voon-blatz, un henn iahra bikkel geyyich een gedrayt.

2. Chronik 6:40

Nau, mei Gott, loss dei awwa uf sei un dei oahra abheicha zu di gebaydah es gmacht vadda in demm blatz.

Ezra 10:1

Diveil es da Ezra fannich em haus funn Gott gleyya hott am bayda un heila, un am sich bekenna, hott en grohsi drubb mansleit, veibsleit un kinnah sich fasammeld um een rumm. Si henn aw biddahlich keild.

Ezra 10:11

Nau bekeahret eich zumm Hah, da Gott funn eiyah foah-feddah, un doond sei villa. Fadaylet eich funn di leit um eich rumm un funn eiyah fremdi veivah.”

Nehemia 1:11

Oh Hah, loss dei oah abheicha zumm gebayt funn dei gnecht, un zumm gebayt funn dei gnechta, dee es gleicha dei nohma uf hayva. Mach's alles goot ausshaffa fa dei gnecht heit fannich em kaynich.” Ich voah em kaynich sei vei-gevvah an selli zeit.

Psalm 102:17

Eah heicht di gebaydah ab funn di falossana; eah fa'acht iahra gebayt nett.

Psalm 106:6

Miah henn ksindicht grawt vi unsah foah-feddah henn; miah henn letz gedu un uns gottlohs ohkshikt.

Psalm 130:2

Oh Hah, heah mei shtimm! Loss dei oahra abheicha zu mei roof fa hilf.

Psalm 32:5

No habb ich mei sinda bekend zu diah, un habb mei shulda nett zu gedekt. Ich habb ksawt, “Ich bekenn mei ivvah-dreddes zumm Hah,” un du hosht di shuld funn mei sinda vekk gnumma. (Sela)

Psalm 34:15

Di awwa fumm Hah sinn uf di gerechta, un sei oahra heahra vann si een roofa.

Psalm 55:17

Ohvets, meiyets un middawks doon ich heila un mich beglawwa, un eah heaht mei shtimm.

Psalm 88:1

Oh Hah Gott, mei Heiland, ich roof zu diah fa hilf dawk un nacht.

Jesoiya 6:5

No habb ich ksawt, “Vay zu miah, ich binn faloahra! Fa ich binn en mann mitt unreini leftz, un ich voon unnich en leit mitt unreini leftz; avvah doch henn mei awwa da Kaynich, da Awlmechtich Hah, ksenna.”

Glawk-Leedah 5:7

Unsah feddah henn ksindicht un layva nimmi, un miah missa iahra shtrohf nemma.

Daniel 9:15

Un nau, oh Hah unsah Gott, du es dei leit aus Egypta gebrocht hosht mitt en mechtichi hand, un hosht en nohma gmacht fa dich selvaht so vi's is heit, miah henn ksindicht un voahra ungettlich.

Daniel 9:20

Nau diveil es ich am shvetza un am bayda voah, un am mei sinda un di sinda funn mei leit Israel bekenna voah, un diveil es ich am bayda voah fannich mei Gott fa sei heilichah hivvel—

Daniel 9:4

Ich habb gebayda zumm Hah mei Gott, habb mich bekend un habb ksawt, “Oh Hah, du grohsah un shreklichah Gott, deah es sei bund un shtandhaftichi-leevi hald fa selli es een leeva un sei gebodda halda,

Daniel 9:5

miah henn ksindicht un letz gedu. Miah voahra gottlohs un henn uns kshteibaht geyyich dich. Miah sinn vekk gedrayt funn dei gebodda un em ksetz.

Daniel 9:8

Oh Hah, miah un unsah kaynicha un evvahshti un foah-feddah missa uns shemma veil miah ksindicht henn geyyich dich.

Lukas 18:7

Zayld nett Gott geduldich sei un selli helfa vo sei sinn, selli vo bayda zu eem dawk un nacht?

Lukas 2:37

un see voah no en vitt-fraw biss see fiah un achtzich yoah ald voah. See is nett aus em tempel ganga, avvah is datt geblivva un hott Gott gedeend deich fashta un bayda dawk un nacht.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

1. Timotheus 5:5

En rechti vitt-fraw vo gans laynich is, hott iahra hofning uf Gott ksetzt un hald oh im gebayt dawk un nacht.

2. Timotheus 1:3

Ich dank Gott, deah vo ich deen vi mei foah-eldra henn, mitt en blohk-frei sinn. Ich dank een vi ich an dich denk in meim gebayt dawk un nacht unni nohch lossa.

1. Johannes 1:9

Vann miah unsah sinda bekenna, dann is eah shtandhaftich un gerecht, un dutt unsah sinda fagevva un macht uns sauvah funn alli ungerechtichkeit.

1. Samuel 15:11

Eah hott ksawt, “Es shpeit mich es ich da Saul kaynich gmacht habb, veil eah sich vekk gedrayt hott funn miah un hott nett gedu vi ich eem ksawt habb.” Da Samuel voah bedreebt un hott di gans nacht zumm Hah groofa.