Nehemia 1:5 - Pennsylvania Dutch Bible

⁵ No habb ich ksawt: “Oh Hah, da Gott fumm himmel, du grohsah un shreklichah Gott. Du haldsht dei bund un dei shtandhaftichi-leevi fa selli es dich leeb henn un dei gebodda halda.

Nehemia 1:5 Iomraidhean Croise

1. Kaynicha 8:23

Eah hott ksawt: “Oh Hah, da Gott funn Israel, es is kenn Gott vi du drovva im himmel adda do hunna uf di eaht. Du haldsht dei bund un veisht dei shtandhaftichi-leevi zu dei gnechta, dee es fannich diah lawfa mitt iahra gans hatz.

1. Chronik 17:21

Un vo is en satt leit uf di eaht vi dei leit Israel, dee es Gott selvaht ditzu ganga is fa si frei shtella un si sei aykni leit macha. Du hosht dess gedu fa en grohsah nohma macha fa dich selvaht, un fa grohsi un vundahboahri sacha du bei di heida ausdreiva fannich dei leit, dee es du frei-kshteld hosht aus Egypta.

Ezra 1:2

“Dess is vass da Cyrus, da kaynich funn Persia, sawkt: ‘Da Hah, da Gott fumm himmel, hott miah awl di kaynich-reicha funn di eaht gevva un hott miah ksawt fa eem en haus bauwa an Jerusalem in Juda.

Nehemia 2:4

No hott da kaynich ksawt zu miah, “Vass vitt du havva?” Ich habb no zumm Gott fumm himmel gebayda,

Nehemia 4:14

Vo ich ksenna habb es si sich kfeicht henn, binn ich ufkshtanna un habb ksawt zu di evvahshti, di foah-gengah un di ivvahricha leit, “Feichet eich nett veyyich eena. Denket an da grohs un shreklich Hah, un fechtet fa eiyah breedah, eiyah boova un mayt, eiyah veivah un haymeda.”

Nehemia 4:8

No sinn si zammah ganga un henn ausgmacht fa kumma un fechta geyyich Jerusalem un fa druvvel ufshtadda.

Nehemia 9:32

So nau, unsah Gott, du grohsah, mechtichah un shreklichah Gott, du, es dei bund haldsht in shtandhaftichi-leevi, loss awl deah druvvel nett vennich sei zu diah— deah druvvel es uf uns kumma is, un uf unsah kaynicha, evvahshti, preeshtah, brofayda, foah-feddah un awl dei leit deich di zeit funn di kaynicha in Assyria biss deah dawk.

Psalm 47:2

Fa da Alli-Haychsht Hah is shreklich, un en Grohsah Kaynich ivvah di gans eaht.

Psalm 76:8

Du hosht dei richtes vissa glost fumm himmel, un di eaht hott sich kfeicht un voah shtill,

Psalm 89:2

Ich habb ksawt, “Dei shtandhaftichi-leevi shtayt fa'immah un dei shtandhaftichkeit is so fesht es da himmel selvaht.”

Psalm 89:3

Du hosht ksawt, “Ich habb en bund gmacht mitt sellah es ich raus groofa habb; ich habb kshvoahra zu meim gnecht da Dawfit,

Psalm 89:8

Oh Hah, Almechtichah Gott, veah is vi du? Du bisht mechtich, oh Hah, un dei shtandhaftichkeit is um dich rumm.

2. Mosi 20:6

Avvah ich veis leevi zu dausends funn selli es mich leeb henn un mei gebodda halda.

5. Mosi 7:12

Vann diah dee gebodda abheichet un si haldet, dann hald da Hah eiyah Gott sei bund un di bamhatzichkeit es eah kshvoahra hott zu eiyah foah-feddah.

5. Mosi 7:21

Diah sellet kenn angsht havva veyyich eena; veil da Hah eiyah Gott es unnich eich is, en grohsah un en shreklichah Gott is.

5. Mosi 7:9

Fasell sellet diah vissa es da Hah eiyah Gott, Gott is. Eah is da shtandhaftich Gott es sei bund hald, un sei shtandhaftichi-leevi veist fa en dausend layves-zeida zu selli es een leeva un sei gebodda halda.