Micha 2:3 - Pennsylvania Dutch Bible

³ Fasell sawkt da Hah: “Ich zayl shreklichi sacha du geyyich dee leit, sacha es diah nett funn eiyah hels nemma kennet. Diah zaylet nimmi lengah shtols rumm lawfa, veil's en evili zeit sei zayld.

Micha 2:3 Iomraidhean Croise

Jesoiya 29:20

Di unfashtendicha kumma zu en end, un di shpoddah zayla fagay. Awl selli es evil im sinn henn vadda abkshnidda—

Jesoiya 3:16

Da Hah sawkt, “Di veibsleit funn Zion sinn shtols, si lawfa mitt iahra kebb in di hay, un mitt lusht in di awwa, si lawfa rumm mitt katzi shritt, un macha di rings klingla an iahra fees.

Jesoiya 5:19

selli es sawwa, “Loss een sich dumla; loss een sei eahvet kshvind du, so es miah's sayna kenna. Loss da Heilich funn Israel ausdrawwa vass eah im sinn hott, so es miah's vissa kenna.”

Jeremia 18:11

So nau sawk zu di leit funn Juda un selli in Jerusalem, ‘Dess is vass da Hah sawkt: Gukket moll, ich binn am rishta fa eich veeshtahlich shtrohfa mitt sacha es ich ausrichta zayl geyyich eich. So drayyet zrikk funn eiyah evili vayya, yaydahs funn eich, un fabessahret eiyah vayya un vi diah layvet.’

Jeremia 27:12

Ich habb selli sayma vadda gevva zumm Zedekia, da kaynich funn Juda. Ich habb ksawt, “Beeyet eiyah hals unnich's yoch fumm kaynich funn Babylon; deenet een un sei leit, no kennet diah levendich bleiva.

Jeremia 34:17

So dess is vass da Hah nau sawkt: Diah hend miah nett keicht. Diah hend nett ksawt es eiyah broodah un eiyah nochbah frei sei sella, so nau shprech ich en freiheit aus zu eich, sawk da Hah. Ich mach eich frei fa falla unnich em shvatt, peshtelens un hungahs-noht. Ich mach eich grausam zu awl di kaynich-reicha uf di eaht.

Jeremia 36:23

Vann da Judi als zvay adda drei bleddah glaysa katt hott, hott da kaynich si abkshnidda mitt en glay messah un hott si in's feiyah kshmissa im feiyah-kessel biss es gans buch ufgebrend voah im feiyah.

Jeremia 43:2

hott da Asaria, em Hosaia sei boo, un da Johanan, em Kareach sei boo, un awl di anra shtolsa mennah ksawt zumm Jeremia, “Du bisht am leeya! Da Hah unsah Gott hott dich nett kshikt fa sawwa, ‘Diah misset nett noch Egypta gay fa datt voona.’

Jeremia 8:3

Vo-evvah es ich si anna yawk, zayla awl selli es ivvahrich sinn funn demm evila folk, vinsha si veahra doht, leevah es noch levendich sei,” sawkt da Awlmechtich Hah.

Glawk-Leedah 1:14

Mei sinda sinn zammah gebunna in en yoch, mitt sei hend voahra si zammah kflochta. Si sinn uf mei hals kumma, un da Hah hott mei grefta vekk gnumma. Eah hott mich ivvah-gevva in di hend funn mei feinda, un ich kann nett geyyich si shtay.

Glawk-Leedah 2:17

Da Hah hott gedu vass eah im sinn katt hott; eah hott sei vatt ausgedrawwa es eah lang zrikk gebodda katt hott. Eah hott dich nunnah kshmissa unni bamhatzichkeit; eah hott dei feinda glost sich froiya ivvah dich, un hott iahra macht noch shteikah gmacht.

Glawk-Leedah 5:5

Mitt en yoch um unsah hals sinn miah gedrivva, miah sinn meet un finna kenn roo.

Daniel 4:37

Nau doon ich, da Nebukadnezar, da Kaynich fumm himmel lohva, preisa un eahra, veil alles es eah dutt recht is un sei vayya sinn gerecht. Un eah kann ennich ebbah daymeedicha es lawft in hohchmoot.

Amos 2:14

Da kshvind zayld nett vekk kumma, da shteik faliaht sei grefta, un da mechtich greeks-gnecht kann sei layva nett halda.

Amos 3:1

Heichet's vatt es da Hah auskshprocha hott geyyich eich, diah Kinnah-Israel—geyyich di gans family es ich ruff aus Egypta gebrocht habb:

Amos 3:2

“Eich laynich funn awl di families uf di eaht habb ich raus groofa un acht gevva druff. Fasell zayl ich eich shtrohfa fa awl eiyah sinda.”

Amos 5:13

Fasell dutt da shmeaht mann nix sawwa an so en zeit, fa di zeida sinn evil.

Micha 2:1

Vi shlecht zayld's sei fa selli es vakkah leiya, selli es shkeema in iahra beddah fa evil du! Vann meiyet kumd, dann gayn si un doon's, veil si di macht henn fa's du.

Römer 16:4

Si henn iahra hals in di kfoah gedu fa mei layva. Fa dess gevvich eena dank, un nett yusht ich laynich, avvah awl di gmayna es nett unnich di Yudda sinn, doon aw.

Epheser 5:16

Un machet's mensht aus di zeit, fa di dawwa sinn evil.

5. Mosi 28:48

dann deich zeida funn hungahs-noht un dasht, un nakkichheit un oahmoot zayla diah eiyah feinda deena es da Hah geyyich eich shikt. Eah zayld en eisich yoch uf eiyah hals du biss eah eich zu nix gebrocht hott.

Jakobus 2:13

Fa's zayld en unbamhatzich gericht uf sellah kumma vo kenn bamhatzichkeit veist, un di bamhatzichkeit froit sich ivvah's gericht.