Matthäus 7:2 - Pennsylvania Dutch Bible

² Fa grawt vi diah anri richtet, so zaylet diah aw gricht vadda. Es vatt eich gmessa grawt vi diah messa doond fa anri.

Matthäus 7:2 Iomraidhean Croise

2. Samuel 21:5

Si henn ksawt zumm kaynich, “Veyyich sellah mann es unsah leit doht gmacht hott, un broviaht hott uns gans ausreiva so es miah nau kenn blatz henn in gans Israel,

Psalm 109:17

Eah hott geglicha en fluch ausshprecha; loss en fluch uf een kumma. Eah hott nett geglicha en sayya gevva; loss di sayya veit vekk sei funn eem.

2. Mosi 21:24

en awk fa en awk, en zoh fa en zoh, en hand fa en hand, en foos fa en foos,

Jesoiya 33:1

Vay zu diah, du es faveeshta dusht, du selvaht voahsht nett faveesht! Un du fafiahrah, nimmand hott dich fafiaht! Vann du moll ufheahsht faveeshta, zaylsht du selvaht faveesht vadda; vann du moll shtobsht fafiahra, zaylsht du selvaht fafiaht vadda.

Jeremia 34:17

So dess is vass da Hah nau sawkt: Diah hend miah nett keicht. Diah hend nett ksawt es eiyah broodah un eiyah nochbah frei sei sella, so nau shprech ich en freiheit aus zu eich, sawk da Hah. Ich mach eich frei fa falla unnich em shvatt, peshtelens un hungahs-noht. Ich mach eich grausam zu awl di kaynich-reicha uf di eaht.

Jeremia 51:24

“Fannich eiyah awwa zayl ich Babylon un selli es drinn voona zrikk betzawla fa di evili sacha es si gedu henn zu Zion,” sawkt da Hah.

Obadia 1:15

Da richts-dawk fumm Hah is nayksht fa awl di heida. So vi du gedu hosht, zayld's gedu sei zu diah; vass du fadeend hosht zayld uf dei kobb kumma.

Matthäus 6:14

Vann diah leit fagevva doond vann si in faylah kumma, dann zayld eiyah Faddah im Himmel eich aw fagevva.

Markus 4:24

Un eah hott ksawt, “Gevvet acht vass diah heahret; vi diah ausmesset, so vatt's viddah zrikk gmessa zu eich, un may vatt gevva zu eich vo heahra.

Lukas 6:38

gevvet, un's vatt viddah gevva zu eich. Es vatt gmessa bei's nunnah drikka un's zammah shidla, un's vatt ivvah-lawfa in eiyah shohsa. Fa so vi diah ausmesset vann diah gevvet, so vatt's gmessa vann diah's viddah zrikk greeyet.”

2. Korinther 9:6

Ich sawk dess: Deah vo shpoaht am sayya, dutt aw vennich eahnda, un deah vo feel sayt, dutt aw feel eahnda.

Jakobus 2:13

Fa's zayld en unbamhatzich gericht uf sellah kumma vo kenn bamhatzichkeit veist, un di bamhatzichkeit froit sich ivvah's gericht.

Di Offenbarung 18:6

Gevvet zrikk zu iahra vi see gevva hott; betzawlet see zvay mohl zrikk fa vass see gedu hott. Fillet zvay mohl's kobli es see kfild hott.

Richtah 1:7

Da Adoni-Besek hott ksawt, “Sivvatzich kaynicha es di zvay daumah un di grohsa zeyya abkshnidda katt henn, henn als di brokka ufglaysa unnich mei dish. So vi ich gedu habb, so hott Gott mich zrikk betzawld.” No henn si een an Jerusalem gebrocht un eah is datt kshtauva.

Richtah 5:27

An iahra fees is eah kfalla, eah is kfalla, un hott datt gleyya. An iahra fees is eah nunnah ganga, datt is eah kfalla, vo eah nunnah ganga is, datt is eah kfalla un voah doht.

1. Samuel 15:33

Avvah da Samuel hott ksawt, “Vi dei shvatt veibsleit grawbt hott funn iahra kinnah, so soll dei maemm grawbt sei funn iahra kinnah unnich veibsleit.” No hott da Samuel da Agag in shtikkah kakt fannich em Hah an Gilgal.