Matthäus 5:5 - Pennsylvania Dutch Bible

⁵ Ksaykend sinn selli vo daymeedich sinn. Di eaht zayld iahra sei.

Matthäus 5:5 Iomraidhean Croise

Psalm 147:6

Da Hah haybt di nunnah-gedreddana uf un shtohst di gottlohsa uf da bodda.

Psalm 149:4

Fa da Hah hott blesiah in sei leit, eah dekt di daymeedicha ivvah mitt saylichkeit.

Psalm 22:26

Selli es leida, sella essa un satt sei; selli es da Hah sucha zayla een lohva. Eiyah hatza sella ayvichlich layva.

Psalm 25:13

Da Hah saykend een mitt en goot layva, sei nohch-kummashaft zayld's land eahva.

Psalm 25:9

Eah fiaht di daymeedicha in vass recht is, un land eena sei vayk.

Psalm 37:11

Di daymeedicha zayla's land eahva, un zayla sich froiya mitt en grohsah fridda.

Psalm 37:22

Selli es ksaykend sinn bei eem, eahva's land, avvah selli es faflucht sinn bei Gott, vadda abkshnidda.

Psalm 37:29

Di gerechta zayla's land eahva, un drinn voona fa'immah.

Psalm 37:34

Voaht uf da Hah, un hald dich uf seim vayk. No haybt eah dich uf fa's land eahva. Vann di gottlohsa abkshnidda vadda, zaylsht du's sayna.

Psalm 37:9

Fa di gottlohsa vadda abkshnidda, avvah selli es voahra uf da Hah, zayla's land eahva.

Psalm 69:32

Di aylendicha sayna dess un sinn froh; diah es Gott suchet, losset eiyah hatza moot havva.

Jesoiya 11:4

Avvah mitt gerechtichkeit zayld eah di oahma richta, un zayld eahlich sei mitt di aylendicha im land. Eah zayld di eaht shlauwa mitt em shtekka funn sei maul, un mitt sei ohften zayld eah di gottlohsa doht macha.

Jesoiya 29:19

Di daymeedicha zayla sich viddah froiya im Hah, un di oahma unnich di leit zayla sich froiya in em Heilicha funn Israel.

Jesoiya 60:21

No zayla awl dei leit gerecht sei, un si zayla's land aykna fa'immah. Si sinn da blansa es ich geblanst habb, di eahvet funn mei hend, so es ich fagleaht va.

Jesoiya 61:1

Da Geisht funn Gott da Hah is uf miah, veil da Hah mich ksalbt hott fa goodi zeiya breddicha zu di oahma. Eah hott mich kshikt fa selli hayla mitt vayyi hatza, fa di freiheit fakindicha zu di kfangana, un fa selli frei macha es gebunna sinn.

Zephania 2:3

Suchet fa da Hah, diah daymeedichi im land, diah es sei gebodda haldet. Suchet gerechtichkeit, suchet daymoot, fleicht vaddet diah fafayld uf da dawk fumm Hah sei zann.

4. Mosi 12:3

(Nau da Mosi voah en daymeedichah mensh, may so es alli mensh uf di eaht.)

Matthäus 11:29

Nemmet mei yoch uf eich un lannet funn miah. Ich binn sanftmeedich un daymeedich im hatz, un diah finnet roo fa eiyah sayl,

Matthäus 21:5

“Sawk di dochtah funn Zion, ‘Gukk moll, dei Kaynich is am zu diah kumma. Eah is daymeedich un is am reida uf en donkey, sell is, en hutsh aus en donkey.’”

Römer 4:13

Di fashpreching zumm Abraham un zu sei nohch-kummashaft es si di veld eahva sella, is nett kumma deich's Ksetz, avvah deich di gerechtichkeit vo kumd funn glawva.

Galater 5:23

daymoot, un fashtendlichkeit. Es hott kenn Ksetz geyyich so sacha.

Epheser 4:2

Seind daymeedich un hayvet eich nett ovvich anri; seind geduldich un layvet mitt-nannah in leevi.

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

1. Timotheus 6:11

Avvah du, mann funn Gott, hald dich frei funn dee sacha. Gay di gerechtichkeit, di Gottheit, em glawva, di leevi, em geduld un di sanftmoot nohch.

2. Timotheus 2:25

Selli vo geyyich een sinn muss eah da recht vayk veisa mitt sanftmoot, fa Gott mecht eena di gleyyaheit gevva fa sich bekeahra un di voahheit bekenna.

Titus 3:2

Si sella nett veesht shvetza veyyich ennich ebbahm un nett zadda, avvah si sella fridlich un sanftmeedich sei zu awl mensha.

Jakobus 1:21

So dann, doond alles vekk es unsauvah un ungerecht is, un mitt daymoot nemmet's Vatt oh es in eich geblanst is. Dess is es Vatt vo eiyah sayl saylich macha kann.

Jakobus 3:13

Veah is en mensh mitt veisheit un eisicht unnich eich? Deich sei goot layva loss een sei verka veisa mitt daymoot un veisheit.

1. Petrus 3:15

avvah heilichet Gott es da Hah in eiyah hatza. Un seind immah grisht fa en andvat gevva mitt daymoot un furcht zu alli-ebbah es eich frohkt veyyich di hofning es in eich is.

1. Petrus 3:4

avvah losset's da innahlich mensh fumm hatz sei, di unfagenglich sach es kumd funn en sanftmeedichah un en shtillah geisht. Dess is vass keshtlich is zu Gott.