Matthäus 24:8 - Pennsylvania Dutch Bible

⁸ Awl dess is yusht da ohfang funn feel druvla.

Matthäus 24:8 Iomraidhean Croise

Jesoiya 10:4

'Sis no nix ivvahrich es vi fa unnich di kfangana gneeya, adda fa nunnah falla unnich di dohda. Un deich awl dess is sei zann nett vekk gedrayt; sei shtrohf-hand is alsnoch naus kshtrekt.

Jesoiya 9:12

Di Aramayah funn di east, un di Philishtah funn di west; si henn Israel kfressa mitt iahra meilah uf. Avvah fa awl sell, sei zann lost nett nohch; sei shtrohf-hand is alsnoch naus kshtrekt.

Jesoiya 9:17

Fasell dutt da Hah sich nett froiya ivvah iahra yungi mennah, un eah davvaht aw nett di kinnah unni eldra un di vitt-veivah, veil alli-ebbah gottlohs un ungerecht is un alli maul shvetzt evili sacha. Avvah fa awl sell, sei zann lost nett nohch, sei shtrohf-hand is alsnoch naus kshtrekt.

Jesoiya 9:21

Da Manasse broviaht da Ephraim fressa, un da Ephraim broviaht da Manasse fressa; avvah di zvay zammah zayla drayya geyyich Juda. Doch fa awl dess, sei zann lost nett nohch, un sei shtrohf-hand is alsnoch naus kshtrekt.

Hosea 13:13

Eah hott di shmatza funn en fraw am en kind havva, avvah's kind hott kenn veisheit; vann di zeit moll kumd, dann brecht eah nett aus em muddahs-leib.

Markus 13:8

Ay land zayld greek macha geyyich's anra, un ay kaynich-reich geyyich em anra, un di eaht zayld shidla do un datt in feel bletz. Un leit zayla fahungahra; es zayld ufruah un druvvel sei in feel bletz. Dess is da ohfang fumm grohsa druvvel.

Lukas 21:12

Avvah eb awl dess blatz nemd, zayla si eich fesht nemma un eich fafolka, un shikka eich nuff an di Yudda gmay-heisah un in di jail-heisah, un diah vaddet fannich kaynicha un govvenahs gebrocht deich mei nohma.

5. Mosi 28:59

dann zayld da Hah veeshti sacha uf eich un eiyah nohch-kummashaft shikka. Eah zayld eich shlauwa mitt shreklich leides un mitt veeshti un langi grankeda.

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Jakobus 5:1

Kummet nau, diah reichi, veinet un heilet fa's aylend vo ivvah eich kumma zayld.