Matthäus 18:3 - Pennsylvania Dutch Bible

³ un hott ksawt, “Voahlich, ich sawk eich, unni es diah eich drayyet un vaddet vi glenni kinnah, kennet diah nett in's Himmel-Reich nei gay.

Matthäus 18:3 Iomraidhean Croise

Psalm 131:2

Avvah ich habb mei sayl shtill un ruich gmacht, vi en glay kind is bei sei maemm. Vi en glay kind bei sei muddah, so is mei sayl shtill in miah.

Jesoiya 6:10

Mach's hatz funn dee leit fashtokt; mach iahra oahra dawb, un iahra awwa blind. Adda si mechta sayna mitt iahra awwa, heahra mitt iahra oahra, fashtay mitt iahra hatz, un sich bekeahra un kayld vadda.”

Matthäus 13:15

Dee leit iahra hatza sinn fashtokt. Si sinn hatt-heahrich un henn iahra awwa zu gmacht, so es si nett sayna kenna mitt iahra awwa, un heahra kenna mitt iahra oahra, un fashtay im hatz, un boos du so es ich si hayla kann.’

Matthäus 18:2

No hott eah en kind bei groofa un hott's in di mitt funn eena gedu,

Matthäus 18:4

Veah-evvah es sich daymeedich macht vi dess kind, sellah is da graysht im Himmel-Reich.

Matthäus 19:14

avvah Jesus hott ksawt, “Losset di kinnah zu miah kumma, un fahinnahret si nett, fa zu sohwichi heaht's Himmel-Reich.”

Matthäus 19:23

Un Jesus hott ksawt zu sei yingah, “Voahlich, ich sawk eich, es zayld hatt sei fa en reichah mann in's Himmel-Reich kumma.

Matthäus 5:18

Ich sawk eich di voahret; so lang es da Himmel un di eaht shtayn, zayld nett ay bushtawb, adda ay punka, vekk gnumma vadda fumm Ksetz, nett biss es alles folfild is.

Matthäus 5:20

Ich sawk eich, vann eiyah gerechtichkeit nett bessah is es di gerechtichkeit funn di shrift-geleahrah un di Pharisayah, dann kennet diah nett in's Kaynich-Reich fumm Himmel kumma.”

Matthäus 6:16

“Vann diah fashta doond, sella diah nett du vi di heichlah. Si doon savvah gukka un doon iahra ksichtah fashtella so es leit sayna es si am fashta sinn. Ich sawk eich di voahret; si henn awl di betzawling es si greeya zayla.

Matthäus 6:2

So, vann du oahma-geld gebsht, du nett en grohs vaysa macha vi di heichlah in di Yudda gmay-heisah un in di shtrohsa doon, so es di leit shvetza diveyya. Ich sawk eich di voahret, si henn awl di betzawling es si greeya zayla.

Matthäus 6:5

“Un vann du baydsht, solsht du nett sei vi di heichlah. Si gleicha anna shtay un bayda in di Yudda gmay-heisah un in di shtrohs-ekka vo di leit si sayna kenna. Ich sawk diah di voahret; si henn awl di betzawling es si greeya zayla.

Markus 4:12

‘So es si oahrich gukka kenna avvah nett sayna, un es si goot heahra kenna avvah nett fashtay, adda si mechta sich bekeahra un no fagevva greeya.’”

Lukas 13:24

“Broviahret hatt fa deich di eng deah gay, fa ich sawk eich, feel vella nei gay es nett kenna.

Lukas 22:32

Avvah ich habb gebayda fa dich so es dei glawva dich nett falost, un vann du dich viddah zrikk gedrayt hosht, no gebb drohsht zu dei breedah so es iahra glawva shteikah vatt.”

Johannes 1:51

Un eah hott ksawt zu eem, “Voahlich, voahlich, ich sawk eich, funn nau on zaylet diah da Himmel sayna, veit uf, un Gott sei engel am uf un ab gay uf da Mensha Sohn.”

Johannes 3:3

Jesus hott ksawt zu eem, “Voahlich, voahlich, ich sawk diah, vann ebbah nett nei un viddah-geboahra is, dann kann eah's Reich-Gottes nett sayna.”

Johannes 3:5

Jesus hott ksawt, “Voahlich, voahlich, ich sawk diah, vann en mensh nett geboahra is funn vassah un fumm Geisht, dann kann eah nett in Gott sei Kaynich-Reich nei kumma.

Di Apostelgeschichte 14:22

Si henn di yingah fagrefticht in iahra sayla un henn si famohnd fa ohhalda im glawva. Si henn eena ksawt, deich feel dreebsawl missa miah in's Reich-Gottes kumma.

Di Apostelgeschichte 28:27

Di hatza funn dee leit sinn fashtokt. Iahra oahra sinn hatt-heahrich, un si henn iahra awwa zu gmacht, so es si nett sayna mitt iahra awwa, un nett heahra mitt iahra oahra, un nett fashtayn mitt iahra hatza. Shunsht dayda si sich bekeahra un ich dayt si hayla.”’

Di Apostelgeschichte 3:19

So doond boos, drayyet funn eiyah sinda, un bekeahret eich, so es eiyah sinda ausgrivva vadda, un di zeit kumd es miah famohnd vadda fumm Hah;

1. Korinther 14:20

Leevi breedah, seind nett kinnah in eiyah fashtendnis. Seind kinnah im baysa, avvah in eiyah fashtendnis seind ufgvaxa.

1. Petrus 2:2

Vi nei geboahrani kinnah en falanga henn fa millich, so hend en falanga fa geishtlichi millich im vatt, so es diah vaxa kennet deich sell,

2. Petrus 1:11

Un in sellem vayk vatt di deah grohs uf gmacht fa eich zu em ayvicha reich funn unsah Hah un Heiland Jesus Christus.