Lukas 4:18 - Pennsylvania Dutch Bible

¹⁸ “Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Lukas 4:18 Iomraidhean Croise

1. Mosi 3:15

Ich du en hass zvishich dich un's veibsmensh, un zvishich dei sohma in iahra sohma. Eah zayld dei kobb fadredda, un du zaylsht sei feahshta shtecha.”

2. Chronik 34:27

Veil dei hatz vayyich voah un du dich gedaymeedicht hosht fannich Gott vo du di vadda keaht hosht geyyich deah blatz un geyyich dee leit, un veil du dich gedaymeedicht hosht fannich miah, dei glaydah farissa hosht, un keild hosht fannich miah, dann habb ich dich keaht, sawkt da Hah.

Psalm 102:20

Eah hott's geyammah keaht funn di kfangana, un hott selli lohs gedrayt es doht gmacht sei henn sella.

Psalm 147:3

Eah hayld selli es fabrochani hatza henn, un bind iahra vayyi blakka uf.

Psalm 2:2

Di kaynicha funn di eaht setza sich uf, un di roolahs fasamla sich zammah geyyich da Hah, un geyyich sei Ksalbdah.

Psalm 2:6

“Ich habb mei Kaynich eiksetzt uf mei heilichah hivvel funn Zion.”

Psalm 34:18

Da Hah is nayksht zu selli es fabrochani hatza henn, un setz selli frei es moot faloahra henn.

Psalm 45:7

Du leebsht gerechtichkeit un hasht vass gottlohs is. Fasell hott Gott, dei Gott dich haychah ufketzt es ennich ebbah shunsht, bei dich salba mitt em ayl funn frayt.

Psalm 51:17

Di opfahra es Gott kfellich sinn, sinn en gebrochanah geisht; en gebrocha un en daymeedich hatz, oh Gott, dusht du nett fa'achta.

Jesoiya 32:3

No doon selli es sayna kenna, iahra awwa nett zu macha un selli es heahra kenna, zayla goot abheicha.

Jesoiya 35:5

No vadda di awwa funn di blinda uf gmacht, un di oahra funn di dawba zayla heahra.

Jesoiya 42:7

fa di awwa funn di blinda uf macha, di kfangana aus em kfengnis fiahra, un selli es im dunkla hokka, frei macha.

Jesoiya 45:13

Ich habb een (da Cyrus) uf gvekt fa mei gerechtichkeit veisa; ich mach awl sei vayya ayva. Eah zayld mei shtatt bauwa, un mei kfangani frei macha, avvah eah grikt nix un vatt nett betzawld difoah;” so sawkt da Awlmechtich Hah.

Jesoiya 49:9

Ich sawk zu di kfangana, ‘Kummet raus,’ un zu selli im dunkla, ‘Seind frei!’ Si zayla feedra an di vayya nohch un vayt finna uf awl di bludda hivla.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Jesoiya 57:15

Dess is vass da Hohch un Heilich Gott sawkt— deah es ayvich laybt un es da nohma “Heilich” hott: “Ich voon in en hohchah un heilichah blatz, un aw mitt selli es bekeaht un daymeedich im geisht sinn, so es ich da geisht greftich macha kann funn selli es daymeedich sinn, un's hatz funn selli es bekeaht sinn.

Jesoiya 59:21

“Dess is mei bund es ich mach mitt eena,” sawkt da Hah. “Mei Geisht es uf diah is, un mei vadda es ich in dei maul gedu habb, zayla dei maul nett falossa, un aw nett di meilah funn dei kinnah, adda di meilah funn dei nohch-kummashaft nau un fa'immah,” so sawkt da Hah.

Jesoiya 61:1

Da Geisht funn Gott da Hah is uf miah, veil da Hah mich ksalbt hott fa goodi zeiya breddicha zu di oahma. Eah hott mich kshikt fa selli hayla mitt vayyi hatza, fa di freiheit fakindicha zu di kfangana, un fa selli frei macha es gebunna sinn.

Jesoiya 66:2

Hott nett mei hand awl dee sacha gmacht, un gmacht es si do sinn?” sawkt da Hah. “Avvah dess is da mensh es ich ditzu gukk, sellah es daymeedich is mitt en gebrocha hatz, un es en furcht hott fa mei vatt.

Ezekiel 9:4

Eah hott ksawt zu eem, “Gay naus deich di shtatt funn Jerusalem, un mach en meik uf di shtanna funn selli leit es heila un yammahra ivvah di grausama sacha es gedu vadda in di shtatt.”

Daniel 9:24

Sivvatzich mohl sivva vocha is di zeit es ksetzt is fa dei leit un eiyah heilichi shtatt fa ufheahra ivvah-dredda. Fa en end macha funn sinda, fa opfahra macha fa ungettlichkeit, fa ayvichi gerechtichkeit rei bringa, fa di vision un vass gebroffetzeit is uf seala un fa's Alli-Heilichshta salba.

Zephania 3:12

Ich loss selli datt in di mitt funn diah es sich daymeedich un niddah hayva, selli es em Hah sei nohma drauwa.

Sacharia 11:11

So voah's bund fabrocha uf sellah dawk, un di oahma in di drubb es am mich vatsha voahra, henn gvist es dess em Hah sei vatt voah.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Matthäus 11:5

Di blinda kenna sayna un di lohma kenna lawfa. Di aussetzicha sinn kayld un di dawba kenna heahra. Di dohda shtayn uf un di oahma heahra's Effangaylium gebreddicht.

Matthäus 12:18

“Do is mei gnecht es ich raus groofa habb. Ich du een leeva, un mei sayl is goot zufridda mitt eem. Ich zayl mei Geisht uf een du, un eah zayld gericht breddicha zu di Heida.

Matthäus 12:20

Eah zayld en shvachah shtekka nett fabrecha, un eah zayld en veecha es am shmohka is nett ausgay macha, biss sei gericht ivvah-hand nemd.

Matthäus 4:16

Di leit vo im dunkla kokt henn, henn en grohs licht ksenna. Un zu dee vo im land un im shadda fumm doht kokt henn, is en licht uf kumma.”

Matthäus 5:3

“Ksaykend sinn selli vo oahm sinn im geisht. Es Kaynich-Reich fumm Himmel is iahres.

Lukas 4:17

un si henn eem's buch fumm brofayt Jesaia gevva. Eah hott's buch uf gmacht un hott da blatz kfunna vo's sawkt,

Lukas 6:20

No hott eah ivvah sei yingah gegukt un hott ksawt, “Ksaykend sind diah vo oahm sind, fa's Kaynich-Reich funn Gott is eiyahs.

Lukas 7:22

No hott eah em Johannes sei yingah ksawt, “Gaynd un sawwet em Johannes vass diah ksenna un keaht henn: di blinda kenna sayna, di lohma kenna lawfa, dee mitt aussatz vadda sauvah, di dawba kenna heahra, di dohda vadda uf gvekt, un di oahma greeya's Effangaylium gebreddicht zu eena.

Johannes 1:41

Eah hott seahsht sei broodah, da Simon kfunna un hott ksawt zu eem, “Miah henn da Messias kfunna (dess maynd Christus).”

Johannes 12:46

Ich binn in di veld kumma es en licht, so es awl dee vo an mich glawva, nimmi im dunkla bleiva braucha.

Johannes 3:34

Fa deah vo Gott kshikt hott shvetzt di vadda funn Gott; zu eem gebt Gott da Geisht unni en ausmessa.

Di Apostelgeschichte 10:38

Gott hott Jesus funn Nazareth ksalbt mitt em Heilicha Geisht un mitt graft. Eah is rumm heah ganga am goot du, un hott dee kayld vo unnich em Deivel voahra, veil Gott bei eem voah.

Di Apostelgeschichte 26:18

fa iahra awwa uf macha un si drayya fumm dunkla zumm licht, un funn di graft fumm Satan zu Gott. Dess is so es si iahra sinda fagevva greeya un en eahbshaft greeya mitt selli es heilich gmacht sinn deich da glawva an mich.’

Di Apostelgeschichte 4:26

Di kaynicha funn di eaht sinn ufkshtanna geyyich een, un di foah-gengah henn sich fasammeld geyyich da Hah un geyyich sei Christus.’

Di Apostelgeschichte 4:27

Voahlich, do in Jerusalem henn si sich fasammeld geyyich dei Heilichah Sohn Jesus, vo du ksalbt hosht. Da Herodes, un da Pontius Pilawtus mitt di Heida, un di leit funn Israel,

Kolosser 1:13

Eah hott uns aus di gvald fumm dunkla gebrocht un hott uns ivvah-ksetzt in's reich funn seim leeblicha Sohn,

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?

1. Petrus 2:9

Avvah diah sind en raus groofa kshlecht, en kaynichi preeshtahshaft, en heilich folk, en leit es zu Gott heaht, so es diah di vundahboahra sacha sawwa sellet veyyich eem, deah vo eich aus em dunkla groofa hott in sei vundahboahri helling.