Lukas 16:3 - Pennsylvania Dutch Bible

³ No hott da haus-haldah zu sich selvaht ksawt, ‘Vass soll ich du nau vann da meishtah moll mei eahvet vekk nemd? Ich binn nett shteik genunk fa grawva mitt di shaufel, un ich shemm mich fa gay bedla.

Lukas 16:3 Iomraidhean Croise

Esther 6:6

Vo da Haman rei kumma is hott da kaynich een kfrohkt, “Vass sett gedu sei zumm mann es da kaynich gleicha dayt eahra?” Nau da Haman hott zu sich selvaht gedenkt, “Veah is es es da kaynich leevah eahra dayt es mich?”

Shpricha 13:4

En faulah mann vill sach havva un eah grikt nix, avvah di fleisicha greeya vass si vella.

Shpricha 15:19

Da vayk fumm faula mann is ivvah-gvaxa mitt danna, avvah di pawt funn di ufrichticha is en gladdah vayk.

Shpricha 18:9

Aynah es nett hatt shaft in sei eahvet, is en broodah zu sellah es zammah reist.

Shpricha 19:15

Faulheit bringd deefah shlohf, un leit es nett shaffa gayn hungahrich.

Shpricha 20:4

Da faul mann dutt nett bloowa im shpoht-yoah, so hott eah nix un muss bedla an di eahn.

Shpricha 29:21

Vann en mann seim gnecht alles gebt es eah vill funn glennem uf, dann nemd da gnecht alles ivvah am end.

Jesoiya 10:3

Vass zaylet diah du im gericht's dawk, im veeshta shtoahm es kumma zayld funn veit ab? Zu vemm shpringet diah no fa hilf, un vo losset diah no eiyah hallichkeit un eah?

Jeremia 5:31

Di brofayda broffetzeiya leeya, di preeshtah roola vi si vella un mei leit gleicha's vi sell. Avvah vass zaylet diah du vann dess moll awl end?”

Hosea 9:5

Vass zaylet diah no du an di fesht-zeida, un uf di feiyah-dawwa fumm Hah?

Matthäus 20:8

Un vo ohvets kumma is hott da ayknah fumm drauva-goahra ksawt zu seim ivvah-saynah, ‘Roof di shaff-leit bei un gebb eena iahra lohn. Shteaht mitt di letshta un gay nuff biss di eahshta vo gedunga voahra.’

Markus 10:46

Nau sinn si in Jericho kumma un vo Jesus deich di shtatt raus is mitt sei yingah, sinn en grohsi drubb leit mitt eem ganga. Es voah en blindah mann datt es Bartimaeus kaysa hott. Eah voah em Timaeus sei boo un hott nayvich em vayk kokt am bedla.

Lukas 12:17

No hott eah zu sich selvaht gedenkt, ‘Vass soll ich du; ich habb nett genunk blatz fa mei frucht shtoahra?’

Lukas 16:2

Un eah hott een zu sich groofa un hott ksawt, ‘Vass is dess es ich heah veyyich diah? Dray en shreives nei funn deim haus-haldes, fa du kansht nimmi mei haus-haldah sei.’

Lukas 16:20

An sei deah hott en oahmah mann gleyya es Lazarus kaysa hott. Eah hott vayyi blakka ivvah sich katt.

Lukas 16:22

Endlich is da oahm mann kshtauva un di engel henn een nuff gedrawwa im Abraham sei shohs. Da reich mann is aw kshtauva un is fagrawva vadda.

Lukas 16:4

Ich vays vass ich du so es di leit mich in iahra heisah nei nemma vann ich moll kenn eahvet may habb.’

Lukas 18:4

Fa en veil hott eah see yusht nunnah gedrayt, avvah shpaydah hott eah ksawt zu sich selvaht, ‘Ich feich mich nett veyyich Gott adda mensha,

Johannes 9:8

Di nochbahra un selli vo een ksenna katt henn bedla difoah henn ksawt, “Is dess nett da mann vo als kokt hott am bedla?”

Di Apostelgeschichte 3:2

Un's voah en mann datt es lohm geboahra voah. Deah mann hott sich alli dawk drawwa glost zu di tempel deah es Shay kaysa hott. Do hott eah als gebeddeld fa geld funn di leit es in da tempel ganga sinn.

Di Apostelgeschichte 9:6

Da Saul hott sich so kfeicht es eah geziddaht hott, un hott kfrohkt, “Hah, vass vitt du havva es ich du soll?” Da Hah hott ksawt zu eem, “Shtay uf un gay in di shtatt, un's zayld diah ksawt vadda vass du du solsht.”

2. Thessalonicher 3:11

Fa miah heahra's sinn edlichi unshiklich unnich eich es nix shaffa un macha yusht druvvel.