Lukas 1:53 - Pennsylvania Dutch Bible

⁵³ Eah hott di hungahricha ufkfild mitt goodi sacha, un hott di reicha fatt kshikt unni ebbes.

Lukas 1:53 Iomraidhean Croise

Psalm 146:7

deah es recht dutt zu selli es nunnah gedredda sinn, un gebt ess-sach zu di hungahricha. Da Hah macht di kfangana frei.

Psalm 34:10

Di yunga layb gayn hungahrich un vadda shvach, avvah selli es da Hah sucha, henn kenn noht fa ennich goot ding.

Ezekiel 34:29

Ich gebb eena en land es ohksenna is fa grohsi crops vaxa, un si zayla nimmi hungahs-noht leida adda en shpott sei zu di heida.

Matthäus 5:6

Ksaykend sinn selli vo hungahrich un dashtich sinn fa di gerechtichkeit. Si zayla satt vadda.

Lukas 1:54

Eah hott sei gnecht, di kinnah funn Israel, kolfa, un hott nett fagessa ayvichlich bamhatzich sei

Lukas 6:21

Ksaykend sind diah vo hungahrich sind, fa diah zaylet satt vadda. Ksaykend sind diah vo heilet, fa diah zaylet lacha.

Lukas 6:24

Avvah vay zu eich vo reich sind, fa diah hend shund eiyah drohsht.

Johannes 6:35

Jesus hott ksawt zu eena, “Ich binn's levendich broht; deah vo zu miah kumd vatt nee nimmi hungahrich, un deah vo an mich glawbt vatt nee nimmi dashtich.

1. Korinther 1:26

Fa denket moll an eiyah beroof, leevi breedah, nett feel mitt veldlichi veisheit, nett feel shteiki, nett feel hohch-geboahrani sinn raus groofa.

1. Korinther 4:8

Diah sind nau shund satt; diah sind nau shund reich, un layvet vi kaynicha unni uns. Ich vott diah veahret rechti kaynicha so es miah mitt eich roola kenda!

1. Samuel 2:5

Selli es foll voahra fadinga sich naus fa broht, avvah selli es hungahrich voahra sinn nimmi hungahrich. Selli es unfruchtboah voah hott sivva kinnah geboahra, avvah selli mitt feel kinnah is am fazeahra.