Joshua 4:19 - Pennsylvania Dutch Bible

¹⁹ Uf em zeyyada dawk fumm eahshta moonet sinn di leit ruff aus em Jordan kumma, un henn iahra tents ufkokt an Gilgal uf di east seit funn Jericho.

Joshua 4:19 Iomraidhean Croise

2. Kaynicha 2:1

Di zeit is kumma fa da Hah da Elia nuff in da himmel nemma in en vind-veahvel. Da Elia un da Elisa voahra am vekk gay funn Gilgal.

Amos 4:4

“Yau, gaynd an Beth-El un sindichet, gaynd an Gilgal un sindichet noch may. Bringet eiyah opfahra alli meiya, un eiyah zeyyadel alli drei yoah.

Amos 5:5

suchet nett hilf funn Beth-El, gaynd nett zu Gilgal, un gaynd nett nivvah zu Beer-Seba. Fa Gilgal vatt kfanga vekk gnumma, un Beth-El zayld zu nix kumma.”

Micha 6:5

Mei leit, denket zrikk, an vass da Balak, da kaynich funn Moab, grohda hott, un vass em Beor sei boo, da Bileam, eem gandvat hott. Un Denket droh vo diah funn Sittim zu Gilgal ganga sind, so es diah meindet es da Hah eich alles goodes gedu hott.”

5. Mosi 1:3

Un's is zu kumma im fatzichshta yoah uf em eahshta dawk fumm elfta moonet, es da Mosi alles auskshprocha hott zu di Kinnah-Israel es da Hah een gebodda hott fa eena sawwa.

5. Mosi 11:30

Diah visset es dee berga uf di annah seit fumm Jordan sinn. Si sinn west fumm vayk es di sunn unnah gayt, im land funn di Kanaaniddah es in Arabah nayksht an Gilgal layva, nayvich di aycha-baym funn Moreh.

Joshua 10:43

No is da Joshua un gans Israel mitt eem zrikk an iahra tents ganga an Gilgal.

Joshua 10:6

No henn di mennah funn Gibeon vatt kshikt zumm Joshua an Gilgal un henn ksawt, “Losset uns, eiyah gnechta, nett hokka. Kummet kshvind ruff un helfet uns aus unsah aylend. Awl di Amoritishi kaynicha funn di hivvel-lendah sinn zammah ganga geyyich uns.”

Joshua 15:7

Di lein in di natt is fumm deich funn Achor ganga zu Debir un is nadda gedrayt zu Gilgal. Gilgal is nayksht am vayk es deich di hivla funn Adummim gayt uf di saut seit fumm deich. Di lein is no on an di vassahra funn En-Semes nohch ganga un hott kshtobt an En-Rogel.

Joshua 24:11

No sind diah ivvah da Jordan rivvah kumma an Jericho. Di leit funn Jericho henn kfochta geyyich eich, un so henn di Amoriddah, di Pheresiddah, di Kanaaniddah, di Hethiddah, di Girgasiddah, di Heffiddah, un di Jebusiddah. Avvah ich habb si awl in eiyah hend gevva.

Joshua 4:18

No sinn di preeshtah es di Bundes-Lawt fumm Hah gedrawwa henn, ruff funn di mitt fumm Jordan kumma. So kshvind es iahra fees uf drukka land kumma sinn, is es vassah fumm Jordan zrikk an da blatz ganga, un voah am ivvah-lawfa vi difoah.

Joshua 5:10

Uf em ohvet fumm fatzayda dawk fumm moonet, diveil es si an Gilgal voahra am ayvana blatz datt an Jericho rumm, henn di Kinnah-Israel es Passa-Fesht kalda.

Joshua 5:9

No hott da Hah ksawt zumm Joshua, “Heit habb ich di shanda funn Egypta vekk gnumma funn eich.” So is da nohma funn sellah blatz Gilgal kaysa vadda biss deah dawk.

Joshua 9:6

No sinn si zumm Joshua an Gilgal ganga un henn ksawt zu eem un di mennah funn Israel, “Miah sinn kumma funn en land es veit fatt is. So machet en bund mitt uns.”

1. Samuel 10:8

Du solsht no fannich miah nunnah an Gilgal gay. No zayl ich nunnah kumma un brand-opfahra un dank-opfahra opfahra. Avvah du musht sivva dawk voahra biss ich zu diah kumm un diah sawk vass du du solsht.”

1. Samuel 15:33

Avvah da Samuel hott ksawt, “Vi dei shvatt veibsleit grawbt hott funn iahra kinnah, so soll dei maemm grawbt sei funn iahra kinnah unnich veibsleit.” No hott da Samuel da Agag in shtikkah kakt fannich em Hah an Gilgal.