Joshua 2:10 - Pennsylvania Dutch Bible

¹⁰ Miah henn keaht vi da Hah's vassah ufgedrikkeld hott fumm Rohda Say fa eich vo diah aus Egypta kumma sind. Miah henn aw keaht vass diah gedu hend zu di zvay kaynicha funn di Amoriddah, da Sihon un da Og, uf di annah seit fumm Jordan, vi diah si gans vekk gebutzt henn.

Joshua 2:10 Iomraidhean Croise

Psalm 74:15

Du hosht di shprings un di grikka uf gmacht, un hosht di grohsa revvahra ufgedrikkeld.

4. Mosi 20:14

Funn Kades hott da Mosi mennah kshikt zumm kaynich funn Edom mitt dee vadda: “Dess is vass dei broodah Israel sawkt: Du vaysht di haddi sacha es miah deich gmacht henn.

4. Mosi 23:22

Gott hott si aus Egypta gebrocht; eah is shteik vi's hann funn en vildah ox fa si.

4. Mosi 24:8

Gott hott een aus Egypta gebrocht; eah is so shteik vi's hann funn en vildah ox. Eah frest di heida uf es sei feinda sinn, un fabrecht iahra gnocha in shtikkah, un sheest si mitt sei arrows.

5. Mosi 2:30

Avvah da Sihon da kaynich funn Hesbon hott uns nett glost deich gay. Da Hah eiyah Gott hott em Sihon sei geisht shteibahrich gmacht un sei hatz shtokkich gmacht, so es eah ivvah-gedrayt vatt in eiyah hend vi eah is heit.

Joshua 24:12

Ich habb da hann-aysel fannich eich heah kshikt fa di zvay kaynicha funn di Amoriddah ausdreiva fannich eich. Diah hend's nett gedu mitt eiyah shvadda un bow.

Joshua 4:24

Eah hott dess gedu so es awl di leit funn di eaht vissa sella es di hand fumm Hah mechtich is, un so es diah da Hah firchtet fa'immah.”

Joshua 5:1

Nau vo di kaynicha funn di Amoriddah west fumm Jordan, un awl di kaynicha funn di Kanaaniddah am say nohch keaht henn es da Hah's vassah fumm Jordan ufgedrikkeld hott fannich di Kinnah-Israel biss si drivvah rivvah kumma sinn, dann sinn iahra hatza gans matt vadda un's voah kenn moot may in eena deich di Kinnah-Israel.

Joshua 9:10

Miah henn aw keaht vass eah gedu hott zu di zvay kaynich funn di Amoriddah uf di annah seit fumm Jordan, da kaynich Sihon funn Hesbon un da Kaynich Og funn Bason es in Astharoth gvoond henn.