Jeremia 40:1 - Pennsylvania Dutch Bible

¹ Noch demm es da Hauptmann Nebusaradan da Jeremia lohs gedrayt hott an Rama, is es vatt fumm Hah zu eem kumma. Da Nebusaradan hott da Jeremia gebunna katt mitt kedda mitt awl di anra leit funn Juda es am noch Babylon gnumma gvest voahra.

Jeremia 40:1 Iomraidhean Croise

Epheser 6:20

Fasell binn ich en botshaftah gebunna in kedda. Baydet es ich mich nett feich uf shvetza vi ich sett.

Di Apostelgeschichte 21:13

Da Paulus hott no ksawt, “Vass maynet diah fa brilla un so mei hatz fabrecha? Ich binn grisht fa nett yusht gebunna vadda, avvah aw fa shtauva an Jerusalem fa da nohma fumm Hah Jesus.”

Jeremia 31:15

Dess is vass da Hah sawkt: “En shtimm is keaht in Rama, en grohs veines un heiles; es is di Rachel am heila fa iahra kinnah, un see lost sich nett gedraysht sei, veil iahra kinnah nimmi do sinn.”

Joshua 18:25

Gibeon, Rama, Beeroth,

Di Apostelgeschichte 28:20

Fa selli uahsach havvich eich zammah groofa, so es ich eich sayna kann un shvetza kann zu eich. Fa di hofning funn Israel binn ich gebunna mitt dee kett.”

Psalm 107:16

Eah brecht eisichi deahra nunnah, un fabrecht di eisicha rikkel.

Psalm 68:6

Gott macht en haymet fa selli es zeidlang henn; eah macht di kfangana frei un helft si goot ab sei. Avvah selli es geyyich Gott shaffa missa in en drukka land layva.

1. Samuel 7:17

Avvah eah is immah zrikk an Rama ganga vo sei haus voah un hott Israel datt gricht. Datt hott eah en awldah gebaut zumm Hah.

Jeremia 39:9

Da Nebusaradan, da hauptmann, hott di leit es ivvahrich voahra in di shtatt, mitt selli es eahshtah nivvah ganga voahra zu eem un di ivvahricha leit awl mitt-nannah noch Babylon kshikt.

Ezekiel 33:21

Im zvelfda yoah es miah kfanga voahra, im zeyyada moonet un uf em fimfda dawk, is en mann zu miah kumma es sich aus Jerusalem kshaft hott un is vekk kumma. Eah hott ksawt, “Di shtatt is kfalla!”

2. Chronik 16:1

Im sex un dreisisht yoah fumm Asa sei kaynich-reich is da Baesa, da kaynich funn Israel, ruff geyyich Juda kumma un hott di shtatt Rama zu gebaut so es nimmand raus adda nei gay kann zumm Kaynich Asa in Juda.

Jeremia 42:7

Zeyya dawk shpaydah is es vatt fumm Hah zumm Jeremia kumma.