Hohches Leet 8:5 - Pennsylvania Dutch Bible

⁵ Veah is dess am ruff kumma funn di vildahnis, un lost sich uf da oahm funn iahra beleebdah? Unnich em abbel-bohm habb ich dich uf gvekt, datt voahsht du ohkfanga in dei maemm, datt in shmatza hott see dich geboahra.

Hohches Leet 8:5 Iomraidhean Croise

2. Chronik 32:8

Sei oahm is da oahm funn flaysh, avvah mitt uns is da Hah unsah Gott fa uns helfa un fechta fa uns.” Un di leit henn sich falossa uf di vadda fumm Kaynich Hiskia funn Juda.

Psalm 63:8

Mei sayl henkt zu diah, dei rechtsi hand haybt mich uf.

Psalm 63:9

Avvah selli es mei layva nemma vella, zayla nunnah gay in di deef eaht.

Hohches Leet 2:3

Mei beleebdah unnich yungi mennah is vi en abbel-bohm unnich di baym im bush. Ich gleich in seim shadda hokka un sei frucht is sees zu miah.

Hohches Leet 3:11

Gaynd naus, diah yungi mayt funn Zion un gukket an da Kaynich Solomon mitt seim krohn, da krohn es sei maemm uf een gedu hott uf em dawk funn sei hochtzich, da dawk es sei hatz fraylich voah.

Hohches Leet 3:4

Grawt noch demm es ich si falossa habb, habb ich sellah kfunna es mei hatz leeb hott. Ich habb een kohva un habb nett gay glost funn eem biss ich een zu mei maemm iahra haus gebrocht habb, an di shtubb es ich geboahra voah drinn.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Hohches Leet 4:8

Kumm mitt miah funn Lebanon, mei hochtzich-maydel, kumm funn Lebanon mitt miah. Kumm runnah funn drovva uf em Berg Amana, funn drovva uf di Berga Senir un Hermon, runnah funn di layb iahra haymeda un funn di hivla vo di leopards bleiva.

Hohches Leet 6:10

Veah is dess es gukt vi's meiya-roht, shay es da moon, un hell vi di sunn, un heilich vi di shtanna am rumm gay?

Hohches Leet 8:1

Oh, vann du yusht veahsht vi en broodah, es an mei maemm iahra brisht ksukkeld hott! No vann ich dich draus ohdreffa dayt, kend ich dich kissa, un nimmand dayt ebbes denka difunn.

Jesoiya 36:6

Du bisht am dich falossa uf Egypta, sellah fabrocha vassah-shtengel es en mann sei hand deich shtecht vann eah sich druff lost. Sell is vi da Pharao da kaynich funn Egypta is zu selli es sich falossa uf een.

Jesoiya 40:3

En shtimm is am roofa un sawkt: “Rishtet en vayk deich di vildahnis fa da Hah, machet da vayk deich's drukka land grawt fa unsah Gott.

Jesoiya 43:19

Gukket moll, ich zayl en nei ding du! 'Sis nau shund am blatz nemma; kennet diah's nett sayna? Ich zayl en vayk macha deich di vildahnis, un vassah-grikka deich's drukka land.

Jeremia 2:2

“Gay un breddich zu di oahra funn selli in Jerusalem, un sawk, ‘Dess is vass da Hah sawkt: “Ich meind noch dei shtandhaftichkeit vo du yung voahsht; du hosht mich leeb katt vi en hochtzich-maydel, un bisht miah nohch kumma in di vildahnis, deich en land es nett eiksayt voah.

Hosea 12:4

Eah hott kshtreit mitt em engel un is een ivvah-kumma; eah hott keild un kfrohkt fa en sayya. Eah hott Gott kfunna an Beth-El, un datt hott eah kshvetzt mitt eem.

Micha 3:11

Iahra evvahshti nemma geld hinna rumm, iahra preeshtah vadda betzawld fa leit lanna, un iahra brofayda broffetzeiya fa geld. Avvah doch falossa si sich uf da Hah un sawwa, “Is da Hah nett unnich uns? Nix shlechtes zayld uf uns kumma.”

Johannes 13:23

Ayns funn di yingah, deah vo Jesus leeb katt hott, voah am sich veddah sei brusht lossa.

Römer 7:4

Grawt so, mei breedah, sind diah doht vadda zumm Ksetz deich's leib funn Christus, so es diah keiyaht sind zu en anrah; naymlich, deah vo uf gvekt voah funn di dohda. Dess is so es miah frucht bringa zu Gott.

Galater 4:19

Mei leevi kinnah, grawt vi en fraw vann en kind geboahra vatt, so habb ich viddah shmatza fa eich biss Christus ufgebaut is in eich.

1. Petrus 1:21

Deich een glawvet diah an Gott, deah vo een uf gvekt hott funn di dohda un eem hallichkeit gevva hott, so es eiyah glawva un hofning in Gott is.

Di Offenbarung 12:6

Es veibsmensh is funn datt vekk kshprunga un is in di vildahnis ganga. Datt hott see en blatz es grisht is bei Gott, vo see faseikt vatt fa ay dausend, zvay hunnaht un sechtzich dawk.