Hohches Leet 4:4 - Pennsylvania Dutch Bible

⁴ Dei hals is vi da tavvah fumm Dawfit es ufglaykt is mitt shtay. En dausend shields henka druff, shields funn shteiki greeks-gnechta.

Hohches Leet 4:4 Iomraidhean Croise

2. Samuel 1:21

Oh berga funn Gilboa, es soll kenn dau adda reyyah uf eich falla un di feldah sella kenn frucht gevva. Fa datt is vo's shield funn di mechticha unrein gmacht voah, em Saul sei shield is nimmi ksalbt mitt ayl.

2. Samuel 22:51

Du gebsht dei kaynich grohsi ivvah-hand, un veisht shtandhaftichi-leevi zu deim ksalbda, zumm Dawfit un sei nohch-kummashaft fa'immah.”

Nehemia 3:19

Neksht zu eem voah em Jesua sei boo da Eser es da roolah voah funn di shtatt Mizpa. Eah hott en leng ivvah gebaut fannich em gebei es es greeks-ksha drinn voah, biss an da blatz vo di mavvah drayt.

Psalm 144:12

Loss unsah yungi boova sei vi gvaxani blansa, un unsah yungi mayt vi shtay-poshta es kakt sinn fa en kaynich-haus.

Hohches Leet 1:10

Dei bakka sinn shay, gedekt mitt keshtlichi kedda, un dei hals mitt shnuahra funn pearls.

Hohches Leet 7:4

Dei hals is vi en rundah tavvah gmacht funn ivory. Dei awwa sinn vi di vassah-lechah funn Hesbon am Bathrabbim doah. Dei naws is vi da rund tavvah funn Lebanon es geyyich Damascus gukt.

Hohches Leet 7:5

Dei kobb uf diah is vi da Berg Karmel. Dei sheinichi hoah henka nunnah, un sinn so shay es es en kaynich fanga dayt.

Hohches Leet 8:10

Ich binn en vand, un mei brisht sinn vi rundi tavvahs. So binn ich vadda zu eem vi ebbah es eem fridda gebt.

Micha 4:8

Un du, oh vatsh-tavvah funn di shohf, du shteikah hivvel fumm dochtah funn Zion; dei kaynich-reich vatt diah zrikk gevva, es kaynich-reich funn di dochtah funn Jerusalem.”

Kolosser 2:19

un bei nett ohhayva zumm kobb vo's gans ivvahrich fumm leib feedaht un zammah haybt mitt gnocha un flexa, un vaxt vi Gott's vaxa macht.

1. Petrus 1:5

Diah sind kalda bei di macht funn Gott deich da glawva zu di saylichkeit vo abgedekt sei zayld an di letsht zeit.