Zefanaya 3:3 - Holy Bible Nigerian Pidgin English

³ En leaders bi like hongry lion wey dey look for who dem go chop. Dem dey hongry like wolf for desert wey dey chop dia food finish for morning.

Zefanaya 3:3 Iomraidhean Croise

Proverbs 28:15

Just as pipol dey fear hongry lion and wiked bear, na so too poor pipol nor fit fight wiked ruler.

Isaya 1:23

Una leaders don rijet mi and na tif bi dia friends; dem dey always kollect bribe from pipol. If pipol wey nor get papa and mama and doz wey dia husband don die bring dia kase kom meet una, una nor dey defend or listin to dem.

Isaya 5:29

Di sojas dey shaut like lion wey kill animal kon karry am go where nobody go for fit take am from am.

Jeremaya 22:17

But yu dey always tink and look for ways to use wayo take make plenty money. Na to kill innocent pipol and opress yor own pipol, yu dey always tink.

Jeremaya 23:11

God sey, “Di profets and priests nor know mi; I katch dem dey do wiked tins for my temple.

Jeremaya 34:19

I go ponish Judah and Jerusalem leaders, ofisas, priests and all di pipol for di land wey make di kovenant with mi.

Jeremaya 5:6

So just as lion dey attack oda animals for bush, na so too dia enemies go attack dem and just as wolf bi for desert, na so too dem go distroy dem. Na leopard go dey guide di town and if anybody won kom out from di town, dem go distroy am, bikos dia sin too many and dem don turn from God.

Ezekiel 22:6

“All di leaders for Israel trust dia pawa and dem dey kill pipol.

Ezekiel 33:26

Una bilive sey una get pawa; dey bihave anyhow and evribody dey sleep with who nor bi dia husband or wife. So wetin make una dey tink sey na una get di land?’

Habakkuk 1:8

Dia horse fast pass leopard and e wiked pass wolf for desert. Dia men dey ride di horse kom; dem bi like eagle wey dey rush go kill en enemy.