Rut 4:6 - Holy Bible Nigerian Pidgin English

⁶ Den di man ansa, “If na like dat, den make yu, Boaz, buy am, bikos I nor wont kause wahala for my family. Make yu buy am, I nor wont again.”

Rut 4:6 Iomraidhean Croise

Jenesis 38:8

Den Judah tell Onan en pikin, “Make yu sleep with yor broda wife, make e for fit born for yor broda.”

Levitikus 25:25

If any Israel pesin dey poor and una kon force am sell en land, e relashon wey dey klose to am go must buy am back.

Deutronomi 25:7

But if di broda sey e nor go fit marry en dead broda wife, den make di woman go ripot to di eldas for di town gate sey, “My husband broda sey e nor fit keep en broda name for Israel; so e nor gri marry mi!”

Deutronomi 25:8

Den di eldas for di town go koll and tok to am. If e still sey, “I nor won marry am,”

Deutronomi 25:9

den di woman go waka go meet am for di eldas front kon remove en sandal from e leg den spit for en face. Den di woman go sey, “Make dis kind tin happen to any man wey nor gri keep en broda name for Israel!”

Rut 2:20

Naomi kon tell Rut, “Make God bless am well-well, bikos God always dey keep en promise to doz wey dey alive and doz wey don die!” Naomi kon tell Rut, “Dis man rilate to us and na senior man for awa family.”

Rut 3:13

But make yu stay here dis nite. Wen day break, if e agri sey e go marry yu, den e good like dat. But if e nor gri, I promise sey as long as God dey alive, I go marry yu. So make yu sleep till day go break.”

Rut 3:9

E kon ask, “Who yu bi?” Rut ansa, “Na yor savant Rut. Make yu marry mi yor savant, bikos yu bi senior man for awa family.”