Psalms 9:9 - Holy Bible Nigerian Pidgin English

⁹ Na God dey guide doz wey dem dey opress; na-im dey save dem wen trobol kom.

Psalms 9:9 Iomraidhean Croise

1 Kronikles 16:33

Den make all di trees for bush shaut with joy for God, bikos E dey kom judge di world.

Psalms 108:12

Abeg, make Yu help us fight awa enemies, bikos human being help, dey yuzles

Psalms 142:4

I dey look for di rite pesin wey go kom help mi, but nobody dey even tink go my side! Nobody to help mi; nobody even kare about wetin go happen to mi.

Psalms 18:2

Na God bi di rock wey dey protet mi. Na-im dey guide mi and na-im bi di pawa wey dey save mi and I dey save inside am.

Psalms 20:1

Wen yu dey for trobol, make God ansa yor kry for help. Make Jakob God name, save yu from all wahala.

Psalms 32:7

Na God bi di place where I dey hide put and E dey protet mi from trobol. God surround mi with song and happiness from doz wey E diliver.

Psalms 37:39

But God go save doz wey dey fear am and na-im go protet dem wen dem dey for trobol.

Psalms 46:1

Na God bi di strong place wey wi dey hide put and na-im dey help us wen wi dey trobol.

Psalms 46:7

God wey dey lead heaven sojas dey with us and na Israel God dey protet us.

Psalms 48:3

God ensef dey for Jerusalem towa and na-im dey defend us.

Psalms 50:15

Afta, make una koll mi wen una dey trobol and I go kom save una, den una go give mi all di glory.”

Psalms 62:8

My pipol, make una always dey trust God, bikos na en dey guide us.

Psalms 67:5

My God, make evribody for dis world tank Yu! Make all di nashon give Yu praiz!

Psalms 7:9

Make Yu stop di bad tins wey wiked pipol dey do kon defend doz wey dey good, bikos my God wey dey good, know wetin dey pipol mind and heart.

Psalms 96:10

Make una tell di nashons sey, “Na God dey reign!” Di world stand gidigba and dem nor go fit shake am. God go judge evribody akordin to wetin dem do.

Psalms 98:9

before awa Oga God, bikos E dey kom judge di whole world. E go judge di whole world well kon judge evribody, with raitiousness.

Proverbs 18:10

God name na strong place to hide put, raitious pipol dey run enter and dem dey-dey save.

Isaya 32:2

Dem go bi like house wey pesin hide put bikos of heavy rain. Dem go bi like wota wey dey rush for desert; like big rock wey en shadow kover empty land.

Isaya 8:14

Bikos I dey holy; I bi like stone wey dey fall pipol and rock wey dey make pipol stagga. Yes! I bi like trap wey go katch pipol for Jerusalem.

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Luke 13:34

“Jerusalem pipol! Jerusalem pipol! Una wey kill profets and stone pipol wey God send kom meet una! E don tey wey I won gada una shidren as fawol dey gada en pikin under en feada, but una nor gri!

Deutronomi 33:27

Na di God wey go dey forever bi una guide and provida. En hand wey go dey forever, dey support una. E drive all una enemies kon sey make una distroy dem!

Hibru 6:18

God nor dey lie! So di promise wey E make and ensef wey E take swear, na two tins wey nor go shange. Since wi don run go meet God make E guide us, e good make awa mind strong, so dat wi nor go fear as wi bilive en promise.